Mathiu 11:21 - Ȧŋlemrȧnɛ Ȧfu

²¹ Mɔnɛ ro mu Korasin! Mɔnɛ ro mu Bɛthsayda! kotȧy-e bepi mȧyɔs mǝkabanɛ ama a po yɔ kǝtɔŋ ka nu-e, a yɔ ma naŋ ro Tair dɛ yi ro Sidon-e, aŋ tǝ po naŋ thupi ɔwoni rǝ kotha kǝnɛthɛ dɛ yi rǝ ros.

Mathiu 11:21 Iomraidhean Croise

Mathiu 11:22

Kɛrɛ i kanɛ nu, pǝ tǝ yi ɔfisa ta ro Tair yi ro Sidon ka ȧŋrey ŋa kǝthoŋkas pǝthasi nu.

Mathiu 15:21

Ka Yisɔs ɔ wur ri, ɔ kɔ ka ɛgbap ya ro Tair yi ro Sidon.

Mathiu 18:7

Mɔnɛ ka ȧdȧru ta mətȧy mǝpǝnthbǝla, kotȧy-e mȧtȧy mati mǝ ba kǝder; kɛrɛ mɔnɛ ka ɔwuni kati ɔwe mǝ kȧrȧ ma!

Mathiu 26:24

ƆWan ka wuni ɔ kɔ mɔ mǝ a gbal ta atɔŋ, kɛrɛ mɔnɛ ka ɔwuni kati ɔwe mǝ sɔnd ɔWan ka wuni. Pǝ tǝ yi ɔfinɔ naŋ ta ɔwuni kati bepi a kom hɛ kɔ naŋ.

Mark 3:8

Ɔwa runiya rəbana sɔ kəwur ro Yerusalɛm, ro Idɔm yi ka kȧbȧŋ ka Yɔrdan mɔri, yi ka ȧŋthɔf aŋa gbətɔ ro Tair yi ro Sidon, aŋ der ro ŋɔŋ maŋ təl ta mȧtȧy məbana ama ɔ po yɔ.

Mark 6:45

Ka ɔlɛmp wati ɔ yɔ aŋkarande ŋɔŋ aŋ bȧkȧ ka ȧŋbil kȧmȧ aŋ təmȧ kədi kəkɔ romɔri ro Bɛthsayda, ma kɔnɔ ɔ tiyȧ yɔ ȧruniya rə sakanɛ.

Mark 7:24

Kədarəŋ kati ɔ yokanɛ kɔ wur ri, ɔ kɔnɛ ka manəŋkəra ma ro Tair yi ro Sidon. Kɔ wɔŋ rə aseth, ɔ yema hɛ wuni o wuni ɔ tȧrȧ ti, kɛrɛ ɔ gbəli hɛ maŋknɛ.

Mark 7:31

Ma Yisɔsȧŋ ɔ wur ka ȧŋgbȧp ŋa ro Tair-e, ɔ thas ro Sidon tə kəkɔ ka kȧbȧŋ ka ro Kalili, ɔ gbəkinɛ manəŋkəra ma ro Dikapɔlis.

Mark 8:22

kaŋ bek ro Bɛthsayda. Kaŋ kȧrȧ ro ŋɔŋ ulaŋgba ufith, ɔwa aŋ nɛmthɛnɛ kɔ kȧmȧ ɔ gboŋ kɔ.

Luk 4:26

Kɛrɛ a som hɛ Ilaya ka ukin ka ŋaŋ thambe ka ubora ro Sarɛptha, ka ȧŋthɔf ŋa Sidon.

Luk 6:17

Ɔ thor yi ŋaŋ ka abɛthkɔ, kɔ bəp ȧruniya ra aŋkarande ŋɔŋ yi afəm agbȧthi aŋa wur ro Yudia bɛ yi ro Yerusalɛm, yi ka ȧŋthɔf ŋa ro Tair yi ro Sidon, aŋa der tə kətəla kɔ, ɔwa kȧmȧ ɔ damər tatu taŋ.

Luk 9:10

Ma aŋsom aŋ po kalanɛ-e, aŋ tɔri kɔ mȧtȧy bɛ ama aŋ po yɔ. Kɔ wur ri ɔ kera ŋa dɛr ɔyeŋ ɔfati ka kȧpet ȧke a bont ro Bɛthsayda.

Yɔn 1:44

Filipȧŋ ɔ wur ro Bɛthsayda, kȧpet ka Andru yi Pitaŋ.

Yɔn 12:21

Aŋ der ka Filip, ɔwe ro Bɛthsayda ake ro Kalili, aŋ kanɛ kɔ, Pa, sə yema nənk Yisɔsȧŋ.

Mȧyɔs ma aŋsom 12:20

Ka pə bansȧnɛ Hɛrɔdȧŋ ta ŋaŋ aŋa yi ro Tair yi ro Sidon, kɛrɛ aŋ der ro ŋɔŋ rə ȧmerȧ ŋin; ɔwa ma aŋ po səki Blastɔs, ȧŋbɔy ŋa ɔbȧy, uyathki ka ŋaŋ-e, aŋ thola məthɔfəl, pəkasifɛ ȧŋthɔf ŋaŋ aŋ sɔthɔ yɛt ɛdi kəwur ka ȧŋthɔf ŋa ɔbȧy.

Mȧyɔs ma aŋsom 27:3

Ka ȧŋrey alɔm sə bek ro Sidon. Ɔwa Yuliɔs ɔ wop Pɔlȧŋ ɔfinɔ, ɔ ter kɔ tə kəkɔ ka aŋyathki ŋɔŋ kȧmȧ ɔ bȧksər ȧŋdɛr ŋɔŋ.

Yud 1:11

Mɔnɛ ro rɔŋaŋ! kotȧy-e aŋ po tȧŋ ka aroŋ ra Ken, ɔwa ta məkanya aŋ bȧrnɛ ka maləs ma Belam kaŋ dinɛ ka kȧthȧnthonɛ ka Kɔra.

Kȧŋȧibinɛ 11:3

Ɔwa i ti sɔŋ afɔsɔ ka maseri ma mi ŋarəŋ, kȧmȧ aŋ nȧbi mərey awul ŋin tɛmɛ tərəŋ dɛ yi təgba təsas, dɛ yi aŋ tə lopra kotha kənɛthɛ.

Kȧŋȧibinɛ 6:12

Ka i kəli ma ɔ sim ȧŋmȧthlɛ aŋa bekȧ tamthərukin, ɔwa kəla, kətən kəbana ka ȧŋthɔf kə yi; aret rə biyȧ thi mɔ afɔrɔ akur, dɛ yi aŋof ȧferȧ aŋ yiməra mɔ mətir.