Mark 9:25 - Ȧŋlemrȧnɛ Ȧfu

²⁵ Ma Yisɔsȧŋ ɔ nənk kəpa ȧruniya rə der kəgbukɛ dɛr rɔkin-e, ɔ ŋal ɔkərəfi uləs, ɔ pa ro ŋɔŋ Munɔ ukərəfi ubobo yi utaŋa, i yamari mu, wur ro ŋɔŋ, ɔwa te sɔ wɔŋ kɔ.

Mark 9:25 Iomraidhean Croise

Mathiu 12:22

kaŋ kȧrȧ wuni ɔwe ba ukǝrǝfi ro ŋɔŋ, ɔ yi ufith dɛ yi kǝbobo. Kɔ yeŋkǝs kɔ, ɔwa ɔlaŋgba kǝbobo ɔ nənk, ɔ kȧl fɔf.

Mathiu 17:18

Ka Yisɔs ɔ ŋal ɔkǝrǝfi, kɔ gbapɛ kɔ, ka ɔwath ɔ sɔthɔ kǝyeŋk mǝdɛr ka ȧŋlɔkɔ ŋati gbeŋ.

Mark 9:15

Ɔwa ka ɔlɛmp wati ma aŋfəm aŋ nənk kɔ-e, aŋ kabanɛ, aŋ kɔ kəgbukɛŋ, kaŋ kori kɔ.

Mark 9:24

Ka ɔlɛmp wati ɔkas ka ɔwath ɔ pa yi mantər, Mariki i lanɛ; mar kate lanɛ kȧmi.

Mark 9:26

Ka ɔkərəfi ɔ woŋa, ɔ sɔmpa kɔ ɔthasər, kɔ wur kɔ. Ɔwath ɔ yi mɔ ɔ po fi, ɔwa afəm agbȧthi aŋ pa kəpa ɔ po fi.

Luk 11:14

Ɔwa, ɔ bɔ wurɔ ukərəfi ka kəbobo. Ka pə re yi ma ɔkərəfi ɔ wur-e, kabobo ɔ fɔf, ɔwa aŋfəm bɛ aŋ kabanɛ.

Luk 4:35

Ka Yisɔs ɔ ŋal kɔ, ɔ pa, Taŋk, ɔwa wur ro ŋɔŋ. Ma ɔkərəfi ɔ po napanɛ kɔ kətɔŋ ka ŋaŋ-e, ɔ wur, ɔ yɔ hɛ kɔ ɔbaŋ.

Luk 4:41

Ɔwa aŋkərəfi aləs sɔ aŋ wur rə afəm agbȧthi, aŋ woŋa, aŋ pa, Munɔ mə yi ɔWan ka Kuru; kɔ ŋal ŋa, ɔ selɔyɛ aŋ fɔf ȧtesoma-e aŋ tȧrȧ kəpa kɔnɔ yi ɔKrayst.

Luk 8:29

Ȧtesoma-e ɔ po yamari ɔkərəfi uləs tə kəwur ka ɔlaŋgba. Kotȧy-e ɔ la gbip kɔ katkat; ka a tand kɔ yi tɔrɛntha yi ɛgbete, kɛrɛ ɔ piməs atɔrɛntha, ɔwa ɔkərəfi ɔ bȧlər kɔ ro wula.

Luk 9:42

Ma ɔ yi ras ka kəder-e, ɔkərəfi ɔ napanɛ kɔ ro thɔf, ɔ yɔ kɔ ɔbaŋ. Ɔwa Yisɔs ɔ ŋal ɔkərəfi uləs, kɔ yenkəs ɔwath uruni, kɔ kȧl lȧnki kɔ ka ɔkas kɔŋ.

Mȧyɔs ma aŋsom 16:18

Ɔ po yɔ ȧte ta mərey məgbȧthi gbȧthi, kɛrɛ ma pə kɛtha Pɔl rə amera-e, ɔ lafthɛ ɔ pa ka ɔkərəfi, I yamari mu ka ȧŋes ŋa Yisɔs Krayst, wur ka ɔwath ubɛra. Kɔ wur ka ɔlɛmp wati.

Yud 1:9

Kɛrɛ Maikɛl ɔmaleka ubana, maŋ pɛnsanɛ yi Sethani ta kabel ka Mosis ɔ mintha hɛ fəŋfsər kɔ, kɛrɛ ɔ pa, Ta ɔMarki ɔ ŋal mu.