Mathiu 18:29 - Ȧŋlemrȧnɛ Ȧfu

²⁹ Ka ɔkos kɔŋ ȧbɔy ɔ gbǝpsa ɔ nɛmthɛnɛ, kɔ pa, Muyu mi, ɔwa i ti ram mu.

Mathiu 18:29 Iomraidhean Croise

Mathiu 18:26

Tiyȧŋ ȧŋbɔy ɔ gbǝpsa, kɔ nɛmthɛnɛ kɔ, ɔ pa, Pa, muyu mi ɔwa i ti po ram mu bɛ.

Mathiu 18:28

Kɛrɛ ȧŋbɔy ukin kati ɔ wur, kɔ fir ɔkos kɔŋ ȧbɔy ɔwe ba kǝram kɔ ɛsiliŋ kɛmɛ kin. Kɔ wop kɔ, ɔ tɔker kɔ ro bolo, ɔ pa, Ram mi ara mǝ ba kǝram mi.

Mathiu 18:30

Kɛrɛ ɔ selɔ hɛ, ɔ kɔ bot kɔ ka ȧŋseth ŋa tǝrǝŋka haŋ ɔ ram rabei rɔŋ.

Mathiu 18:33

Munɔ, mǝ gbǝli hɛ sɔ ba ȧney ta ɔkos mu ȧbɔy-i, mɔ minɛȧŋ i ba mu ȧney-i?

Mathiu 6:12

Tera su mȧtȧy ma su mǝlǝs, mɔ saŋ mǝ sǝ tera ŋaŋ aŋa yɔ su ɔlǝs.

AŋKɔlɔsi 1:7

mɔ mȧ nə po thəkəs ka Ɛpafras, ȧbɔy ukos a su ubɔthər. Kɔnɔ yi uyɔ məpanth ubɔthi lanɛ ka ɔMarki ta ȧtȧ su.

AŋKɔlɔsi 4:7

Tikikɔs ɔwe yi ɔwɔnt ubɔthər yi ɔkawandi ubɔthi lanɛ, dɛ yi ɔkos a su ubɔy ka ɔMarki, kɔnɔ mə ba tə kətɔri nu mȧtȧy ma mi bɛ,