3 kɔ pa ka ɔlaŋgba ɔwe ba kȧta kəfi, Təmȧ nɔ.
Ka wuni ɔ yi ri ɔwe ba kǝta kǝfi. Kaŋ yif kɔ, aŋ pa, Pǝ yi ɔlompi tǝ kǝyeŋkǝs wuni ka ȧŋrey ŋa ȧŋsabath-i? (kȧmȧ aŋ ba tȧy tǝ kǝgbanthir kɔ).
Ka aŋfəm aŋ kəli kɔ təŋ, bepi ɔ tə yenkəs kɔ ka ȧŋrey ŋa aŋsabath, kȧmȧ aŋ gbəli gbȧnthir kɔ.
kɔ yif aŋfəm, Ɔlompi ka ȧŋrey ŋa aŋsabath tə kəyɔ tȧy təfinɔ-i, thalɔm tə kəyɔ tȧy tələs-i? Tə kəkisis ŋesəm-i thalɔm tə kədif wuni-i? Kɛrɛ aŋ taŋk.
Kɛrɛ Yisɔs ɔ tȧrȧ ɛnanɛ yaŋ, kɔ pa ka ɔwuni ɔwe ba kȧta kəfi, Yokanɛ, mə təmȧ su ratɔŋ. Kɔ yokanɛ, ɔ təmȧ.
I ba kəyɔ mapanth ma kɔnɔ ɔwe som mi, ma pə yi ras rəyaŋ: rȧtȧtȧk rə tə der, ma pə yi wuni o wuni ɔ gbəli hɛ yɔ məpanth.
Tiyȧŋ, aŋwɔnt a mi abɔthər, təmȧ nu ɔbaksər, te kala kəmuth, bȧsər ka mapanth ma ɔMarki lɔkɔ bɛ, pəkasifɛ sə tȧrȧ kəpa mapanth ma nu mə yi hɛ kətiŋ ka ɔMarki.
Maŋ te nu gbɔgbətha rə kəyɔ ɔfinɔ, kotȧy-e ka alɔkɔ agbut sə tə rɔk bepi sə thamrɔ hɛ.
Ɔwa sɔ-e, awɔnt agbȧthi ŋa ɔMarki aŋ bȧr lanɛ salata ȧŋsɔmpanɛŋ a mi, kaŋ bȧsər fɔf mapa məfinɔ ma Kuru rə kəmintha.
Mɔ mə Krayst ɔ po nakasi ta ȧtȧ su ka madɛr-e, gbasi nu ȧŋmerȧ ŋin ŋati; kotȧy-e ɔwe po nakasi ka madɛr, ɔ ternɛ kəyɔ ahakɛ,
