Mathiu 17:20 - Ȧŋlemrȧnɛ Ȧfu

²⁰ kɔ pa ro ŋaŋ, Salata kate lanɛ ka nu. Tɛntɛnɛ i kanɛ nu, Bepi gbo nǝ ba kǝlanɛ mɔ aluka ŋa amustard nǝ gbǝli pa ka kateŋ ake, Tɔnɛ nɔ mǝ kɔ ro, ɔwa kǝ tǝ tɔnɛ. Ɔwa koko rǝ tui hɛ nu tȧy.

Mathiu 17:20 Iomraidhean Croise

Mathiu 13:31

kɔ bot sɔ alomɔ alɔm rodi ka ŋaŋ, ɔ pa, Rȧbȧy ra ro riyana rǝ bȧlȧnɛ mɔ aluka ŋa amustard aŋa wuni ɔ gbasi, ɔ tɛp ka akɔr kɔŋ.

Mathiu 14:29

kɔ pa, Der. Ka Pitarȧŋ ɔ wur ro bil, ɔ kɔth ka ȧmȧnt rokɔm tǝ kǝder ka Yisɔs.

Mathiu 17:17

Ka Yisɔsȧŋ ɔ wosa ɔ pa, O rǝkomra ara te lanɛ, rǝgbolŋanɛ, to mǝ i ba kǝwon yi naŋ-e? To mǝ i ba kǝwon tǝ kǝmuyu nu-e? Kara kɔ nɔ ro mi.

Mathiu 17:19

Ka aŋkarande aŋ der ka Yisɔs mǝnǝŋkanɛ, aŋ pa, kɔyɛŋ saŋ sǝ te gbǝli wurɔ kɔ-e?

Mathiu 17:9

Ɔwa mɔ mǝ aŋ thor ka kateŋ-e, Yisɔs ɔ yamari ŋa, ɔ pa, Te kanɛ wuni o wuni mȧnǝnk ama nǝ po nənk haŋ ɔWan ka wuni ɔ kȧl yokanɛ ka rafi.

Mathiu 21:21

Ka Yisɔsȧŋ ɔ wosa, ɔ pa ro ŋaŋ, Tɛntɛnɛ i pa ro nu, Bepi nǝ ba kǝlanɛ-e, ɔwa nǝ sikɛ hɛ-e, nǝ ba hɛ gbo kǝyɔ ȧte i yɔ aŋǝnt ŋa aŋgbɔnɔ-e, kɛrɛ hali nǝ pa ka kateŋ ake, Yokanɛ mǝ fithanɛ ro baŋ, pǝ tǝ yɔnɛ.

Mathiu 8:26

Kɔ pa ro ŋaŋ, kɔyɛŋ mǝ nǝ nesa-e, naŋ aŋa ba kǝlanɛ kǝthan-e? Kɔ yokanɛ, ɔ ŋal aŋfef yi kȧbȧŋ. Ka pǝ re yi ɔthɔfǝl bɛm.

Mark 11:22

Ka Yisɔsȧŋ ɔ pa ro ŋaŋ, Ba nu kȧlanɛ ka Kuru.

Mark 11:23

Tə tɛntɛnɛ i kanɛ nu, Wuni o wuni ɔwe mə pa ka kateŋ ake, Yokanɛ, mə fithanɛ ro baŋ, kəte ba asikɛ ka ȧŋmerȧ ŋɔŋ, kɛrɛ ɔ lanɛ kəpa ȧte ɔ pa tə tə yi-e, ɔ tə sɔthɔ ti.

Mark 4:31

Rə yi mɔ aluka ŋa amustard, aŋa pə yi bepi a tɛp ŋi ka aŋthɔf-e, hali maŋ yi alɔl athasi maluka bɛ ka ȧdȧru-e

Mark 9:23

Ka Yisɔsȧŋ ɔ pa, Bepi mə gbəli lanɛ-e, tȧy o tȧy bɛ tə gbəli yi ka ɔwe mə lanɛ.

Luk 1:37

kotȧy-e, koko bɛ rə thamrɔnɛ hɛ ka Kuru.

Luk 17:6

Ka ɔMarki ɔ pa, Bepi nə ba kəlanɛ mɔ aluka ŋa amustard-e, nə tə pa ka aŋənt aŋe, Tusinɛ, mə tɛpnɛ ro baŋ, aŋ tə wop ȧrim ra mu.

Luk 18:27

Kɛrɛ kɔnɔ ɔ pa, Mȧtȧy ama thas aŋfɔsɔ ŋa afəm mə thas hɛ aŋfɔsɔ ŋa Kuru.

Yɔn 11:40

Yisɔsȧŋ ɔ pa ro ŋɔŋ, I kanɛ hɛ mu naŋ kəpa, bepi mə lanɛ mə tə nənk aŋyiki ŋa Kuru-i?

1 AŋKɔrenth 12:9

ka ulɔm a sɔŋ kəlanɛ kəwur ka ɔYina ɔkin, ɔwa ka ulɔm sɔ, afɔsɔ tə kəyeŋkəs aŋtuy asabu ŋa ɔYina ɔkin.

1 AŋKɔrenth 13:2

Hali i ba aŋfɔsɔ tə kənȧbi-e, ɔwa i sɔthnɛ ɛgbundu dɛ yi kətara tȧy bɛ; ɔwa hali i ba kəlanɛ bɛ haŋ thɔŋ i gbəli tɔŋa təteŋ, bepi i ba hɛ məbɔthər-e, i yi hɛ koko.

AŋHibru 3:19

Tiyȧŋ sə nənk kəpa aŋ gbəli hɛ naŋ wɔŋ salata kate lanɛ.