Mathiu 12:28 - Ȧŋlemrȧnɛ Ȧfu

²⁸ Kɛrɛ bepi i wurɔ akǝrǝfi ka aŋfɔsɔ ŋa ɔYina ka Kuru Mǝsaba-e, rȧbȧy ra Kuru rǝ derǝr nu.

Mathiu 12:28 Iomraidhean Croise

Mathiu 12:18

Kǝla, ȧŋbɔy a mi ɔwe i po thith, Ɔbɔthǝr kȧmi ka ɔwe ȧŋmerȧ a mi aŋ ba mǝbɔnɛ. I ti bot ɔYina kȧmi ro ŋɔŋ, Ɔwa ɔ tǝ tɔri mǝlompi ka tȧbona tǝlɔm.

Mathiu 12:29

Thalɔm to wuni mǝ ɔ gbǝli wɔŋ rǝ ȧŋseth ŋa wuni ba afɔsɔ tǝ kǝlukǝs ɛyɛt yɔŋ thambe ɔ mɔtha sek ɔwuni kati-e? Kǝdarǝŋ kati ɔ tǝ gbǝli tɛn lukǝs ɛyɛt ya ȧŋseth ŋɔŋ.

Mathiu 21:31

Ka ŋa ŋarǝŋ aŋe-e, kanɛ yɔ mȧselɔ ma ɔkas kɔŋ-e? kaŋ pa ro ŋɔŋ, Ɔtɔtɔkɔ. Ka Yisɔsȧŋ ɔ pa ro ŋaŋ, Tɛntɛnɛ i kanɛ nu kǝpa aŋthoŋkla ɛfȧk yi aŋbɛra arǝpi aŋ tǝ mɔtha nu wɔŋ ka rȧbȧy ra Kuru.

Mathiu 21:43

Tiyȧŋ i pa ro rɔnu, A tǝ nɔy nu rȧbȧy ra Kuru, a tǝ sɔŋ ri abona aŋa mǝ wurɔ mȧkomi mati.

Mathiu 4:24

Ka ȧŋes ŋɔŋ aŋ gbanthɛnɛ ro Siria bɛ; kaŋ kȧrȧ ro ŋɔŋ aŋboma bɛ aŋa ba tǝtu yi ɛsɔmpanɛ ɛbaŋ ɛgbanthɛ tǝtǝp, ŋaŋ aŋa ba akǝrǝfi-o, tatuk-o, mȧthanthaŋ-o, ɔwa ɔ yeŋkǝs ŋa bɛ.

Mathiu 6:33

Kɛrɛ mɔtha nu thɛns rȧbȧy ra Kuru, dɛ yi mȧlompi mɔŋ, ɔwa ɔ tǝ bȧrȧ nu ɛyɛt ɛye bɛ.

Mark 1:15

kɔ pa, Ȧŋlɔkɔ aŋ lasər, ɔwa rȧbȧy ra Kuru rə po fat. Thupi nu, ɔwa lanɛ nu ȧkɛra kəfinɔ.

Mark 11:10

aruba aŋ yi ka rȧbȧy ara mə derȧŋ, rȧbȧy ra ɔkas kȧsu Debidȧŋ. Hosana rokɔm kɔm.

Mark 16:17

Ɔwa ɛmisali ɛye ɛ tə tȧŋ ŋa aŋa lanɛ; aŋ tə wurɔ akərəfi ka ȧŋes a mi; aŋ tə fɔf tənt təfu;

Luk 10:11

Hali kabof ka kȧpet ka nu ȧke gbapsa ȧtȧtək ta su, sə nasi ki; kɛrɛ tȧrȧ nu kəpa, tɛntɛnɛ rȧbȧy ra Kuru rə po nu fat.

Luk 11:20

Kɛrɛ bepi minɛ i wurɔ akərəfi yi aŋsəl ŋa Kuru-e, pə yi kəpa rȧbȧy ra Kuru rə po der ro rɔnu.

Luk 16:16

Ȧŋthɔ yi aŋnabi aŋ yi haŋ ka ȧŋlɔkɔ ŋa Yɔn. Kətəp ka ȧŋlɔkɔ ŋati a taməs rȧbȧy ra Kuru, ɔwa wuni o wuni ɔ wɔŋ ri rə afɔsɔ.

Luk 9:2

kɔ som ŋa tə kətaməs rȧbȧy ra Kuru, ɔwa, tə kəyeŋkəs aŋboma.

Mȧyɔs ma aŋsom 10:38

Rə tɔri kəpa Kurɔŋ ɔ reŋ Yisɔsȧŋ ɔwe ro Nasarɛth ɔYina məsəm yi afɔsɔ; ɔ kɔth kɔth dɛr o dɛr kəyɔ ɔfinɔ, ɔ yenkəs aŋfəm bɛ aŋa Sethani mɔ sɔmpa, kotȧy-e Kurɔŋ ɔ yi yi kɔn.

AŋRomans 14:17

ȧtesoma-e rȧbȧy ra Kuru rə yi hɛ kədi yi kəmun, kɛrɛ rə yi məlompi, yi məthɔfəl dɛ yi məbɔnɛ rokor ka ɔYina məsəm.

AŋKɔlɔsi 1:13

ɔwe po wurɔ su ka aŋfɔsɔ ŋa asum, kɔ po wɔŋȧ su ka rȧbȧy ra ɔWan ka mabɔthər mɔŋ.

AŋHibru 12:28

Tiyȧŋ ma sə sɔthɔ rȧbȧy ara mə a te gbəli yinktha-e, maŋ sɔŋ nu mɔmɔ kȧmȧ sə yɔna Kuru məpanth məbeki rə kəbȧtho dɛ yi rənes.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.