Mark 12:34 - Ȧŋlemrȧnɛ Ȧfu

³⁴ Ma Yisɔsȧŋ ɔ nənk kəpa ɔ gbaki yi kətemp-e kɔ pa ro ŋɔŋ, Mə bɔlȧnɛ hɛ rȧbȧy ra Kuru. Kədarəŋ kati wuni o wuni ɔ mintha hɛ sɔ yif kɔ tȧy o tȧy.

Mark 12:34 Iomraidhean Croise

AŋKɔlɔsi 4:6

Yɔ kȧmȧ mafɔf ma nu mə yi rə aboŋa mɔ mə a bɔthəs rəka rɛ mɛr lɔkɔ o lɔkɔ, kȧmȧ nə tȧrȧ to mə nə yi tə kəgbaki wuni o wuni.

Luk 20:40

Kədarəŋ kati aŋ mintha hɛ sɔ yif kɔ tȧy o tȧy.

Mathiu 22:46

Ɔwa wuni o wuni ɔ gbǝli hɛ sɔ gbakia kɔ dim din. Ɔwa kǝtǝp ka ȧŋrey ŋati wuni o wuni ɔ mintha hɛ sɔ yif kɔ ȧyif o yif.

AŋKȧletia 2:19

kotȧy-e kətȧŋȧnɛ ka ȧŋthɔ i po fi ka ȧŋthɔ kȧmȧ i gbəli ba ŋesəm salata Kurɔŋ.

AŋRomans 7:9

Ka ȧŋlɔkɔ ma i te tha tȧrȧ anthɔ-e i yi ukəli, kɛrɛ ma aŋyamari ŋa ȧŋthɔ aŋ bek-e, ka ahakɛ aŋ thəmɛ, ka minɛŋ i fi tɛnɛ.

Mathiu 12:20

Ɔ ba hɛ kǝsim kǝthȧnkɛ kǝnulȧ, Ɔ ba hɛ kǝdimsi awik aŋa mǝ wur kimȧ, Haŋ ɔ somrȧ kǝthoŋkas tǝ kǝtham.

Mathiu 12:15

Yisɔsȧŋ ma ɔ tȧrȧ ti-e, ɔ wur ri, ka agbȧthi aŋ tȧŋ kɔ, kɔ yeŋkǝs ŋa bɛ.