Mark 13:9 - Ȧŋlemrȧnɛ Ȧfu

⁹ Kɛrɛ botnɛ nu rə ȧmerȧ, ȧtesoma-e a tə lȧnki nu ka ɛbare ya rəbȧy; a tə sapəth nu ka ɛseth ɛgbanɛ; a tə kȧrȧ nu rodi ka aŋbȧy salata mi, tə kəseri ro ŋaŋ ta ȧtȧ mi.

Mark 13:9 Iomraidhean Croise

Mathiu 5:22

Kɛrɛ minɛŋ i pa ro rɔnu, Wuni o wuni ɔwe ba mǝbaŋ ta ɔwɔnt kɔŋ-e, ɔ tǝ fumpɔ kasi ro bare; ɔwa wuni o wuni ɔwe mǝ farki ɔwɔnt kɔŋ-e, ɔ tǝ fumpɔ kasi ka aŋSanhedrin; kɛrɛ wuni o wuni ɔwe mǝ pa, Mun pǝŋk, ɔ tǝ fumpɔ kasi ro yahanama.

Mark 1:44

Botnɛ kȧmȧ mə te lɔm ti rə wuni o wuni, kɛrɛ kɔnɛ mə tɔrinɛ ka ɔfode, ɔwa mə sɔŋ mayɛt ama Mosisȧŋ ɔ yamari ta kagbili, tə kəseri ro ŋaŋ.

Mark 13:5

Ka Yisɔsȧŋ ɔ təp kəpa ro ŋaŋ, Botnɛ nu rə ȧmerȧ kȧmȧ wuni o wuni ɔ te nu tɔns.

Mark 13:8

kotȧy-e abona aŋ tə fumpɔ abona, ɔwa rəbȧy rə tə fumpɔ rəbȧy; kəyɛr ka ȧŋthɔf kə tə yi dɛr ɔgbȧthi. Dor rəbana rə tə yi. Mȧtȧy ame mə tə yi ɔtəpɛr wa kasɔmpanɛ.

Mark 6:11

Ɔwa dɛr ro a te malanɛ nu-e thalɔm a te təlȧ nu-e, ma nə wur ri-e, koŋkoŋ kabof ȧke yi ka ȧtȧtək ta nu ratha tə kəseri ro ŋaŋ. Tɛntɛnɛ i pa ro nu, Pə tə yi fisa ta Sɔdɔm yi Kɔmɔra ka ȧŋrey ŋa kathoŋkas pəthasi kȧpet kati.

Luk 9:5

Ɔwa aŋfəm aŋa mə te malanɛ nu-e, ma nə wur ka kȧpet kati, koŋkoŋ nu kabof ka ȧtȧtək ta nu ta məseri ro rɔŋaŋ.

Yɔn 15:20

Kala ȧmerȧ ka ȧrim ara i kanɛ nu, Ȧŋbɔy ɔ thas hɛ ɔmarki kɔŋ. Bepi aŋ po sɔmpa mi-e, aŋ tə sɔmpa nu sɔ; bepi aŋ po wop ȧrim ra mi-e, aŋ tə wop sɔ ȧrim ra nu.

Yɔn 16:2

Aŋ tə bȧl nu ka ɛseth ɛgbanɛ: aŋko, ȧŋlɔkɔ aŋ tə der, ma wuni o wuni ɔwe mə dif nu, ɔ tə nanɛ kəpa ɔ yɔ mapanth ma Kuru.

Mȧyɔs ma aŋsom 21:11

Ma ɔ der ro rɔsu-e, ɔ gbasi rasakoi ra Pɔlȧŋ, ɔ sek ȧtȧtək tɔŋ yi mȧta mɔŋ, ɔ pa, ɔYina məsəm ɔ kanɛ kəpa, ya aŋYuda ro Yerusalɛm mə aŋ sek ɔwan duni ɔwe ba rasakoi are, ɔwa aŋ tə lȧnki kɔ ka mȧta ma tȧbona təlɔm.

Mȧyɔs ma aŋsom 7:54

Ɔwa maŋ təl mȧtȧy ame-e, tabuth taŋ tə tuŋ, kaŋ ŋandanɛ kɔ ɛsek.

Mȧyɔs ma aŋsom 9:16

kotȧy-e i ti tɔri kɔ mȧtȧy məgbathi ama ɔ ba tə kənakasi salata ȧŋes a mi.

AŋFilipai 1:29

A po sɔŋ nu afɔsɔ, pə yi hɛ gbo tə kəlanɛ Kraystȧŋ, kɛrɛ tə kənakasi ta sala tɔŋ.

2 AŋThɛsȧlonika 1:5

Amisali ŋaŋ tə kətɔri mathoŋkas məlompi ma Kuru, kȧmȧ nə gbəli yi abeki salata rȧbȧy ra Kuru, ta ara nə sɔmpanɛ sɔ.

2 Yɔn 1:8

Bumnɛ nu, kȧmȧ nə te dim ȧtȧ nə po yɔ kɛrɛ kȧmȧ nə sɔthɔ ȧrȧm agbenthis.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.