Luk 2:9 - Ȧŋlemrȧnɛ Ȧfu

⁹ Ɔwa ɔmaleka ka Kuru ɔ wurər ŋa pus, ka aŋyiki ŋa Kuru aŋ gbɛnthar ŋa, kaŋ nesa.

Luk 2:9 Iomraidhean Croise

Mathiu 1:20

Kɛrɛ ma ɔ tȧmtȧmnɛ mȧtȧy ame-e, kǝla, ɔmaleka ka ɔMarki ɔ tɔrinɛ ro ŋɔŋ rǝ mǝrei, kɔ pa, Yosɛf, munɔ ɔwan ka Debid, te nesa tǝ kǝba ro mu Meriȧŋ, ɔrani ka mu-e, kotȧy-e ɔ yi ukor ka ɔYina mǝsǝm.

Luk 1:28

Ɔmaleka ɔ wɔŋ ka ȧŋseth ŋa ɔwath ubɛra, kɔ pa, Kori mu-o, mun ba aboŋa abana, Kuru ɔ yi yi munɔŋ.

Luk 2:8

Ka afəm atɔl təlɔmɛ aŋ yi ka ȧŋthɔf ŋati, aŋ bȧkər ro lal tə kəbumər akuthi ka ŋaŋ tȧtȧk.

Luk 24:4

Ka pə re yi-e, ma pə sɔkanɛ ŋa ta ti-e, kəla afəm aruni ŋarəŋ aŋ təmȧ rayɛr ka ŋaŋ rə suma təgbɛntha.

Yɔn 12:41

Aysaya ɔ fɔf mȧtȧy ame ma ɔ nənk aŋyiki ŋɔŋ, ɔwa ɔ fɔf ta atɔŋ.

Mȧyɔs ma aŋsom 12:7

Ɔwa kəla wurɔ ka ɔMarki ɔ təmȧ rayɛr kɔŋ, ɔwa kəwalɛ kə gbɛntha ka ȧŋkonko; kɔ gbantha Pitaŋ ka aŋfuthəl, ɔ thəmi kɔ, ɔ pa, Yokanɛ lɛmp lɛmp. Ka atɔrɛntha tə wur ka mȧta mɔŋ.

Mȧyɔs ma aŋsom 27:23

Ȧtesoma-e ɔmaleka ka Kuru ɔwe ba mi, yi ɔwe i bȧtho, ɔ təmȧ mi rayɛr ka rȧtȧtȧk are,

Mȧyɔs ma aŋsom 5:19

Kɛrɛ wurɔ ka ɔMarki ɔ kanthi tadare ta ȧŋseth ŋa tərəŋka ka tȧtȧk, kɔ wurɔ ŋa, ɔ kanɛ ŋa,

2 AŋKɔrenth 3:18

Kɛrɛ saŋ bɛ, rə aser ta su təgbəpəri-e, sə tɔri aŋyiki ŋa ɔMarki mɔ ɛmɛmnɛ, ɔwa a səki su ka mȧbȧlȧnɛ mɔŋ gbeŋ, rɛ ayiki rokɔm ka ayiki, hali mɔ mə kəwur ka ɔMarki ɔYina.

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

AŋHibru 12:21

ɔwa kakəli kati kə yi kəninis haŋ Mosis ɔ pa, Minɛ i yɛr yɛr yi rənes.

Kȧŋȧibinɛ 18:1

Kədarəŋ ka mȧtȧy ame. i nənk umȧleka ulɔm ɔ thor kəwur ro riyana, kɔ ba afɔsɔ abana; ɔwa kawalɛ ka aŋyiki ŋɔŋ kə gbɛnthar ȧdȧru.

Kