Mathiu 25:10 - Ȧŋlemrȧnɛ Ȧfu

¹⁰ Ɔwa maŋ kɔnɛ tǝ kǝway-e, ɔnȧntȧ ufu ɔ der. Ɔwa ŋaŋ aŋa po bɛnɛnɛ aŋ wɔŋ yi kɔnɔ ka amet ma kanantǝ; ka a kantha kadare.

Mathiu 25:10 Iomraidhean Croise

Mathiu 24:42

Tiyȧŋ, kǝlɛnɛ nu, kotȧy-e nǝ tɛ hɛ ȧŋlɔkɔ ɔMarki ka nu mǝ ɔ der.

Mathiu 24:43

Kɛrɛ tȧrȧ nu ȧte kǝpa bepi ɔmarki ka ȧŋseth ɔ tȧrȧ ȧŋlɔkɔ aŋa ɔkei mǝ ɔ der-e, ɔ tǝ kǝlɛnɛ, ɔ gbǝli hɛ selɔ a bɛs ȧŋseth ŋɔŋ.

Mathiu 24:44

Tiyȧŋ yi nu a bɛnɛnɛ kotȧy-e ka ȧŋlɔkɔ aŋa mǝ nǝ te nanɛ ɔWan ka wuni ɔ tǝ der.

Mathiu 25:6

kɛrɛ ka kǝrendatɔŋ a tam kǝpa, Kǝlo, ɔnȧntȧ ufu ɔ bek! Wur nu nǝ kɔ gbans kɔ.

Mathiu 7:21

Pǝ yi hɛ wuni o wuni ɔwe mǝ pa ro mi, Pa, Pa, kɔnɔ mǝ wɔŋ ka rȧbȧy ra ro riyana, kɛrɛ ŋaŋ gbo son aŋa mǝ yɔ mȧselɔ ma ɔKas kȧmi ɔwe yi ro riyana.

Luk 12:35

Ta nə yi na asenɛ, ɔwa ta ɛmothȧ ɛ nu ɛ mara;

Luk 13:25

Ma ɔthem ka ȧŋseth ɔ po yokanɛ-e, ɔ po kantha kadare-e, ɔwa nə təp kətəma rokaŋ, nə gbȧtgbȧt ka kadare, nə pa, Pa, kanthɛ su; ɔ tə wosȧnɛ nu kəpa, I tɛ hɛ nu. Nia tha yi aŋyathki a mi.

AŋKɔlɔsi 1:12

Kama nə sɔŋ mɔmɔ ka ɔKas ɔwe po yɔ su sə yi saŋ abeki tə kəkasa ka akɛŋ ka aŋsəm ka ɔwaŋ;

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

1 Pitar 1:13

Tiyȧŋ bȧksər nu ɛmerȧ ɛ nu, ɔwa yi nu kəthɛgbɛ; kȧl gbakər ȧmerȧ ɔgbenthis ka ȧŋboŋa aŋa yi ta ȧtȧ nu ka kaŋaibinɛ ka Yisɔs Kraystȧŋ.

Kȧŋȧibinɛ 1:7

Kəla, kɔnɔ mə derȧŋ yi turu təfera, ɔwa rəfɔr o rəfɔr rə tə nənk kɔ, dɛ yi ŋa sɔ aŋa raf kɔ; ɔwa tȧbona bɛ ta ȧdȧru tə tə bok ta atɔŋ. Ta pə yi ti yaŋ, Amina.

Kȧŋȧibinɛ 19:7

Maŋ yasanɛ nu rə kəsel məbɔnɛ məthasər. Ɔwa maŋ sɔŋ kɔ nu ayiki, ȧtesoma-e kanantə ka kaLɔmɛ kəfɛth kə po bek, ka ɔbɛra ufath ɔ po bɛnɛnɛ.

Kȧŋȧibinɛ 22:20

Kɔn ɔwe sɔŋ məseri ta mȧtȧy ame, ɔ pa, Tə tɛntɛnɛ i ti der lɛmp. Yao, der ɔMarki Yisɔs.