Mark 2:16 - Ȧŋlemrȧnɛ Ȧfu

¹⁶ Ma aŋkarmɔkɔ yi aŋFarisi aŋ nənk kəpa ɔ di yi aŋfəm ŋa ɛhakɛ yi aŋthoŋkla ɛfȧk-e, aŋ pa ka aŋkarande ŋɔŋ, To som mɔ di ɔwa ɔ mun yi aŋthoŋkla ɛfȧk yi aŋfəm ŋa ɛhakɛ-e?

Mark 2:16 Iomraidhean Croise

Mathiu 18:17

Ɔwa bepi ɔ kasi kǝsuwa ŋa ɛlǝns-e, kanɛ ti ka aŋchɔch. Bepi ɔ selɔ hɛ sua ɛlǝns ka aŋchɔch-e, ta ɔ yi ro mu mɔ wuni tel dɛ yi ugbasi ɛfȧk.

Mathiu 5:46

Ȧtesoma-e bepi nǝ bɔthǝr gbo aŋa bɔthǝr nu-e, ko ȧrȧm naŋ mǝ nǝ sɔthɔ-e? Yaŋ tha aŋthoŋkla ɛfȧk aŋ yɔ sɔ-e?

Mathiu 9:11

Ma aŋFarisi aŋ nənk ti-e, aŋ pa ka aŋkarande ŋɔŋ, To pǝ som ɔkarmɔkɔ ka nu mǝ ɔ di yi ŋaŋ aŋa gbasi ɛfȧk dɛ yi afǝm ŋa ɛhakɛ-e?

Mark 2:15

Ka pə re yi ma Yisɔsȧŋ ɔ yirȧ ka kədi ka ȧŋseth ŋa Libay-e, aŋthoŋkla ɛfȧk yi aŋfəm ŋa ɛhakɛ agbȧthi aŋ yirȧ yi Yisɔsȧŋ dɛ yi aŋkarande ŋɔŋ, kotȧy-e ŋa agbȧthi aŋa tȧŋ kɔ.

Mark 2:7

To som ɔlaŋgba ɔwe mə fɔf Kuru ɔləs-e? Kanɛ gbəli tera wuni ɛhakɛ thambe Kuru Məsaba son-e?

Luk 18:11

ƆFaresi ɔ təmȧ ɔ ramnɛ yaŋ ka aŋyɛthɛ ŋɔŋ, Kuru i mɔmɔ mu ma i te yi mɔ afəm alɔm, i ba hɛ kansoŋ, i ba hɛ məkənə, i yɔ hɛ kərəp, hali ɔthoŋkla ɛfȧk ɔwe-e, i yi hɛ mɔ kɔnɔ.

Luk 19:10

kotȧy-e ɔWan ka wuni ɔ der tə kəthɛns yi tə kəkisis ŋaŋ aŋa po dinɛ.

Luk 19:7

Ma aŋfəm aŋ nənk ti-e, ŋa bɛ aŋ fɔfthənɛ aŋ pa, Ɔ po wɔŋ tə kəyianɛ rə wuni ka ɛhakɛ.

Luk 5:30

Kɛrɛ aŋFarisi yi aŋkarmɔkɔ aŋa yi yi ŋaŋ aŋ fɔfəthanɛ ka aŋkarande ŋɔŋ, aŋ pa, To som mə nə di, ɔwa nə mun yi aŋthoŋkla ɛfȧk-e, yi aŋfəm ŋa ɛhakɛ-e?

Mȧyɔs ma aŋsom 23:9

Ka ɛsɔnkɔ ɛbana ɛ yokanɛ. Aŋkarmɔkɔ ka ȧŋgbȧp ŋa aŋFarisi aŋ yokanɛ, aŋ gbal aŋ pa, Sə ba hɛ tȧy tələs ka ɔwuni ɔwe. Bepi sɔthlɔm ayina, thalɔm wurɔ ɔ po fɔfȧnɛ kɔ-e, tə ba tai-i?

1 AŋKɔrenth 2:15

Ɔwuni ka ɔYina məsəm kɔnɔ mə gbɛŋgbɛŋ mȧtȧy bɛ, kɛrɛ wuni o wuni ɔ gbəli hɛ gbɛŋgbɛŋ kɔ.

AŋHibru 12:3

kotȧy-e tȧmtȧmnɛ nu finɔ ta kɔn ɔwe muyu ɛpɛnsanɛ ya afəm ŋa ahakɛ kəŋamnɛ kɔ-e, kȧmȧ pə te lela nu haŋ nə thamrɔ rə ȧmerȧ.