Mark 8:34 - Ȧŋlemrȧnɛ Ȧfu

³⁴ Ɔwa ma ɔ po tela ȧruniya yi aŋkarande ŋɔŋ-e, ɔ pa ro ŋaŋ, Bepi wuni o wuni ɔ yema tȧŋ mi-e, ta ɔ kasisnɛ, kȧmȧ ɔ gbasi akənt kɔŋ kəpəŋkinɛ, ɔ tȧŋ mi.

Mark 8:34 Iomraidhean Croise

Mathiu 10:38

Ɔwa kɔn ɔwe te gbasi akǝnt kɔŋ kǝpǝŋkinɛ, ɔ tȧŋ mi-e, ɔ bek hɛ ta ȧtȧ mi

Mathiu 16:24

Ka Yisɔsȧŋ ɔ pa ka aŋkarande ŋɔŋ, Bepi wuni ɔ wuni ɔ yema tȧŋ mi-e, ta ɔ pɛnsanɛ, ɔ gbasi akǝnt kɔŋ kǝpǝŋkinɛ, ɔ tȧŋ mi.

Mathiu 27:32

Maŋ wur-e, aŋ nənk ulaŋgba ka ro Sirini, a bont kɔ Saymɔn. Kɔnɔ aŋ fɔs kȧmȧ ɔ gbanɛ akǝnt kɔŋ kǝpǝŋkinɛ.

Mark 10:21

Ma Yisɔsȧŋ ɔ kəli kɔ-e, ɔ bɔthər kɔ-e, kɔ pa ro ŋɔŋ, Tȧy tin tə mə paŋ; kɔnɛ, thila rəka o rəka ara mə ba, mə sɔŋ ka ȧŋmɔnɛ, ɔwa mə tə ba kɛŋ ro riyana; ɔwa der, tȧŋ mi.

Mark 7:14

kɔ kȧl tela aŋfəm ro ŋɔŋ sɔ, ɔ pa ro ŋaŋ, Təla mi nu na bɛ, ɔwa ta pə sɔk nu.

Luk 13:24

kɔ pa ro ŋaŋ, Timnɛ nu tə kəwɔŋ ka kadare kəthiŋkanɛ, ȧtesoma-e i kanɛ nu, agbȧthi aŋ tə thɛns aroŋ tə kəwɔŋ ri, kɛrɛ aŋ gbəli hɛ.

Luk 14:33

Tiyȧŋ ukin o kin ka nu ɔwe te tey bɛ ara ɔ ba, ɔ gbəli hɛ yi ukarande kȧmi.

Luk 18:22

Ɔwa ma Yisɔs ɔ təl ti-e, ɔ pa ro ŋɔŋ, Tȧy tin tȧ mə paŋ ras; thila ɛyɛt bɛ ɛyɛ mə ba, mə yerəs yi ka aŋfəm amɔnɛ, ɔwa mə tə sɔthɔ kɛŋ ro riyana. Ɔwa der, mə tȧŋ mi.

Luk 20:45

Ɔwa ka katəl ka aŋfəm bɛ, ɔ pa ka aŋkarande ŋɔŋ,

Luk 9:23

Ka Yisɔs ɔ pa ka ŋa bɛ, Bepi wuni o wuni ɔ yema tȧŋ mi-e, ta ɔ kasisnɛ, ɔ gbasi akənt kɔŋ kəpəŋkinɛ ȧrey o rei, ɔ tȧŋ mi.

Yɔn 10:27

Talɔmɛ ta mi aŋ təl ȧrim ra mi, ɔwa aŋ tȧŋ mi, ɔwa i tȧrȧ ŋa:

Yɔn 19:17

kɔ wur, ɔ gbanɛ akənt kɔŋ kəpəŋkinɛ kəkɔ ka ɔdɛr ro a bont, Ɔdɛr wa Kəgbɛŋkət, ro a bont ka kaHibru, Kɔlkɔtha:

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

AŋRomans 6:6

Sə tȧrȧ kəpa ɔwuni kur kȧsu a po tȧŋ kɔ ka akənt kəpəŋkinɛ yi kɔn kȧmȧ mayi ma su ma ahakɛ mə gbəli dinɛ, ɔwa kȧmȧ sə te sɔ yi atar ŋa ahakɛ.

