Luk 4:6 - Ȧŋlemrȧnɛ Ȧfu

⁶ kɔ pa ro ŋɔŋ, I ti sɔŋ mu aŋfɔsɔ aŋe bɛ yi aŋyiki ŋati, kotȧy-e a po laŋklia ŋi ro rɔmi; ɔwa i gbəli sɔŋ ŋi wuni o wuni ɔwe i yema.

Luk 4:6 Iomraidhean Croise

Luk 4:7

Tiyȧŋ bepi mə bȧtho mi-e, i ti sɔŋ mu ŋi bɛ.

Yɔn 12:31

Ka-ake ka pə yi kathoŋkas ka ȧdȧru are; ka-ake a tə wurɔ ɔwe yi rȧbomp ka ȧdȧru are.

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

2 AŋKɔrenth 11:14

Ɔwa tȧy təkabanɛ thahɔ, kotȧy-e Sethani gbeŋ ɔ gbəli səkɛnɛ mɔ wurɔ ka kawalɛ.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

1 Pitar 1:24

kotȧy-e, Madɛr bɛ mə yi mɔ kereŋ, Ɔwa aŋyiki ŋa wuni kəpet bɛ aŋ yi mɔ malɛŋi ma akereŋ. Akereŋ kə tə wela, yi malɛŋi mati mə tə poŋ.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 13:2

Ɔsɛm ɔwe i nənk ɔ yi mɔ usip, ka tatək tɔŋ tə yi mɔ tatək ta kəthɔlu, ɔwa kȧsəŋ kɔŋ kə yi mɔ kȧsəŋ ka ȧsɔyila; ka ȧŋninkinanka ɔ sɔŋ kɔ aŋfɔsɔ ŋɔŋ gbeŋ, yi kawaŋ kɔŋ, dɛ yi kagbəka kɔŋ kəbana.

Kȧŋȧibinɛ 13:7

Ka a sɔŋ kɔ afɔsɔ tə kətim aŋfəm ŋa Yisɔs-e, yi tə kətham ŋa; ka a sɔŋ kɔ kəgbəka rokɔm ka afəm bɛ, yi tənt bɛ, dɛ yi təbona bɛ.