Mathiu 13:22 - Ȧŋlemrȧnɛ Ȧfu

²² Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Mathiu 13:22 Iomraidhean Croise

Mathiu 12:32

Wuni o wuni ɔwe mǝ fɔf ɔlǝs ta ɔWan ka wuni, a tǝ tera kɔ ti; kɛrɛ ɔwe mǝ fɔf ɔlǝs ta ɔYina mǝsǝm, a ba hɛ kǝtera kɔ ti hali ka ȧdȧru are, ta a pa ras ka ȧdȧru ara mǝ derȧŋ.

Mathiu 13:39

Ɔtheranɛ ɔwe sak ki-e, Sethani kɔnɔȧŋ. Ȧŋlɔkɔ ŋa karɔk aŋ yi ɔthalnɛ wa ȧdȧru, ɔwa aŋrɔk, ŋa yi aŋmȧleka.

Mathiu 13:40

Tiyȧŋ mɔ mǝ a thoŋkla kapika, ɔwa a thɔi ki ro nant-e, ya mǝ pǝ yi ka ɔthalnɛ wa ȧdȧru.

Mathiu 13:7

Mǝlɔm mǝ fumpɔ ka tȧbȧnk ratɔŋ, ka tȧbȧnk tǝ lɔkɔ, tǝ thiŋkanɛ ma.

Luk 12:15

kɔ pa ro ŋaŋ, Botnɛ nu, ɔwa bumnɛ nu ta ɛfɔr ɛyamari, ȧtesoma-e aŋesəm ŋa wuni aŋ yi hɛ ka mȧyɛt məgbathi ama ɔ ba.

Luk 12:21

Ya ɔwuni ɔ yi ɔwe mə bɛnɛnɛ ɛyɛt ɛkɛŋ ta kɔn kɔnɔnɛ, ɔwa ɔ yi hɛ uyola ka ȧŋgbȧp ŋa Kuru.

Luk 21:34

Botnɛ nu ɛmerȧ ɛ nu kȧmȧ amet, yi kətis, yi ɛsoli ya ȧdȧru are ɛ te yɔ ɛmerȧ ɛ nu ɛ fi, kȧmȧ ȧŋrey ŋati aŋ thorər nu kəthɛna mɔ məgbət.

Luk 8:14

Ama fumpɔ rə tabaŋk ratɔŋ, mə yi ŋaŋ aŋa po təl. Ɔwa maŋ kɔnɛ ka asoŋ ta ŋaŋ-e, ɛsoli, yi rayola, yi mabɔthi ma ȧdȧru, ɛye bɛ ɛ thiŋkanɛ ŋa, ɔwa aŋ kom hɛ məkomi məgbenthis.

Mȧyɔs ma aŋsom 8:18

Ɔwa ma Saymɔnȧŋ ɔ nənk kəpa rə kərend mȧta ma aŋsom a sɔŋ ɔYina məsəm-e, ɔ taka ŋa akala,

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

1 AŋKɔrenth 1:20

Reke ɔtempi ɔ yi-a? Reke ɔgbal ɔ yi-a? Ɔthonka ka ȧdȧru are kɔna? Kuru ɔ səki hɛ kȧtemp ka ȧdȧru are apəŋk-i?

1 AŋKɔrenth 2:6

Kɛrɛ halisa, bepi sə yi kətɔŋ ka ŋaŋ aŋa yi abȧki mədɛr ka kəlanɛ-e, sə tə fɔf kətemp; kɛrɛ kȧtemp ka ȧdȧru are thahɔ, thalɔm kȧtemp ka aŋgbəka ŋa ȧdȧru are, aŋa mə ba kəthas.

1 AŋKɔrenth 2:8

Ugbəka o gbəka ka ȧdȧru are ɔ tɛ hɛ ki, pəkasifɛ bepi aŋ po tȧrȧ ki aŋ gbəli hɛ naŋ tȧŋ ɔMarki ka ayiki ka akənt kəpəŋkinɛ.

1 AŋKɔrenth 3:18

Ta wuni o wuni ɔ te tɔnsnɛ. Bepi wuni o wuni kətɔŋ ka nu ɔ nanɛ kəpa kɔn tempi ka ȧdȧru are-e, ta ɔ səkɛ upəŋk, kȧmȧ ɔ yi utempi tɛntɛnɛ.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

1 Timɔthi 6:17

Maŋ ŋaŋ aŋa ba rəyola ka ȧdȧru are kȧmȧ aŋ te ba kəbonɛ tȧy, ɔwa kȧmȧ aŋ te gbak ȧmerȧ ka rayola ara ba kəpoŋ, kɛrɛ ka ɔKuru ukəli, ɔwe po sɔŋ su tȧy o tȧy təfinɔ ta mabɔnɛ ma su.

2 Timɔthi 4:10

kotȧy-e Dimas ɔ po tey mi ma ɔ bɔthər ȧdȧru are, ɔ poŋ thɔŋ kɔnɛ ro Thɛsalonika, Krɛsɛns ro Kaletia, Taytɔs ro Dalmetiya.