Mathiu 16:17 - Ȧŋlemrȧnɛ Ȧfu

¹⁷ Ka Yisɔs ɔ pa ro ŋɔŋ, Munɔ mǝ ba aruba Saymɔn ɔwan ka Yona, pǝkasifɛ wuni kǝpet ɔ tɔri hɛ ti ro mu, kɛrɛ ɔKas kȧmi ɔwe yi ro riyana.

Mathiu 16:17 Iomraidhean Croise

Luk 22:32

kɛrɛ i po ramnɛ ta ȧtȧ mu kȧmȧ kȧlanɛ ka mu kə te ranta. Ɔwa ma mə po lafthɛ-e, bȧksər aŋwɔnt a mu.

Yɔn 1:42

Ɔ kera kɔ ka Yisɔs. Ma Yisɔsȧŋ ɔ kəli kɔ-e, ɔ pa, Munɔ yi Saymɔn ɔwan ka Yonas: ɔwe a bont Kefas (aŋa a tepa kəpa Pita).

Yɔn 6:45

A po gbal ka mȧgbal ma Aŋnȧbi kəpa, Kurɔŋ ɔ tə thəksa ŋa bɛ. Wuni o wuni ɔwe po təlȧ ɔKas, ɔwa ɔ thəkəs ro ŋɔŋ, ɔ tə der ro mi.

1 AŋKɔrenth 15:50

Ɔwa awɔnt, i kanɛ nu ȧte kəpa mədɛr yi mətir ɛ gbəli hɛ sɔthɔ rȧbȧy ra Kuru; ta a pa ras ara ba kəthey rə te gbəli sɔthɔ ara mə te thei thȧnkȧŋ.

AŋKȧletia 1:16

tə kəŋaibi ɔWan kɔŋ do rɔmi kȧmȧ i kawandi kɔ kətɔŋ ka təbona təlɔm-e, ka ɔlɛmp wati i kɔ hɛ tə kəfɔf ka wuni kəpet,

AŋƐfisɔs 2:8

kotȧy-e rȧ aboŋa a kisis nu asabu ŋa kəlanɛ; pə yi hɛ ka aŋfɔsɔ a nu, pə yi ȧŋboya ŋa Kuru Məsaba.

AŋƐfisɔs 3:5

A la hɛ tɔri ŋi ka aŋwuth ŋa afəm thəpaŋ, mɔ mȧ a poŋ thɔŋ ŋaybi ŋi ka-ake ka aŋsom ŋɔŋ asəm dɛ yi Aŋnȧbi kətȧŋȧnɛ ka ɔYina məsəm;

AŋƐfisɔs 6:12

kotȧy-e katim kȧsu kə yi hɛ kəŋamnɛ mədɛr yi mətir, kɛrɛ kəŋamnɛ ŋatəbomp-e, təbay-e, aŋgbəka ŋa ȧŋsum ŋa ȧdȧru are-e, dɛ yi kəŋamnɛ ɛyina ɛləs ya aŋfena.

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

1 Pitar 5:1

I maŋ aŋbȧki aŋa yi kətɔŋ ka nu, minɛŋ min yi sɔ ubaki dɛ yi useri ka ȧŋnȧkȧsi ŋa Kraystȧŋ, minɛ ba sɔ ani ka aŋyiki aŋa mə a re ŋaibi.

1 Yɔn 4:15

Wuni o wuni ɔwe mə gbithanɛ kəpa Yisɔs ɔ yi ɔWan ka Kuru, Kuru ɔ tiyȧ ro ŋɔŋ, ɔwa kɔn ɔ tiyȧ ka Kuru.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.