Mark 5:7 - Ȧŋlemrȧnɛ Ȧfu

⁷ kɔ sɔŋkɔ yi rim rəbɔli rəkɔm, ɔ pa, Ko tȧy tȧŋ i ba yi munɔ-e, Yisɔs munɔ ɔWan ka Kuru ɔBɔlirəkɔm bɛ-e? Ka ȧŋes ŋa Kuru, i nɛmthɛnɛ mu kȧmȧ mə te sɔmpa mi.

Mark 5:7 Iomraidhean Croise

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Mathiu 26:63

Kɛrɛ Yisɔsȧŋ ɔ tȧnk thǝm. Ka ɔfode ubana ɔ pa ro ŋɔŋ, I yema mu mǝ gbiŋ ka ɔKuru ukǝli kȧmȧ mǝ kanɛ su bepi mǝ yi ɔKrayst ɔWan ka Kuru.

Mathiu 4:3

Ka ɔgbɔns ɔ bek-e, ɔ pa ro ŋɔŋ, Bepi munɔ yi ɔWan ka Kuru-e, yamari kȧmȧ masar ame mǝ sǝkɛ tǝbo.

Mathiu 8:29

kaŋ sel ɛrɔŋ, aŋ pa, Ko tȧy tȧŋ saŋ sǝ ba yi munɔȧŋ-e, munɔ Yisɔs ɔWan ka Kuru-e? Mǝ po der nɔ tǝ kǝsɔmpa su yeŋka ȧŋlɔkɔ aŋ bek-i?

Mark 1:24

Ɔ woŋa, ɔ pa, Tey su, ko sə ba yi munɔŋ-a, munɔ Yisɔs ɔwe ro Nasarɛth-e? Mə der tə kədim su-i? I tȧrȧ ɔwe mə yi-e, ɔSəm ka Kuru.

Mark 14:61

Kɛrɛ ɔ taŋk thəm, ɔ gbaki hɛ. Ka ɔfode ubana ɔ yif kɔ sɔ, ɔ pa, Munɔ yi ɔKraist-i, ɔWan ka ɔRuba-i?

Mark 3:11

Ɔwa aŋkərəfi aləs, alɔkɔ o lɔkɔ aŋ nənk kɔ-e, aŋ gbapsa ro thɔf, aŋ woŋa, aŋ pa, ƆWan ka Kuru munɔŋ.

Mark 5:6

Kɛrɛ ma ɔ nənk Yisɔs ɔbɔli poŋ, ɔ gbukɛ ɔ bȧtho kɔ,

Mark 5:8

kotȧy-e ɔ po pa ro ŋɔŋ, Wur ka ɔlaŋgba, munɔ ɔkərəfi uləs ɔwe.

Luk 1:32

Ɔ tə yi ubana, a tə bont kɔ ɔWan ka ɔBɔli rəkɔm bɛ; ɔwa ɔMarki Kuru ɔ tə sɔŋ kɔ kawaŋ ka rȧbȧy ra ɔkas kɔŋ Debid.

Luk 4:34

ɔ pa, Ko tȧy tȧŋ sə ba yi munɔŋ-a? Munɔ Yisɔs ɔwe ro Nasarɛth! Mə der tə kələsər su-i? I tȧrȧ ɔwe mə yi-e, ɔSəm ka Kuru.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

Luk 8:28

Ma ɔ nənk Yisɔsȧŋ, ɔ sel ɛrɔŋ, kɔ fumpɔ rodi kɔŋ, ɔwa yi rim rəbana ɔ pa, Ko tȧy tȧŋ i ba tə kəyɔ yi munɔ-ə Yisɔs, munɔ ɔWan ka Kuru ɔBɔli rəkɔm-e? Ɔmari mu, te sɔmpa mi.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Mȧyɔs ma aŋsom 16:17

Ɔwe-əŋ, ɔ tȧŋ Pɔlȧŋ yi saŋ rə kəsel ɛrɔŋ kəpa, Afəm aŋe aŋ yi ɛbɔy ya ɔKuru ɔwe yi rokɔm kɔm, aŋa mə tɔri nu aroŋ ra kȧkisi.

Mȧyɔs ma aŋsom 19:13

kaŋ Yuda alɔm athasəs-thasəs aŋa mə wurɔ akərəfi-e, aŋ mɛm tə kəbontəs ȧŋes ŋa ɔMarki Yisɔs rokɔm ka ŋaŋ aŋa ba akərəfi aləs, kəpa, I yamari nu ka Yisɔs ɔwe Pɔlȧŋ mɔ taməs, tə kəwur.

Mȧyɔs ma aŋsom 8:36

Ɔwa mɔ mə aŋ kɔnɛ ro roŋ-e, aŋ bəp mȧnt məlɔm, ka ɔlaŋgba ugbai ɔ pa, Kəla, mȧnt mi ame, ko mə bɛnt kəbaptais mi-e?

AŋRomans 16:20

Kaŋka ɔKuru ka məthɔfəl ɔ tə gbəmər Sethani ka tatək ta nu ratha thani. Ta ȧŋboŋa ŋa ɔMarki kȧsu Yisɔs Krayst aŋ yi yi naŋ.

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

AŋHibru 7:1

kotȧy-e, ɔMɛlkisidɛk ɔwe, ɔwe yi mɔ-e ɔbȧy ka ro Salem dɛ yi ɔfode ka Kuru Məsaba-e, ɔ gbanɛ Ebraham ma ɔ wur kəwur ka kədifəth aŋbȧy, kɔ ruba kɔ,

Yeməs 2:19

Munɔ mə lanɛ kəpa Kuru ukin kɔnɔ yi; mə yɔ finɔ, aŋkərəfi sɔ aŋ lanɛ ti, ɔwa aŋ yɛrnɛ.

2 Pitar 2:4

kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

Yud 1:6

Ɔwa aŋmȧleka aŋa te bɛnɛ mayi maŋ thəpaŋ, kɛrɛ aŋ tey mayira maŋ məlompi, ɔ bɛnɛ ŋa rə tɔrɛntha ka ȧŋsum abana haŋ ka kathoŋkas ka ȧŋrey abana.

Kȧŋȧibinɛ 12:12

Tiyȧŋ ba məbɔnɛ munɔ kȧriyana, dɛ yi naŋ sɔ aŋa yirȧ ri. Sɛkɛ nu-o, naŋ aŋa yi ka ȧdȧru, dɛ yi ka kȧbȧŋ kəbana; pəkasifɛ Sethani ɔ po thor do rɔnu, ɔwa ɔ ba rəbaŋ rəbana, kotȧy-e ɔ tȧrȧ kəpa ɔ ba gbo alɔkɔ agbut.