AŋRomans 8:17

Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.

1 AŋKɔrenth 15:31

Tə tɛntɛnɛ awɔnt, i tɔri nu asɔbɛ kətȧŋȧnɛ ka kakolonɛ ȧke i ba do rɔnu rokor ka Krayst Yisɔs ɔMarki ka su-e, minɛ i fi ȧrey o rey.

1 AŋKɔrenth 8:13

Tiyȧŋ bepi ra rədi ra mǝ yɔ ɔwɔnt mi ɔ pənthbəla-e, i selɔ hɛ sɔ di ɔsɛm thəbana kȧmȧ i te yɔ ɔwɔnt mi ɔ pənthbəla.

1 AŋKɔrenth 9:19

Hali ma wuni o wuni ɔ te ba afɔsɔ rokɔm ka mi-e, i po səkɛ utar ka afəm bɛ kȧmȧ i bȧr sɔthɔ agbȧthi.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋKȧletia 5:24

Ɔwa afəm aŋa yi ka Krayst aŋ po tȧŋ madɛr yi ɛnanɛ ya ɛfela ɛləs yati ka akənt kəpəŋkinɛ.

AŋKȧletia 6:14

Kɛrɛ ta pə bɔlȧnɛ mi tə kəyikisnɛ thambe ka akənt kəpəŋkinɛ ka ɔMarki kȧsu Yisɔs Krayst ro pə yi a tȧŋ tȧŋ ȧdȧru ka apənki ta ȧtȧ mi, dɛ yi minɛŋ ta ȧdȧru.

AŋFilipai 3:10

Kaŋka gbo i gbəli tȧrȧ kɔ yi aŋfɔsɔ ŋa kakal yokanɛ kɔŋ ka rafi, tə kəyeranɛ ȧŋsɔmpanɛŋ ŋɔŋ, ɔwa sɔ-e, kȧmȧ i fi hali mɔ kɔnɔ ɔ fi.

AŋFilipai 3:7

Kɛrɛ mȧtȧy bɛ ama la munaŋfas mi-e, mə i lɔm məyay yay salata Kraystȧŋ.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

2 AŋThɛsȧlonika 3:11

kotȧy-e sə təl kəpa alɔm aŋ yi kətɔŋ ka nu aŋa te kɔth ɔfinɔ, maŋ yi ayay, ɔwa aŋ kɔtha gbo ɛfɔf.

Taytɔs 2:12

aŋa rusəm su tə kəpɛnsa tȧy o tȧy ȧtȧ ŋamnɛ Kuru-e, dɛ yi mafela ma ȧdȧru, kȧmȧ sə yi atempi, alompi dɛ yi asəm ka ȧdȧru are;

AŋHibru 13:13

Tiyȧŋ maŋ tȧŋ kɔ nu ka aŋkobe rokaŋ, kȧmȧ sə sara mȧlap mɔŋ.

1 Pitar 4:1

Mɔ mə Krayst ɔ po nakasi ta ȧtȧ su ka madɛr-e, gbasi nu ȧŋmerȧ ŋin ŋati; kotȧy-e ɔwe po nakasi ka madɛr, ɔ ternɛ kəyɔ ahakɛ,

1 Pitar 4:13

Kɛrɛ ba ti məbɔnɛ ma nə ba ȧgbȧp ka ȧŋnȧkȧsi ŋa Krayst, kȧmȧ ma aŋyiki ŋɔŋ aŋ ŋaibinɛ-e, nə tə yasanɛ yi məbɔnɛ məbana.

2 Pitar 1:14

Pəkasifɛ i tȧrȧ kəpa ȧŋlɔkɔ ŋa kabus ȧŋdɛr a mi aŋe aŋ yema bek, mɔ mə ɔMarki kȧsu Yisɔs Krayst ɔ po tɔri mi.

1 Yɔn 3:16

Ka ȧte sə tȧrȧ mabɔthər, kəpa kɔnɔ ɔ sɔnd aŋesəm ŋɔŋ ta ȧtȧ su: ɔwa saŋ sə yi tə kəsɔndnɛ ta aŋwɔnt.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.