Mathiu 10:32 - Ȧŋlemrȧnɛ Ȧfu

³² Wuni o wuni ɔwe mǝ seri ta ȧta mi rodi ka aŋfǝm, minɛ sɔ i ti seri ta atɔŋ rodi ka ɔKas kȧmi ɔwe yi ro riyana.

Mathiu 10:32 Iomraidhean Croise

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Luk 15:10

I kanɛ nu, ya pə yi sɔ-e, məbɔnɛ mə tə yi ka kȧbəprȧnɛ ka aŋmȧleka ŋa Kuru ta ɔwuni kin ɔwe thupi.

Yɔn 9:22

Aŋ wosa yaŋ-e, pəkasifɛ aŋ nesa aŋYuda: kotȧy-e aŋYuda aŋ po lemranɛ kəpa, bepi wuni o wuni ɔ gbithanɛ kəpa Yisɔsȧŋ ɔ yi ɔKraist-e aŋ tə wurɔ kɔ ka ȧŋseth agbanɛ.

2 Timɔthi 1:8

Tiyȧŋ te ba məlap tə kəsɔŋ məseri ta ɔMarki kȧsu, thalɔm ta ȧtȧ mi, ɔkɛndɛbira kɔŋ; kɛrɛ yi uyeranɛ ka asɔmpanɛ salata ȧkɛra kəfinɔ ka Kuru mɔlɔ ma Kuru ɔ sɔŋ mu afɔsɔ,

1 Yɔn 4:15

Wuni o wuni ɔwe mə gbithanɛ kəpa Yisɔs ɔ yi ɔWan ka Kuru, Kuru ɔ tiyȧ ro ŋɔŋ, ɔwa kɔn ɔ tiyȧ ka Kuru.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 3:5

Ɔwe mə tham-e a tə lonsir kɔ suma təfera, ɔwa i ba hɛ kənasi ȧŋes ŋɔŋ kəwur ka ȧkȧfȧ ka aŋesəm, kɛrɛ i ti gbithanɛ ȧŋes ŋɔŋ rodi ka ɔKas kȧmi dɛ yi ka aŋmȧleka ŋɔŋ.