Mathiu 24:29 - Ȧŋlemrȧnɛ Ȧfu

²⁹ Ka ɔlɛmp wati, kǝdarǝŋ ka kasɔmpanɛ ka mȧrey mati, aret rǝ tǝ biyȧ, ɔwa aŋof aŋ ba hɛ kǝsɔŋ kawalɛ kati, dɛ yi atɔs tǝ tǝ fumpɔ kǝwur ka ȧkuru, ɔwa ɛfɔsɔ ya ȧturu ɛ tǝ yiŋkthanɛ.

Mathiu 24:29 Iomraidhean Croise

Mathiu 24:21

kotȧy-e ka ȧŋlɔkɔ ŋati asɔmpanɛ ȧbana aŋ tǝ yi awunɔŋ aŋa te tha la yi kǝbi ȧdȧru rǝ tǝpɛ haŋ ka-ake, dɛ yi aŋa te sɔ ba kǝyi thǝbana.

Mathiu 24:8

Kɛrɛ mȧtȧy ame bɛ mǝ yi gbo ɔtǝpɛr wa ȧŋsɔmpanɛŋ.

2 Pitar 3:10

Kɛrɛ ȧŋrey ŋa ɔMarki aŋ tə der mɔ ukei ka tȧtȧk. Ɔwa ka ȧŋrey ŋati tȧriyana tə tə thas yi ɛsɔnkɔ ɛbana, yi mayɛt bɛ mə tɔ thaŋkɛ yi ɔfey ɔninis, ka ȧdȧru dɛ yi mȧpanth ma afəm a kəpet bɛ mə tə fey mər.

Kȧŋȧibinɛ 8:12

Ɔmaleka ɔwe bekȧ ŋanlɛ ɔ fɛŋ, ka ȧranka aŋ fumpɔ ka ȧgbȧp ŋin ŋa ɛgbap ɛsas ya aret, yi ȧgbȧp ŋin ŋa ɛgbap ɛsas ya aŋof, dɛ yi ȧgbȧp ŋin ŋa ɛgbap ɛsas ya atɔs; kȧmȧ ȧgbȧp ŋin ŋa ɛgbap ɛsas yati ɛ biyȧ, pə yi rəyaŋ-o, thalɔm tȧtȧk.