Luk 4:5 - Ȧŋlemrȧnɛ Ȧfu

⁵ Ka Sethani ɔ gbepa kɔ ka kəteŋ kəbɔli rəkɔm, ɔ tɔri kɔ tabȧy bɛ ta ȧdȧru rə kəgbȧləp win.

Luk 4:5 Iomraidhean Croise

Mathiu 24:14

Ɔwa ȧkɛra kǝfinɔ ka rȧbȧy ake-e, a ba kǝtamǝs ki ka ȧdȧru bɛ ta mǝseri ka tǝbona bɛ. Kǝdarǝŋ kati ɔthalnɛ ɔ der tɛnɛ.

Mathiu 4:8

Ka Sethaniȧŋ ɔ kera kɔ sɔ ka kǝteŋ kǝbɔli rǝkɔm, kɔ tɔri kɔ tabȧy bɛ ta ȧdȧru, yi ɛyiki yati.

1 AŋKɔrenth 15:52

Lɛmp, ka kəgbȧləp win ma kathɛma kələpsɔ kə fɛŋ. Kotȧy-e a tə fɛŋ kȧthɛma, ka aŋfi aŋ tə kȧl yokanɛ ka rȧfi kəte they, ɔwa saŋ, a tə sinkar su.

1 AŋKɔrenth 7:31

ɔwa sɔ-e, aŋa mə kyanɛ ɛyɛt ya ȧdȧru are-e, ta aŋ te kyanɛ yi ɔləs, kotȧy-e mayi ma ȧdȧru mə ba kəthas.

2 AŋKɔrenth 4:17

kotȧy-e kasɔmpanɛ kȧsu kəfəŋf, ȧke yi gbo ta alɔkɔ agbut, kə mə bȧr yɔna su ayiki alel ɔthasər ta thəbana;

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋƐfisɔs 6:12

kotȧy-e katim kȧsu kə yi hɛ kəŋamnɛ mədɛr yi mətir, kɛrɛ kəŋamnɛ ŋatəbomp-e, təbay-e, aŋgbəka ŋa ȧŋsum ŋa ȧdȧru are-e, dɛ yi kəŋamnɛ ɛyina ɛləs ya aŋfena.