Mathiu 20:31 - Ȧŋlemrȧnɛ Ȧfu

³¹ Ka ȧruniya rǝ ŋal ŋa kȧmȧ aŋ taŋk, kɛrɛ aŋ bȧr sel ɛrɔŋ, aŋ pa, Pa, ba su ȧney, munɔ ɔwan ka Debid.

Mathiu 20:31 Iomraidhean Croise

Mathiu 15:23

Kɛrɛ ɔ lasianɛ hɛ kɔ hali dim din. Ka aŋkarande ŋɔŋ aŋ der aŋ nɛmthɛnɛ kɔ, aŋ pa, Yɔ ɔwath ubɛra ɔ kɔnɛ, kotȧy-e ɔ bokǝr su.

Mathiu 19:13

Ka a kȧrȧ afɛth ka Yisɔs kȧmȧ ɔ reŋ mȧta mɔŋ ro ŋaŋ, ɔ ramnɛ; kɛrɛ aŋkarande aŋ ŋal ŋa.

Mathiu 20:30

Ɔwa afǝm afith ŋarǝŋ aŋ yirȧ ro roŋ rayɛr, ma aŋ tǝl kǝpa Yisɔsȧŋ ɔ thas-e, aŋ sel ɛrɔŋ, aŋ pa, Pa, ba su ȧney, munɔ ɔwan ka Debid.

Mathiu 20:32

Ka Yisɔs ɔ tǝma son, ɔ tela ŋa ɔ pa, Ko nǝ yema i yɔna nu-e?

Mathiu 9:27

Ɔwa ma Yisɔs ɔ wur ri-e, alaŋgba afith ŋarǝŋ aŋ tȧŋ kɔ, aŋ sel ɛrɔŋ kaŋ pa, Munɔ ɔwan ka Debid, ba su ȧney.

Luk 18:39

Aŋfəm aŋa təmȧ rodi aŋ ŋal kɔ kȧmȧ ɔ taŋk, kɛrɛ ɔ bȧr gbo sel ɛrɔŋ, Munɔ wan ka Debid, ba mi ȧney.

AŋKɔlɔsi 4:2

Bȧsər nu ka kəramnɛ, ɔwa bumnɛ nu rə kəmuti mɔmɔ.

1 AŋThɛsȧlonika 5:17

Te nu tey kəramnɛ.