Mathiu 21:19 - Ȧŋlemrȧnɛ Ȧfu

¹⁹ Ma ɔ nənk ŋǝnt ŋa aŋgbɔnɔ ro roŋ dayɛr-e, ɔ fatǝr ŋi, kɛrɛ ɔ bǝp hɛ ri koko pǝthas gbo ɛbɔpǝr son, kɔ kanɛ ŋi, Ta akomi aŋ te sɔ wur mu thȧnkȧŋ. Ka ɔlɛmp wati aŋǝnt ŋa aŋgbɔnɔ aŋ wela.

Mathiu 21:19 Iomraidhean Croise

Mathiu 21:20

Ma aŋkarande aŋ nənk ti-e, aŋ kabanɛ, kaŋ pa, To som aŋǝnt ŋa aŋgbɔnɔ aŋ wela lɛmp-e?

Mark 11:14

kɔ pa ka aŋənt, Wuni o wuni ɔ di hɛ sɔ məkomi ma mu kətəp ka ȧŋlɔkɔ aŋe haŋ thȧnkȧŋ thəbana. Ka aŋkarande ŋɔŋ aŋ təl ti.

Mark 11:20

Maŋ thas rəbəth rəlɔm-e, aŋ nənk kəpa aŋənt ŋa aŋgbɔnɔ aŋ po wos kətəp ka ɛthəŋk.

Luk 3:9

Ɔwa ka-ake a po bot kabap ka ɛthəŋk ya ɛyint. Tiyȧŋ ŋənt o ŋənt aŋa mə te wurɔ məkomi məfinɔ a tə tap ŋi, ɔwa a tə fitha ŋi ro nȧnt.

Yɔn 15:2

Ara o ra ro mi aŋa mə te wur məkomi ɔ gbək ŋi; ɔwa ara o ra aŋa mə wur məkomi, ɔ wasər ŋi, kȧmȧ aŋ bȧr wur məkomi.

Yɔn 15:6

Bepi wuni ɔ tiyȧ hɛ ro mi-e, a tə fitha kɔ rokaŋ mɔ ara, ɔwa aŋ wos; ɔwa a thoŋkla ma, a fitha ma ro nȧnt ɔwa a thɔi ma.

2 Timɔthi 3:5

Aŋ yɔr mɔ mə aŋ bɔthər Kuru-e, kɛrɛ aŋ pɛnsa aŋfɔsɔ ŋati. Mə yi tə kəbȧr aŋfəm aŋe kəmuth.

Taytɔs 1:16

Aŋ tə pa aŋ tȧrȧ Kuru, kɛrɛ mȧyɔs maŋ mə pɛnsa kɔ, kȧbi aŋ yi afəm agbɛŋa, ȧthȧnthonɛ, aŋ mar hɛ yɔ məpanth o məpanth məfinɔ hali.

Yud 1:12

Aŋe ŋə yi ɛpora ka amet ma nu ma məbɔthər, ma aŋ di yi ŋaŋ aŋ wɔnthnɛ kəte ba rənes: aŋ yi mɔ ȧkuru kȧbi ȧke te ba kɔm, ȧke aŋfef mə aŋ kera; aŋ yi mɔ yint ɛte ba ɛbɔpər thalɔm məkomi, ɛ fi mȧrəŋ, a po tusi yi.

Kȧŋȧibinɛ 22:11

Kɔn ɔwe yi ukənȧ-e, ta ɔ tiya ka mȧkənɛ mɔŋ thuŋ; ɔwa kɔn ɔwe yi unɔkɔ, ta ɔ tiyȧ unɔkɔ thuŋ; kɔn ɔwe yi ulompi, ta ɔ yi ulompi thuŋ; ɔwa kɔn ɔwe yi usəm-e, ta o yi usəm thuŋ.