Mathiu 13:39 - Ȧŋlemrȧnɛ Ȧfu

³⁹ Ɔtheranɛ ɔwe sak ki-e, Sethani kɔnɔȧŋ. Ȧŋlɔkɔ ŋa karɔk aŋ yi ɔthalnɛ wa ȧdȧru, ɔwa aŋrɔk, ŋa yi aŋmȧleka.

Mathiu 13:39 Iomraidhean Croise

Mathiu 12:32

Wuni o wuni ɔwe mǝ fɔf ɔlǝs ta ɔWan ka wuni, a tǝ tera kɔ ti; kɛrɛ ɔwe mǝ fɔf ɔlǝs ta ɔYina mǝsǝm, a ba hɛ kǝtera kɔ ti hali ka ȧdȧru are, ta a pa ras ka ȧdȧru ara mǝ derȧŋ.

Mathiu 13:22

Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Mathiu 13:25

kɛrɛ ka tatak-e, ɔtheranɛ kɔŋ ɔ der ɔ sak kǝpika kǝtɔŋ apǝla, kɔ kɔnɛ.

Mathiu 13:28

kɔ pa ro ŋaŋ, Utheranɛ ulɔm kɔnɔ po yɔ ȧte. Ka ɛbɔy aŋ pa ro ŋɔŋ, Mǝ yema sǝ kɔ tusi kapika-i?

Mathiu 13:40

Tiyȧŋ mɔ mǝ a thoŋkla kapika, ɔwa a thɔi ki ro nant-e, ya mǝ pǝ yi ka ɔthalnɛ wa ȧdȧru.

Mathiu 13:49

Ya mǝ pǝ yi ka ɔthalnɛ wa ȧdȧru. Aŋmȧleka aŋ tǝ der, aŋ tǝ gbaski aŋlǝs ka aŋlompi,

Mathiu 24:3

Ɔwa ma ɔ yirȧ ka kateŋ ka Ɔlif-e, aŋkarande ŋɔŋ aŋ der ro ŋɔŋ sɔy, aŋ pa, Kanɛ su ȧŋlɔkɔ aŋa mȧtȧy ame mǝ tǝ yi-e, dɛ yi ko mǝ yi ȧŋmisali ŋa kȧder ka mu, yi ɔthalnɛ wa raru-e?

Mathiu 25:31

Kɛrɛ ma ɔWan ka wuni ɔ po der ka aŋyiki ŋɔŋ, yi aŋmȧleka aŋa yi yi kɔnɔȧŋ, ka ȧŋlɔkɔ ŋati ɔ tǝ yirȧ ka kawaŋ ka rȧbȧy ka aŋyiki ŋɔŋ-e,

Mathiu 28:20

ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.

1 AŋKɔrenth 10:11

Ɔwa mȧtȧy ame bɛ mə yɔnɛ ŋaŋ tə kəyi ȧmȧŋ, ka a gbal ma mɔ amɔl ta ȧtȧ su, ma pə yi sə bəpər ka ɔlasər wa ɛyamana.

2 AŋKɔrenth 11:3

Kɛrɛ i soli ta thani mɔ mə ȧŋbok ɔ tɔns Ma Hawa ka masɔth mɔŋ-e, yaŋ sɔ ɛmerȧ ɛ nu ɛ tə yɛthȧ kəwur ka ɔfɔy tȧy dɛ yi ɔfethər ɔwe yi ka Kraystȧŋ.

2 AŋKɔrenth 2:17

kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋHibru 1:2

kɛrɛ ka marey mələpsɔ ame ɔ fɔfȧnɛ su ka ɔWan kɔŋ, ɔwe Kuru ɔ thith tə kəsɔthɔ mȧtȧy bɛ kɛŋ, ɔwa kətaŋ do rɔŋɔŋ sɔ ɔ la po bɛmpa ȧdȧru bɛ;

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

Yud 1:14

Inɔk sɔ, ɔwe bekȧ tȧmthədɛrəŋ ka rȧlek ra Adȧm, ɔ nȧbi ta aŋfəm aŋe, ɔ pa, Kəla, ɔMarki ɔ der yi aŋfəm ŋɔŋ asəm ɛwul ɛwul,

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 13:14

kɔ pəŋis aŋfəm ka ȧdȧru kətȧŋȧnɛ ka mȧtȧy məkabanɛ ama ɔ ba afɔsɔ tə kəyɔ ka kȧbəprȧnɛ ka ɔsɛm; kɔ kanɛ aŋfəm ka ȧdȧru tə kəbɛmpa arɔŋ ka mȧbȧlȧnɛ ma ɔsɛm utuy tȧy ɔwe a la yɔ ɔbaŋ rɛ aŋgbathɔ, kɛrɛ ɔ yi ukəli halisa.

Kȧŋȧibinɛ 19:20

Ɔwa a gbip ɔsɛm ubaŋ, dɛ yi ɔnȧbi uyem ɔwe la yɔ mȧyɔs məkabanɛ rodi kɔŋ, pə yi mɔ-e mȧyɔs ama la tɔns ŋaŋ aŋa la sɔthɔ aŋlomar ŋa ɔsɛm ubaŋ, dɛ yi ŋaŋ aŋa la bȧtho mȧbȧlȧnɛ mɔŋ. Kaŋ fitha ŋa ŋarəŋ akəli ka ȧŋbonka ŋa nȧnt ana mara rɛ ȧsɔlfɔ.