Mark 1:1 - Ȧŋlemrȧnɛ Ȧfu

¹ Ɔtəpɛr wa ȧkɛra kəfinɔ ka Yisɔs Krayst, ɔWan ka Kuru.

Mark 1:1 Iomraidhean Croise

Mathiu 14:33

Ka ŋaŋ aŋa yi ro bil aŋ bȧtho kɔ, aŋ pa, Tɛntɛnɛ munɔ yi ɔWan ka Kuru.

Mathiu 17:5

Ma ɔ yi ka kǝfɔf-e, kǝrǝnt kǝfera kǝgbɛntha kǝ derǝr ŋa; ɔwa rim rǝ wur ka karǝnt, rǝ pa, ƆWan kȧmi ubɔthǝr kɔnɔ ɔwe, ta ɔwe pǝ thesanɛ mi finɔ. Tǝla kɔ nu.

Mathiu 3:17

ka rim rǝ wur ka Kuru, rǝ pa, Ɔwe-e, kɔnɔ yi ɔWan kȧmi ubɔthǝr, ka ɔwe i ba mǝbɔnɛ.

Mathiu 4:3

Ka ɔgbɔns ɔ bek-e, ɔ pa ro ŋɔŋ, Bepi munɔ yi ɔWan ka Kuru-e, yamari kȧmȧ masar ame mǝ sǝkɛ tǝbo.

Luk 1:35

Ka ɔmaleka ɔ pa ro ŋɔŋ, ɔYina məsəm ɔ tə thorər mu, aŋfɔsɔ ŋa ɔBɔli rəkɔm aŋ tə gbəpər mu. Tiyȧŋ arəka rəsəm ara mə tə re kom-e, a tə bont kɔ, ɔWan ka Kuru.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:34

Ɔwa i po nənk, ɔwa i po seri ti kəpa ɔwe ɔ yi ɔWan ka Kuru.

Yɔn 1:49

Nathanɛlȧŋ ɔ wosa ɔ pa ro ŋɔŋ, Karmɔkɔ, munɔ yi ɔWan ka Kuru; munɔ yi ɔbȧy ka ro Isrɛl.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 6:69

Ɔwa sə po lanɛ ɔwa sə tȧrȧ kəpa munɔŋ mə yi ɔSəm ka Kuru.

Mȧyɔs ma aŋsom 1:22

kətəp ka ȧŋbaftisəm ŋa Yɔn, haŋ kəkɔ ka ȧŋrey aŋa a gbasir su kɔ-e, ɔwa a ŋata kɔ ro riyana, kətɔŋ ka aŋe-e, ukin ɔ yi tə kəsəkɛ məseri yi saŋ ta kȧyokanɛ kɔŋ.

Mȧyɔs ma aŋsom 13:24

Ɔwa Yɔnȧŋ, yeŋka kȧder kɔŋ-e, ɔ po mɔtha taməs ka aŋfəm ŋa Isrɛl ȧŋbaftisəm ŋa kathupi.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?