Mark 16:16 - Ȧŋlemrȧnɛ Ȧfu

¹⁶ Kɔnɔ ɔwe mə lanɛ, ɔwa a baftays kɔ-e, ɔ tə kisi, kɛrɛ kɔnɔ ɔwe mə te lanɛ-e, ɔ ba mətheri.

Mark 16:16 Iomraidhean Croise

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Mark 1:15

kɔ pa, Ȧŋlɔkɔ aŋ lasər, ɔwa rȧbȧy ra Kuru rə po fat. Thupi nu, ɔwa lanɛ nu ȧkɛra kəfinɔ.

Luk 8:12

Ŋaŋ ka aroŋ ŋa yi ŋaŋ aŋa təl. Ȧŋlɔkɔ ŋati Sethani ɔ der, ɔ nɔy ȧrim ka ɛmerȧ yaŋ kȧmȧ aŋ te lanɛ, ɔwa aŋ te sɔthɔ kakisi.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 3:5

Yisɔs ɔ pa ro ŋɔŋ, Tɛntɛnɛ, i kanɛ mu, wuni ɔ gbəli hɛ wɔŋ ka rȧbȧy ra Kuru, thambe a kom kɔ rɛ mȧnt yi ɔYina.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 6:29

Yisɔsȧŋ ɔ pa ro ŋaŋ, Ȧŋpanth ŋa Kuru ŋi aŋe, kȧmȧ nə lanɛ kɔ ɔwe ɔ po som.

Yɔn 6:35

Yisɔsȧŋ ɔ pa ro ŋaŋ, Minɛ yi kabo ka aŋesəm: ɔwe mə der ro mi dor rə ba hɛ kəwop kɔ thəbana: ɔwa ɔwe mə lanɛ mi rəmun rə bȧk hɛ kɔ sɔ.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 8:24

Tiyȧŋ i pa ro nu, nə tə fi ka ɛhakɛ ɛ nu: kotȧy-e bepi nə lanɛ hɛ kəpa minɛ yi kɔn-e, nə tə fi ka ɛhakɛ ɛ nu

Mȧyɔs ma aŋsom 10:43

Aŋnȧbi bɛ aŋ seri ta atɔŋ, kəpa wuni o wuni ɔwe mə lanɛ kɔ ɔ tə sɔthɔ katerɔ ka ɛhakɛ yɔŋ salata ȧŋes ŋɔŋ.

Mȧyɔs ma aŋsom 13:39

ɔwa ka kȧta kɔŋ wuni o wuni ɔwe lanɛ ɔ sɔthɔ məmari ka mȧtȧy bɛ-e, ka ama nə te gbəli sɔthɔ məmari ka ȧŋthɔ ŋa Mosis.

Mȧyɔs ma aŋsom 13:46

Ka Pɔl yi Banabasȧŋ aŋ fɔf yi kəmintha, kaŋ pa, Pə ba kəyi kəpa a mɔtha tɔri nu ȧrim ra Kuru; kɛrɛ ma nə pɛnsa ri-e, nə gbək ti kəpa nə bek hɛ tə kəsɔthɔ aŋesəm thəbana-e, sə tə lafthɛ ka tȧbona təlɔm.

Mȧyɔs ma aŋsom 2:38

Ka Pitaŋ ɔ pa ro ŋaŋ, Thupi nu, ɔwa yɔ a baftays nu kin o kin ka ȧŋes ŋa Yisɔs Krayst ta katerɔ ka ɛhakɛ ɛ nu, ɔwa nə tə sɔthɔ ȧŋboya ŋa ɔYina məsəm.

Mȧyɔs ma aŋsom 2:41

Ɔwa ŋaŋ bɛ aŋa po malanɛ ȧsim tɔŋ yi məbɔnɛ, a baftays ŋa; ɔwa ka ȧŋrey ŋati aŋa bȧrnɛ aŋkarande aŋ yi afəm ɛwul ɛsas.

Mȧyɔs ma aŋsom 22:16

Ɔwa kɔyɛŋ mȧ mə linsa-e? Yokanɛ, yɔ a baftays mu, mə yak ɛhakɛ ɛ mu rə kətela ka ȧŋes ŋa ɔMarki.

AŋRomans 3:6

Saki ti. Bepi pə yi yaŋ-e, to Kuru mɔ gbəli rɔk ɛpa ya raru-e?

AŋRomans 4:24

kɛrɛ ta ȧtȧ su sɔ. Ɔwa Kuru ɔ tə kəli kȧlanɛ kȧsu mɔlɔ min, bepi sə lanɛ kɔn ɔwe yokas Yisɔs Krayst kȧsu ka aŋfi.

2 AŋThɛsȧlonika 1:8

rə nȧnt nəmara, tə kəsɔŋ kəkalɔ ka ŋaŋ aŋa pɛnsa Kuru, dɛ yi aŋa te wop ȧkɛra kəfinɔ ka ɔMarki kȧsu Yisɔs Kraystȧŋ.

2 AŋThɛsȧlonika 2:12

Kama a gbəli thonkas ŋa bɛ aŋa pɛnsa tȧteŋ dɛ yi aŋa ba məbɔnɛ ka məkənə.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 3:21

Ya pə bȧlȧnɛ sɔ ka-ake, kəbaptais kə mə kisis su, ɔwa pə yi hɛ rə kəyak anɔkɔ ŋa madɛr, kɛrɛ pə yi aŋseri ŋa ȧmerȧ ȧferȧ ka Kuru kətaŋ ka kakal yokanɛ ka rafi ka Yisɔs Krayst,

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.