8 Kɛrɛ mȧtȧy ame bɛ mǝ yi gbo ɔtǝpɛr wa ȧŋsɔmpanɛŋ.
kotȧy-e abona aŋ tə fumpɔ abona, ɔwa rəbȧy rə tə fumpɔ rəbȧy; kəyɛr ka ȧŋthɔf kə tə yi dɛr ɔgbȧthi. Dor rəbana rə tə yi. Mȧtȧy ame mə tə yi ɔtəpɛr wa kasɔmpanɛ.
Kɛrɛ yeŋka mȧtȧy ame bɛ mə yi, aŋ tə wop nu, aŋ tə sɔmpa nu, aŋ tə lȧnki nu ka ɛseth ɛgbanɛ yi ka ɛseth ɛtərənka, aŋ tə kȧrȧ nu rodi ka aŋbȧy yi aŋgbəka salata ȧŋes a mi.
kotȧy-e maŋ pa, Məthɔfəl dɛ yi kəpantay; ka ɔlɛmp wati kədinɛ kəsembu kə tə bəp ŋa, mɔ ɔbaŋ wa kəkom, kaŋ ba hɛ roŋ o roŋ tə kəkisi kəwur ka masibo mati.
Ɔwa, naŋ ayola, bok nu, ɔwa sel ɛrɔŋ salata masibo ma nu ama mə derər nu.
