Mathiu 10:19 - Ȧŋlemrȧnɛ Ȧfu

¹⁹ Kɛrɛ ma a lȧnki nu-e, te nu soli ta ȧte mǝ nǝ fɔf, kotȧy-e ka ȧŋlɔkɔ ŋati a tǝ sɔŋ nu ȧte mǝ nǝ fɔf.

Mathiu 10:19 Iomraidhean Croise

Mathiu 10:18

Aŋ tǝ kera nu sɔ rodi ka aŋbȧy yi aŋbȧki salata mi, kȧmȧ nǝ yi mǝseri ro ŋaŋ yi ka tȧbona tǝlɔm.

Mathiu 6:25

Tiyȧŋ i kanɛ nu, te nu ba asoli ta ɛŋesǝm ɛ nu, ta ara mǝ nǝ di-e, thalɔm ta ara mǝ nǝ mun-e, ta a pa ras ta aŋdɛr a nu ta ara mǝ nǝ wɔŋ. Aŋesǝm aŋ thas hɛ yɛt ɛdi-i, ɔwa aŋdɛr aŋ thas hɛ ɛloprȧ-i?

Mathiu 6:31

Tiyȧŋ te nu soli kǝpa, Ko mǝ sǝ di-e, thalɔm ko mǝ sǝ mun-e, ta a pa ras ko mǝ sǝ wɔŋ-e?

Mathiu 6:34

Tiyȧŋ te nu ba asoli ta ninaŋ, ȧtesoma-e rasɔk ra ninaŋ rǝ tǝ ba aŋsoli ŋati. Mȧlǝs ma ȧŋrey mǝ beki ta ȧŋrey ŋati.

Luk 12:11

Ɔwa maŋ kȧrȧ nu rodi ka aŋfəm abana ka ɛseth ɛgbanɛ yi rodi ka ŋatəbomp-e, yi rodi ka aŋbȧy-e, te ba asoli ta ȧte nə ba kəgbaki, yi ta ȧte nə ba kəpa;

Luk 12:12

kotȧy-e ɔYina məsəm ɔ tə tɔri nu ka ȧŋlɔkɔ ŋati gbeŋ ȧte nə yi tə kəpa.

Mȧyɔs ma aŋsom 6:10

Kɛrɛ aŋ gbəli hɛ tham kȧtemp kɔŋ dɛ yi aŋyina aŋa mɔ fɔfa.

AŋFilipai 4:6

Te nu ba asoli ta koko, kɛrɛ rə tȧy o tȧy-e, kətȧŋȧnɛ ka kəramnɛ yi kənɛmthɛnɛ dɛ yi kəmuti mɔmɔ-e, yɔ kȧmȧ Kuru Məsaba ɔ tȧrȧ mȧyif ma nu.

2 Timɔthi 4:17

Kɛrɛ ɔMarki ɔ təmȧ mi rayɛr, kɔ bȧksər mi, kȧmȧ pə yi ȧŋsabu a mi, tȧbona təlɔm bɛ aŋ tə təl ȧkɛra kəfinɔ ka Kuru; kɔ kathi mi ka kȧsəŋ ka ȧŋsoyila.

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.