12 kaŋ kɔnɛ, aŋ taməs kəpa afəm aŋ yi tə kəthupi.
Ka pǝ re yi ma Yisɔsȧŋ ɔ po yamari aŋkarande ŋɔŋ tɔfɔt ŋarǝŋ-e, ɔ wur ri tǝ kǝthǝksa dɛ yi tǝ kǝtam ka tapet taŋ.
Ka ȧŋlɔkɔ ŋati ɔ tǝp kǝthɛkɛ tapet ro ɔ tha po yɔ mȧyɔs mɔŋ mǝkabanɛ, pǝkasifɛ aŋ thupi hɛ, kɔ pa,
Thupi nu, kotȧy-e rȧbȧy ra ro riyana rǝ po fat.
Tiyȧŋ kȧrȧ nu mǝkomi mǝbeki ta kǝthupi.
Kǝtəp ka ȧŋlɔkɔ ŋati Yisɔsȧŋ ɔ tǝp kǝtam, ɔ pa, Thupi nu kotȧy-e rȧbȧy ra ro riyana rǝ po fat.
Kɛrɛ kɔnɛ nu kȧmȧ nǝ kɔ thǝkǝs ȧte, I yema ȧney, sathka thahɔ; ȧtesoma-e i der hɛ tǝ kǝmuti aŋlompi-e, kɛrɛ i der tǝ kǝmuti aŋfǝm ŋa ɛhakɛ tǝ kǝthupi.
kɔ pa, Ȧŋlɔkɔ aŋ lasər, ɔwa rȧbȧy ra Kuru rə po fat. Thupi nu, ɔwa lanɛ nu ȧkɛra kəfinɔ.
Ȧrim ra wuni ro wula ara pa, Bɛmpa nu aroŋ da ɔMarki, Lompəs nu asoŋ tɔŋ.
Aŋfəm ŋa ro Ninibɛ aŋ tə təmȧ ka ȧŋlɔkɔ ŋa karɔk ɛpa yi rȧkomra are ɔwa aŋ tə sɔŋ di mətheri, kotȧy-e aŋ thupi ka ȧkɛra ka Yona; ɔwa kəla, ubana uthasi Yona ɔ yi anɔ.
I kanɛ nu, sako, kɛrɛ thambe nə thupi-e, naŋ bɛ nə tə dinɛ yaŋ.
I kanɛ nu, ya pə yi sɔ-e, məbɔnɛ mə tə yi ka kȧbəprȧnɛ ka aŋmȧleka ŋa Kuru ta ɔwuni kin ɔwe thupi.
I kanɛ nu məbɔnɛ mə tə yi ro riyana ta ɔwuni kin uləs ɔwe thupi pəthasi afəm alompi təgba tanlɛ tɔfɔt tȧmthərɛŋanlɛ aŋa te ba kəthupi.
kȧmȧ a taməs kathupi yi katerɔ ka ɛhakɛ ka ȧŋes ŋɔŋ ka tȧbona bɛ, kətəp ro Yerusalɛm.
kaŋ kɔnɛ, aŋ kɔth ka tapet bɛ, aŋ tɔri ȧkɛra kəfinɔ ka Kuru, kaŋ yenkəs aŋboma dɛr o dɛr.
Maŋ təl mȧtȧy ame-e, aŋ taŋk, kaŋ yikis Kuru, aŋ pa, Ɔwa Kuru ɔ po sɔŋ tȧbona təlɔm sɔ kathupi ka aŋesəm.
Ka Pitaŋ ɔ pa ro ŋaŋ, Thupi nu, ɔwa yɔ a baftays nu kin o kin ka ȧŋes ŋa Yisɔs Krayst ta katerɔ ka ɛhakɛ ɛ nu, ɔwa nə tə sɔthɔ ȧŋboya ŋa ɔYina məsəm.
i seri ka aŋYuda yi aŋKrik kathupi ka Kuru, yi kȧlanɛ ka ɔMarki kȧsu Yisɔs Krayst.
kɛrɛ i mɔtha tamər ŋaŋ aŋa yi ro Damaskɔs yi ro Yerusalɛm yi ka ȧŋthɔf a Yuda bɛ, yi ka tȧbona təlɔm sɔ, kȧmȧ aŋ thupi, aŋ fəlɛ ka Kuru, ɔwa aŋ yɔ mapanth ama yi məmari ta kəthupi.
Tiyȧŋ thupi nu ɔwa lafthɛ nu kȧmȧ a dimsi ɛhakɛ ɛ nu, kȧmȧ ɛlɔkɔ ya kəfothanɛ ɛ der kəwur ro der kədi ka ɔMarki;
