Mathiu 13:23 - Ȧŋlemrȧnɛ Ȧfu

²³ Kɛrɛ kɔnɔ ɔwe a sak ka ȧŋthɔf afinɔ ɔ yi kɔnɔ ɔwe mǝ tǝl ȧrim, ɔwa pǝ sɔk kɔ. Ɔ kom mǝkomi tɛntɛnɛ, kɔ kom mǝlɔm mɔlɔ ma kɛmɛ kin, mǝlɔm mɔlɔ ma tǝgba tǝsas, mǝlɔm mɔlɔ ma kǝgba tɔfɔt.

Mathiu 13:23 Iomraidhean Croise

Mathiu 12:33

Yɔ hɔ kȧmȧ aŋǝnt aŋ thesa, yi mȧkomi mati mǝ thesa, thalɔm yɔ aŋǝnt aŋ lǝsǝ yi mȧkomi mati mǝ lǝsǝ; kotȧy-e a tȧrȧ aŋǝnt ka mȧkomi mati.

Mathiu 13:8

Kɛrɛ mǝlɔm mǝ fumpɔ ka ȧŋthɔf afinɔ, ka mǝ kom mǝkomi, mǝlɔm mɔlɔ ma kɛmɛ kin, mǝlɔm tǝgba tǝsas, mǝlɔm kǝgba tɔfɔt.

Mathiu 3:10

Ɔwa ka-ake a po thɔ bot kabap ka aŋthǝŋk ŋa ɛyint. Tiyȧŋ, ŋǝnt o ŋǝnt aŋa mǝ te wur mǝkomi mǝfinɔ-e, a tǝ tap ŋi, a tǝ fitha ŋi ro nȧnt.

Mathiu 3:8

Tiyȧŋ kȧrȧ nu mǝkomi mǝbeki ta kǝthupi.

Mark 10:15

Tɛntɛnɛ i kanɛ nu, Wuni o wuni ɔwe mə te malanɛ rȧbȧy ra Kuru mɔ uwath-e, ɔgbəli hɛ wɔŋ ri.

Mark 4:20

Ɔwa aŋa a sak ka ȧŋthɔf afinɔ, maŋ təl ȧrim aŋ malanɛ ri, ɔwa aŋ kom məkomi mɔlɔ ma kəgba tɔfɔt, məlɔm təgba təsas, məlɔm kɛmɛ kin.

Luk 13:9

Bepi aŋ kom məkomi kətəp ka ȧŋlɔkɔ ŋati, ɔfinɔ. Bepi mən aŋ kom hɛ-e, mə gbəli tap ŋi.

Luk 8:15

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Luk 8:8

Məlɔm mə fumpɔ rə athɔf afinɔ, mə lɔkɔ, mə kom məkomi mɔlɔ ma kɛmɛ kin. Ma Yisɔs ɔ po fɔf mȧtȧy ame-e, ɔ ŋata ȧrim rɔŋ, kɔ pa, Ɔwe ba ɛləns ta ɔ təl.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 8:47

Wuni ɔwe yi ka Kuru ɔ təl ȧsim ta Kuru: tesom nə təl hɛ ti, pəkasifɛ nə yi hɛ ka Kuru.

Mȧyɔs ma aŋsom 16:14

Ka ubɛra ulɔm, ȧŋes ŋɔŋ ŋȧ yi Lidya, uthila totha təyim-e, ɔ yi ka kȧpet ȧke a bont Thiatira, ɔwe bȧtho Kurɔŋ; kɔnɔ təlȧ su. Ɔwa ɔMarki ɔ kanthi ȧŋmerȧ ŋɔŋ kȧmȧ ɔ botər ȧmerȧ ta mȧtȧy ama Pɔlȧŋ ɔ fɔf.

Mȧyɔs ma aŋsom 17:11

Ɔwa aŋe aŋ yi afəm atal pəthasi ŋaŋ aŋa yi ro Thɛsalonika, kotȧy-e aŋ malanɛ ȧrim yi ɛmerȧ ɛselɔ, aŋ gbɛŋgbɛŋ mȧgbal ma Kuru ȧrey o rey, kȧmȧ aŋ tȧrȧ bepi mȧtȧy ame mə yi tȧteŋ.

2 AŋKɔrenth 9:10

Ɔwa ɔwe mə sɔŋ məter ka ɔsak yi kəbo ta ɛwɔnth-e, kɔnɔ mə sɔŋ nu mater yi mȧbȧrnɛ mati tə kəsak. Ɔwa ɔ tə kȧl sɔŋ mȧkomi məbarnɛ ma mȧlompi ma nu.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 4:17

Pə yi hɛ kəpa i thɛns aboya, kɛrɛ i thɛns kȧmȧ nə wurɔ məkomi məgbathi.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

2 AŋThɛsȧlonika 2:10

dɛ yi sɔ rə ɛyaŋfa o yaŋfa ɛləs salata ŋaŋ aŋa mə dinɛ; pəkasifɛ aŋ malanɛ hɛ mabɔthər ma tȧteŋ, kȧmȧ aŋ gbəli kisi.

AŋHibru 4:2

Ȧtesoma-e a tɔri su sɔ ȧkɛra kəfinɔ ka Kuru mɔlɔ min mɔ ŋaŋ; kɛrɛ ȧkɛra ȧke aŋ po təl kə mar hɛ ŋa, pəkasifɛ aŋ lanɛ hɛ maŋ təl ki.

AŋHibru 6:7

kotȧy-e ȧŋthɔf aŋa po sɔthɔ atɔm katkat, bepi aŋ kom mȧkomi ama mə yi məfinɔ ta aŋbȧf-e, aŋ tə sɔthɔ aŋruba ŋa Kuru.

AŋHibru 8:10

Kɛrɛ aŋlemranɛ ŋi aŋe aŋa mɛ re sek yi rȧkomra ra Isrɛl, Kədarəŋ ka marey mati, ɔMarki ɔ pa. I ti bot ɛthɔ ɛ mi ka ɛnanɛ yaŋ, I ti gbal yi ka ɛmerȧ yaŋ. Ɔwa i ti yi ɔKuru ka ŋaŋ, ɔwa ŋaŋ aŋ tə yi aŋfəm a mi.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.