Mathiu 24:7 - Ȧŋlemrȧnɛ Ȧfu

⁷ Abona aŋ tǝ yokar abona, rǝbai rǝ tǝ yokar rǝbai, dor rǝ tǝ yi, afithina ŋa tǝtu dɛ yi kǝyɛr ka ȧŋthɔf rǝ dɛr ɔgbaskɛ gbaskɛ.

Mathiu 24:7 Iomraidhean Croise

Luk 21:11

Kəyɛr kəbana ka ȧŋthɔf kə tə yi, dor yi tətu tətepər; ȧtȧy təninis yi ɛmisali ɛbana ɛ tə wur ka ȧkuru.

Mȧyɔs ma aŋsom 11:28

Ka ukin ka ŋaŋ ɔwe a bont Akabɔs, ɔ təmȧ, kɔ tɔri ŋa ka aŋfɔsɔ ŋa ɔYina kəpa dor rəbana rə tə yi ka ȧdȧru bɛ; are rə yɔnɛ ka marey ma Klɔdiɔs.

Mȧyɔs ma aŋsom 2:19

Ɔwa i ti tɔri mȧtȧy məkabanɛ ka ȧkuru rokɔm, Yi ɛmisali ka ȧŋthɔf roratha; Mətir yi nȧnt yi kimɔ.

AŋHibru 12:27

Ɔwa ȧrim are kəpa, Win gbo ras, rə tɔri kəpa a tə tɔŋa ɛyɛt ɛyɛ a gbəli yiŋktha, mɔ ɛyɛt ɛbɛmpa, kȧmȧ ɛyɛt ɛyɛ a te gbəli yiŋktha ɛ tə tiyȧ.

Kȧŋȧibinɛ 6:12

Ka i kəli ma ɔ sim ȧŋmȧthlɛ aŋa bekȧ tamthərukin, ɔwa kəla, kətən kəbana ka ȧŋthɔf kə yi; aret rə biyȧ thi mɔ afɔrɔ akur, dɛ yi aŋof ȧferȧ aŋ yiməra mɔ mətir.

Kȧŋȧibinɛ 6:5

Ma ɔ sim ȧŋmȧthlɛ aŋa bekȧ ɛsas-e, i təlȧ ɔwuka ukəli ɔwe bekȧ asas ɔ pa, Der kəli. Ɔwa ma i kəli i nənk ȧsoy ubi, ɔwa ɔwe rensa kɔ-e ɔ ba ȧthunthȧ ka kȧta kɔŋ.

Kȧŋȧibinɛ 6:6

Ka i təl rim kətɔŋ ka ɛwuka ŋanlɛ rə pa, Athunth ŋin ŋa awit ta asiliŋ-e, dɛ yi kəthunth məsas ka pȧbali ta asiliŋ. Ɔwa te ləsər ȧmȧro thalɔm məwain.

Kȧŋȧibinɛ 6:8

Ka i kəli, ɔwa i nənk ȧsoy ȧferȧ pər; ȧŋes ŋa ɔwe rensa kɔ aŋ yi Rəfi, dɛ yi Kərəfi kə tȧŋ kɔ. Ɔwa a sɔŋ ŋa afɔsɔ rokɔm ka ȧgbȧp ŋin ŋa ɛgbap yanlɛ ya ȧdȧru tə kədif rə agbathɔ yi dor, dɛ yi rəfi, rɛ tȧsɛm abaŋ aŋ ro kanth.