Mathiu 20:19 - Ȧŋlemrȧnɛ Ȧfu

¹⁹ Aŋ tǝ lȧnki kɔ ka tȧbona tǝlɔm kȧmȧ aŋ sel kɔ, ɔwa aŋ tǝ sap kɔ, aŋ tǝ tȧŋ kɔ ka kǝnt kǝpǝŋkinɛ. Ɔwa ka ȧŋrey aŋa bekȧ mǝsas-e, ɔ tǝ yokanɛ.

Mathiu 20:19 Iomraidhean Croise

Mathiu 12:40

kotȧy-e mɔ mǝ Yonaȧŋ ɔ ba mǝrei mǝsas pali gbɛs ka akor ka kalop kǝbana-e, ya ɔWan ka wuni mǝ ɔ yi rokor ka ȧŋthɔf mǝrei mǝsas pali gbɛsȧŋ.

Mathiu 16:21

Ka ȧŋlɔkɔ ŋati Yisɔsȧŋ ɔ tǝp kǝtɔri aŋkarande ŋɔŋ kǝpa ɔ ba kǝkɔ ro Yerusalɛm tǝ kǝnȧkȧsi mətȧy mǝgbȧthi ka mȧta ma aŋbȧki yi aŋfode ȧbana yi aŋkarmɔkɔ, ɔwa aŋ tǝ dif kɔ, ɔwa ka ȧŋrey aŋa bekȧ mǝsas a tǝ kȧl yokas kɔ.

Mathiu 17:23

ɔwa aŋ tǝ dif kɔ, kɛrɛ ka ȧŋrey aŋa bekȧ mǝsas-e, a tǝ yokas kɔ. Ka pǝ nɔsinɛ ŋa ɔthasǝr.

Mathiu 27:26

kɔ tera ŋa Barabasȧŋ; kɛrɛ ɔ sap Yisɔsȧŋ kɔ lȧnki kɔ tǝ kǝtaŋ tȧŋ kɔ ka akǝnt kǝpǝŋkinɛ.

Mathiu 27:63

Pa, sǝ kala ȧmerȧ kǝpa ɔwuni tɔns tȧy ɔwɔŋ ma ɔ yi ras ukǝli-e, ɔ pa, Kǝdarǝŋ ka mǝrei mǝsas-e i ti kȧl yokanɛ.

Mark 14:65

Alɔm aŋ thufər kɔ, kaŋ gbəpər ader rɔŋ, aŋ tuns kɔ, aŋ pa ro ŋɔŋ, Tɔri su ɔwuni bepi mə yi unȧbi. Ka ɛbɔy aŋ nȧpəs kɔ yi mȧta maŋ.

Mark 15:1

Ma pə sɔk-e, ka ɔlɛmp wati aŋfode abana aŋ nəŋkanɛ yi aŋbȧki yi aŋkarmɔkɔ dɛ yi aŋSanhedrin bɛ, kaŋ sek Yisɔsȧŋ, aŋ kera kɔ, kaŋ lȧnki kɔ ka Paylet.

Mark 15:15

Ɔwa Payletȧŋ, ma ɔ yema thesis ɛmerȧ ya ȧruniya-e, ɔ tera ŋa Barabas, ɔwa ma ɔ po sap Yisɔsȧŋ, ɔ lȧnki kɔ kȧmȧ a tȧŋ kɔ ka akənt kəpəŋkinɛ.

Luk 18:32

kotȧy-e a tə lȧnki kɔ ka tȧbona təlɔm, ɔwa a tə sel kɔ, a tə yɔ kɔ ɔləs, a tə thufər kɔ,

Luk 23:11

Ka Hɛrɔd yi aŋtim ŋɔŋ aŋ sai kɔ, aŋ sel kɔ, ka aŋ wɔns kɔ ruma rəkabanɛ, kaŋ kala kɔ ka Paylet.

Luk 24:46

Ɔwa ɔ pa ro ŋaŋ, Ya a po gbal kəpa ɔKrayst ɔ yi tə kənakasi dɛ yi tə kəkal yokanɛ ka rəfi ka ȧŋrey aŋa bekȧ məsas,

Mȧyɔs ma aŋsom 2:23

Kɔnɔ a lȧnki tand ka mabotəs yi kȧtȧrȧ ka Kuru thəpaŋ, ɔwa naŋ-e, ka mȧta ma afəm ȧthȧnthonɛ, nə tȧŋ kɔ ka akənt kəpəŋkinɛ, nə dif kɔ.

Mȧyɔs ma aŋsom 21:11

Ma ɔ der ro rɔsu-e, ɔ gbasi rasakoi ra Pɔlȧŋ, ɔ sek ȧtȧtək tɔŋ yi mȧta mɔŋ, ɔ pa, ɔYina məsəm ɔ kanɛ kəpa, ya aŋYuda ro Yerusalɛm mə aŋ sek ɔwan duni ɔwe ba rasakoi are, ɔwa aŋ tə lȧnki kɔ ka mȧta ma tȧbona təlɔm.

Mȧyɔs ma aŋsom 4:27

ȧtesoma-e ka təteŋ ka kȧpet ake pə yi hɛ gbo Hɛrɔdȧŋ yi Pɔntiɔs Paylet son, kɛrɛ təbona təlɔm yi aŋfəm ŋa Isrɛl sɔ, aŋ po thoŋklanɛ tə kəkȧsi Yisɔsȧŋ ȧŋBɔy a mu usəm ɔwe mə po pɔlɔ