Mathiu 19:29 - Ȧŋlemrȧnɛ Ȧfu

²⁹ Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Mathiu 19:29 Iomraidhean Croise

Mathiu 10:22

Afǝm bɛ aŋ tǝ gbɛŋa nu salata ȧŋes a mi, kɛrɛ ɔwe mǝ muyu haŋ ka ɔthalnɛ-e, kɔnɔ kati ɔ tǝ kisi.

Mathiu 13:23

Kɛrɛ kɔnɔ ɔwe a sak ka ȧŋthɔf afinɔ ɔ yi kɔnɔ ɔwe mǝ tǝl ȧrim, ɔwa pǝ sɔk kɔ. Ɔ kom mǝkomi tɛntɛnɛ, kɔ kom mǝlɔm mɔlɔ ma kɛmɛ kin, mǝlɔm mɔlɔ ma tǝgba tǝsas, mǝlɔm mɔlɔ ma kǝgba tɔfɔt.

Mathiu 13:8

Kɛrɛ mǝlɔm mǝ fumpɔ ka ȧŋthɔf afinɔ, ka mǝ kom mǝkomi, mǝlɔm mɔlɔ ma kɛmɛ kin, mǝlɔm tǝgba tǝsas, mǝlɔm kǝgba tɔfɔt.

Mathiu 16:25

kotȧy-e wuni o wuni ɔwe yema kisis aŋesǝm ŋɔŋ-e, ɔ tǝ dim ŋi; ɔwa wuni o wuni ɔwe mǝ dim aŋesǝm ŋɔŋ salata mi ɔ tǝ fir ŋi.

Mathiu 19:16

Ɔwa kǝla, wuni kin ɔ der ro ŋɔŋ, kɔ pa, Karmɔkɔ, ko tȧy tǝfinɔ tǝ mǝ i yɔ kȧmȧ i sɔthɔ aŋesǝm thǝbana-e?

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 25:46

Ɔwa aŋe aŋ tǝ kɔ ka athalǝr ŋa thǝbana, kɛrɛ aŋlompi aŋ tǝ kɔ ka aŋesǝm thǝbana.

Mathiu 5:11

Nǝ ba aruba bepi a sambos nu, ɔwa a sɔmpa nu, thalɔm a fɔf nu ɔlǝs rǝ rǝyem salata mi.

Mathiu 6:33

Kɛrɛ mɔtha nu thɛns rȧbȧy ra Kuru, dɛ yi mȧlompi mɔŋ, ɔwa ɔ tǝ bȧrȧ nu ɛyɛt ɛye bɛ.

Luk 14:26

Bepi wuni o wuni ɔ der ro mi, ɔ gbɛŋa hɛ ɔkas kɔŋ-o, ɔkara kɔŋ-o, ɔrani kɔŋ-o, aŋwuth ŋɔŋ-o, aŋwɔnt ŋɔŋ aruni-o, aŋwɔnt ŋɔŋ abɛra-o yi aŋesəm ŋɔŋ sɔ-e, ɔ gbəli hɛ yi ukarande kȧmi.

Luk 5:11

Maŋ po liŋ tabil taŋ ro gbaŋ-e aŋ tey mayɛt bɛ aŋ tȧŋ kɔ.

Luk 6:22

Na aruba, ma afəm aŋ gbɛŋa nu, ɔwa maŋ gbaskinɛ nu, ɔwa aŋ sambos nu, aŋ wurɔ ames ma nu mɔ tȧy tələs salata ɔWan ka wuni.

Yɔn 15:19

Bepi nə yi aŋa ȧdȧru, ȧdȧru rə tə bɔthər aŋɔŋ: kɛrɛ ma nə te yi aŋa ȧdȧru, kɛrɛ i po thith nu kəwur ka ȧdȧru-e tiyȧŋ ȧdȧru rə gbɛŋa nu.

Yɔn 4:36

Kɔnɔ ɔwe mə rɔk-e ɔ sɔthɔ ȧŋrȧm, ɔwa ɔ thoŋkla məkomi ta aŋesəm thəbana: kȧmȧ kɔnɔ ɔwe mə sak yi kɔnɔ ɔwe mə rɔk aŋ ba məbɔnɛ kətəma win.

Mȧyɔs ma aŋsom 9:16

kotȧy-e i ti tɔri kɔ mȧtȧy məgbathi ama ɔ ba tə kənakasi salata ȧŋes a mi.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

2 AŋKɔrenth 5:16

Tiyȧŋ kətəp ka-ake sə tɛ hɛ sɔ wuni o wuni mɔ wuni kəpet gbo; ɔwa hali ma sə la tȧrȧ Kraystȧŋ mɔ wuni kəpet-e, ka-ake sə tȧrȧ hɛ kɔ sɔ yaŋ.

AŋFilipai 3:8

Ya pə yi, i dim koko bɛ salata ɔfinɔ ɔbaki mɔlɔ wa kətara Yisɔs Krayst ɔMarki kȧmi; ɔwa ta atɔŋ i poŋ dim mȧtȧy bɛ, ka i nənk ma mɔ ɛka ya amuruŋ kȧmȧ i gbəli sɔthɔ Krayst,

1 Pitar 4:14

Bepi nə sɔthɔ məsambo salata ȧŋes ŋa Kraist-e, ta pə bɔnɛ nu; kotȧy-e ɔ Yina ka ayiki, pə yi mɔ-e, ɔ Yina ka Kuru, ɔ rensa nu; ka ȧŋgbȧp ŋaŋ a fɔf kɔ ɔləs, kɛrɛ ka ȧŋgbȧp a nu ɔ sɔthɔ ayiki.

3 Yɔn 1:7

Pəkasifɛ aŋ po kɔnɛ salata ȧŋes ŋɔŋ, kəte nɔy koko ka tȧbona təlɔm.