Mathiu 22:16 - Ȧŋlemrȧnɛ Ȧfu

¹⁶ kaŋ som aŋkarande ŋaŋ yi aŋHerodian ro ŋɔŋ, aŋ pa, Karmɔkɔ sǝ tȧrȧ kǝpa mǝ yi utǝteŋ, ɔwa mǝ thǝksa aroŋ da Kuru tǝteŋ. Mǝ ba hɛ agbȧy kotȧy-e mǝ kǝli hɛ ȧder ra wuni.

Mathiu 22:16 Iomraidhean Croise

Mathiu 22:24

Karmɔkɔ, Mosis ɔ pa, Bepi wuni ɔ fi ɔ ba hɛ awuth-e, ɔwɔnt kɔŋ uruni ɔ ba tǝ kǝnantǝ ɔrani kɔŋ kȧmȧ ɔ komǝs awuth ta ɔwɔnt kɔŋ.

Mathiu 22:26

Ya pǝ yi sɔ ɔwe bekȧ ŋarǝŋ, yi ɔwe bekȧ asas, haŋ kǝbek ka ɔwe bekȧ tamthǝdɛrǝŋ.

Mathiu 26:18

kɔ pa, Kɔnɛ nu ro pet ka wuni wunɔŋ, nǝ pa ro ŋɔŋ, ƆKarmɔkɔ ɔ pa, Ȧŋlɔkɔ a mi aŋ fat. I ti wop amet ma kapainɛ ro seth ka mu yi aŋkarande a mi.

Mathiu 26:49

Ka ɔlɛmp wati ɔ der ka Yisɔsȧŋ, ɔ pa, Kori mu Karmɔkɔ! kɔ mumǝl kɔ.

Mark 10:17

Ma ɔ wur tə kəkɔ ka ȧŋbiyas ŋɔŋ-e, wuni kin ɔ der ro ŋɔŋ kəgbukɛŋ, ɔ sɔ təwu, ɔ yif kɔ, Karmɔkɔ ufinɔ, to mə i yɔ kȧmȧ i sɔthɔ aŋesəm thəbana-e?

Mark 12:13

kaŋ som ro ŋɔŋ aFaresi alɔm yi aHerodian alɔm, kȧmȧ aŋ gbipər kɔ naŋ ka mafɔf mɔŋ.

Mark 12:14

Maŋ bek-e, aŋ pa ro ŋɔŋ, Karmɔkɔ sə tȧrȧ kəpa munɔŋ mə yi təteŋ, mə nesa hɛ wuni o wuni, mə kəli hɛ wuni to ȧŋdɛr ŋɔŋ aŋ yi, mə thəksa aroŋ da Kuru ka tȧteŋ. Ɔlompi ti tə kəfaka Sisarȧŋ, thalɔm pə lomp hɛ-i?

Mark 3:6

Ma aŋFarisi aŋ wur-e, aŋ kɔnɛ lɛmp ka aŋHerodian kȧmȧ aŋ nəŋkanɛ to mə aŋ yɔ kȧmȧ aŋ dif kɔ.

Mark 8:15

kɔ maŋ ŋa kȧmȧ aŋ botnɛ, ɔ pa, Pɛndaf nu ɛgbith ya aŋFarisi yi ɛgbith ya Hɛrɔd.

Luk 20:21

kaŋ yif kɔ aŋ pa, Karmɔkɔ, sə tȧrȧ ti kəpa mə fɔf ɔwa mə thəksa ɔlompi, mə yɔ hɛ agbȧy ka wuni o wuni, kɛrɛ mə thəksa aroŋ ra Kuru təteŋ.

Luk 7:40

Ka Yisɔsȧŋ ɔ wosȧnɛ kɔ ɔ pa, Saymɔn, i ba tȧy tə kəkanɛ mu. Kɔ pa, Pa, fɔf gbo.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 18:37

Payletȧŋ pa ro ŋɔŋ, Mə yi mən ubai-i? Yisɔsȧŋ ɔ pa Aŋko, mə pa tȧteŋ, i yi ubȧy. Ta ȧte tə a kom mi, ɔwa ta ȧŋsabu aŋe tə i der ka ȧdȧru, kȧmȧ i gbaki ta tȧteŋ. Wuni o wuni ɔwe yi ka tȧteŋ ɔ təl ȧrim ra mi.

Yɔn 7:18

Wuni ɔwe mə fɔf ka ȧŋmerȧ ŋɔŋ-e, ɔ thɛns gbo aŋyiki ŋɔŋ: kɛrɛ kɔnɔŋ ɔwe mə thɛns aŋyiki ŋa ɔwe po som kɔ-e, kɔnɔ kati ɔ yi təteŋ, ɔwa ɔ ba hɛ məkənə.

2 AŋKɔrenth 2:17

kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

2 AŋKɔrenth 4:2

ka sə po ter mȧtȧy məmaŋknɛ ma məlap, sə kɔth hɛ rə məsɔth, sə kianɛ hɛ ȧrim ra Kuru rə kəpəŋis, kɛrɛ rə kətɔri tȧteŋ gbafəth-e, sə kolonɛ ka ȧŋmerȧ ŋa wuni o wuni rodi ka Kuru.

2 AŋKɔrenth 5:16

Tiyȧŋ kətəp ka-ake sə tɛ hɛ sɔ wuni o wuni mɔ wuni kəpet gbo; ɔwa hali ma sə la tȧrȧ Kraystȧŋ mɔ wuni kəpet-e, ka-ake sə tȧrȧ hɛ kɔ sɔ yaŋ.

AŋKȧletia 1:10

kotȧy-e minɛ i thɛns mamari ma afəm thalɔm Kuru-i? Thalɔm i mɛm tə kəbɔnɛs afəm-i? Bepi minɛ i thesanɛ gbo afəm-e, i yi hɛ ȧŋbɔy ŋa Krayst.

AŋKȧletia 2:6

Kɛrɛ kəwur ka ŋaŋ aŋa a lɔm mɔ afəm abana bana, (toto ŋa yi, tə ba hɛ mi tȧy o tȧy, Kuru ɔ malanɛ hɛ ader ra wuni), i pa gbo ŋaŋ aŋa a lɔm mɔ afəm abana bana, aŋ bȧr hɛ mi tȧy o tȧy təfu.

1 AŋThɛsȧlonika 2:4

kɛrɛ mɔ mə Kuru ɔ nənk su abɔthi lanɛ tə kətɔri ȧkɛra kəfinɔ kɔŋ, yaŋ mə sə fɔf; pə yi hɛ tə kəbɔnɛs wuni kəpet, kɛrɛ tə kəbɔnɛs Kuru ɔwe mɛm ɛmerȧ ɛ su.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.