Mathiu 26:41 - Ȧŋlemrȧnɛ Ȧfu

⁴¹ Kǝlɛnɛ nu, ɔwa ramnɛ nu kȧmȧ nǝ te wɔŋ rǝ tȧy tǝgbɔns; ȧŋmerȧ aŋ selɔ tɛntɛnɛ, kɛrɛ aŋdɛr a rant.

Mathiu 26:41 Iomraidhean Croise

Mathiu 24:42

Tiyȧŋ, kǝlɛnɛ nu, kotȧy-e nǝ tɛ hɛ ȧŋlɔkɔ ɔMarki ka nu mǝ ɔ der.

Mathiu 25:13

Tiyȧŋ kǝlɛnɛ nu kotȧy-e nǝ tɛ hɛ ȧŋrey thalɔm ȧŋlɔkɔ aŋa ɔWan ka wuni mɔ der.

Mathiu 26:38

kɔ pa ro ŋaŋ, Ȧŋmerȧ mi aŋ ba ɔnɔsinɛ ɔthasǝr haŋ ka rǝfi. Kar nu nɔ, nǝ kǝlɛnɛ yi minɛȧŋ.

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Mark 14:38

Kəlȧnɛ nu ɔwa nə ramnɛ kȧmȧ nə te wɔŋ rə tȧy təgbɔns. Tɛntɛnɛ ȧŋmerȧ aŋ selɔ kɛrɛ aŋdɛr a rant.

Luk 11:4

ɔwa tera su maləs ma su kotȧy-e saŋ sɔ sə tera ŋaŋ bɛ aŋa yɔ su ɔləs. Te su wɔŋȧ rə tȧy ta məgbɔns, kɛrɛ wurɔ su ka mȧtȧy mələs.

Luk 21:36

Tiyȧŋ kəlɛnɛ nu, ɔwa ramnɛ nu lɔkɔ o lɔkɔ kȧmȧ nə yi abeki tə kəfisȧ ka mȧtȧy ame bɛ ama ba kəyi, yi tə kətəma rodi ka ɔWan ka wuni.

Luk 22:40

Ɔwa ma ɔ bek ka ɔdɛr-e, ɔ pa ro rɔŋaŋ, Ramnɛ kȧmȧ nə te wɔŋ rə tȧy təgbɔns.

Luk 22:46

kɔ pa ro ŋaŋ, kɔyɛŋ nə dirȧ-e? Yokanɛ nu nə ramnɛ kȧmȧ nə te wɔŋ rə tȧy ta məgbɔns.

Luk 8:13

Ŋaŋ ka aŋgbalaŋ, maŋ təl-e, aŋ malanɛ ȧrim yi məbɔnɛ, kɛrɛ maŋ te ba ɛthənk-e, aŋ lanɛ alɔkɔ agbut gbo; ma aŋgbɔnsanɛ aŋ bek-e, aŋ bȧrȧ kəmuth.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

1 AŋKɔrenth 10:13

Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

1 AŋKɔrenth 16:13

Bumnɛ nu, təmȧ nu kəŋkəŋ ka kȧlanɛ. Yɔ nu mɔ afəm aruni, bȧk nu mədɛr.

1 AŋKɔrenth 9:27

Kɛrɛ i mɛməs ȧŋdɛr a mi, ɔwa i bɛnɛ ŋi ka rȧtar, ta thani kədarəŋ ka ma i po kawandi ka alɔm-e, min minɛnɛ, a kathi mi tə kəte bek.

AŋKȧletia 5:24

Ɔwa afəm aŋa yi ka Krayst aŋ po tȧŋ madɛr yi ɛnanɛ ya ɛfela ɛləs yati ka akənt kəpəŋkinɛ.

AŋƐfisɔs 6:18

Lɔkɔ o lɔkɔ ramnɛ nu rə kənɛmthɛnɛ bɛ ro Yina, ɔwa bum nu rə kəmuyu bɛ dɛ yi təramnɛ salata aŋfəm asəm bɛ.

1 Pitar 4:7

Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

2 Pitar 2:9

Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.

Kȧŋȧibinɛ 16:15

(Kəla-a, minɛ mə derȧŋ mɔ ukey. Wuni ka aruba wɔŋ ɔwe mə bumər-e, dɛ yi ɔwe mə bɛnɛ ɛlopra yɔŋ ta thani ɔ kɔth kətiŋ tal, ɔwa aŋ nənk mȧlap mɔŋ).

Kȧŋȧibinɛ 3:10

Kȧbi munɔ mə po bɛnɛ ȧrim ra mi-e, tȧsom minɛ sɔ i ti bɛnɛ mu ka ȧŋlɔkɔ ŋa kamɛmər aŋa mə der ka ȧdȧru bɛ tə kəmɛm aŋfəm nɔru.