42 Ka ubora umɔnɛ ɔ der, kɔ fak afadin.
Wuni o wuni ɔwe mǝ sɔŋ apɔthi ŋa mȧnt mǝtaŋk tǝ kǝmun ka ukin ka aŋlɔl aŋe pǝkasifɛ ɔ yi ukarande-e, i kanɛ nu tɛntɛnɛ ɔ ba hɛ kǝdim ȧŋrȧm ŋɔŋ.
Tɛntɛnɛ i kanɛ mu, mǝ ba hɛ kǝwur ri rǝ roŋ o roŋ haŋ mǝ poŋ ram aŋwankɔpɔ alǝpsɔ.
kɔ yirȧ ɔ lomanɛ ro a bɛnɛ aŋkala, ɔwa agbȧthi aŋa yi ayola aŋ fak ɔgbȧthi.
kɔ tela aŋkarande ŋɔŋ, ɔ pa ro ŋaŋ, Tɛntɛnɛ i kanɛ nu kəpa, ɔbora ɔwe ɔ fak pəthasi ŋa bɛ aŋa fak ka ɔdɛr ro a bɛnɛ aŋkala;
I kanɛ mu mə wur hɛ ri rə roŋ o roŋ haŋ mə po ram ȧŋkɔpɔ aləpsɔ.
kɔ nənk sɔ ubora umɔnɛ ulɔm mɔ mɔ fak ri awankɔpɔ,
kotȧy-e, bepi ȧŋmerȧ abɛnɛnɛ ŋati aŋ yi ri-e, a malanɛ ŋi kətȧŋȧnɛ mɔ mə wuni mɔ ba, pə yi hɛ mɔ mɔ te ba.
tə kəyi, hali kətɔŋ ka kəmɛmər ka kəsɔmpanɛ kəbana-e, kəwur ka ɔlasər wa mabɔnɛ dɛ yi amɔnɛ ma ŋaŋ məbana-e, aŋ sɔŋ ɛboya ɛfonsiri.
