Mathiu 21:26 - Ȧŋlemrȧnɛ Ȧfu

²⁶ Bepi sǝ pa, Rǝ afǝm, sǝ nesa ȧruniya, kotȧy-e afǝm bɛ aŋ wop Yɔnȧŋ mɔ unabi.

Mathiu 21:26 Iomraidhean Croise

Mathiu 11:9

Kɛrɛ kɔyɛŋ gbeŋ nǝ wur-e? Tǝ kǝnǝŋk unabi-i? Aŋko i kanɛ nu-e, uthasi unabi.

Mathiu 14:5

Ɔwa ma ɔ yema dif kɔ-e, ɔ nesa aŋfǝm, pǝkasifɛ aŋ nanɛ Yɔnȧŋ tǝ kǝyi unabi.

Mathiu 21:11

Ka ȧsuniya tǝ pa, Yisɔsȧŋ, ɔnȧbi ka ro Nasarɛth ake ro Kalili, kɔnɔȧŋ.

Mathiu 21:25

Ȧŋbaftisəm ŋa Yɔn-e, reke aŋ wur-e? Ka Kuru thalɔm rǝ afǝm-i? kaŋ fɔfǝranɛ aŋ pa, Bepi sǝ pa, Ka Kuru-e, ɔ tǝ pa ro rɔsu, Ɔwa kɔyɛŋ nǝ te lanɛ kɔ-e?

Mathiu 21:27

kaŋ wosȧnɛ Yisɔsȧŋ, aŋ pa, Sǝ tɛ hɛ. Ka Yisɔs ɔ pa ro ŋaŋ, Minɛ sɔ i tɔri hɛ nu aŋfɔsɔ aŋa mǝ i yɔ mȧtȧy ame.

Mathiu 21:46

Kɛrɛ maŋ thɛns tǝ kǝwop kɔ-e, aŋ nesa ȧsuniya, kotȧy-e aŋ gbasi kɔ tǝ kǝyi unabi.

Mark 11:32

Kɛrɛ bepi sə pa aŋ wur ka afəm-e aŋ nesa aŋfəm; kotȧy-e ka təteŋ aŋfəm aŋ kəli Yɔnȧŋ mɔ unabi.

Mark 12:12

kaŋ thɛns tə kəwop kɔ, kɛrɛ aŋ nesa aŋfəm, ȧtesoma-e aŋ tȧrȧ kəpa ɔ fɔf aŋlomɔ ta ȧtȧ ŋaŋ. Kaŋ tey kɔ, aŋ kɔnɛ.

Mark 6:20

Ȧtesoma-e Hɛrɔd ɔ nesa Yɔnȧŋ, ma ɔ tȧrȧ kəpa ɔ yi wuni lompi, ɔwa usəm-e. Kɔ bɛnɛ kɔ. Ma ɔ təlȧ kɔ-e, pə kɛtha kɔ rə ȧmerȧ, kɛrɛ pə bɔnɛ kɔ tə kətəla kɔ.

Luk 20:19

Ɔwa aŋfode abana yi aŋkarmɔkɔ aŋ thɛns tə kəwop kɔ ka ȧŋlɔkɔ ŋati gbeŋ, kɛrɛ aŋ nesa aŋfəm kotȧy-e aŋ sɔthnɛ kəpa ɔ fɔf aŋlomɔ aŋe ta ȧtȧ ŋaŋ.

Luk 20:6

Kɛrɛ bepi sə pa, Ka afəm-e, aŋfəm bɛ aŋ tə ləməs su məsar, ȧtesoma-e aŋ lanɛ kəpa Yɔnȧŋ ɔ yi unabi.

Luk 22:2

Ka aŋfode abana yi aŋkarmɔkɔ aŋ thɛns roŋ kȧmȧ aŋ dif kɔ, kɛrɛ aŋ nesa aŋfəm.

Yɔn 5:35

Kɔnɔ yi amotha aŋa gbɛntha finɔ, ɔwa ta alɔkɔ agbut nə selɔ tə kəyasanɛ yi məbɔnɛ ka ȧŋmothȧ ŋɔŋ.

Yɔn 9:22

Aŋ wosa yaŋ-e, pəkasifɛ aŋ nesa aŋYuda: kotȧy-e aŋYuda aŋ po lemranɛ kəpa, bepi wuni o wuni ɔ gbithanɛ kəpa Yisɔsȧŋ ɔ yi ɔKraist-e aŋ tə wurɔ kɔ ka ȧŋseth agbanɛ.

Mȧyɔs ma aŋsom 5:26

Ka ɔkaptin yi ɛbɔy aŋ kɔnɛ, aŋ kȧrȧ ŋa, pə yi hɛ rə afɔsɔ, kotȧy-e aŋ nesa aŋfəm ta thani aŋ ləməs ŋa məsar.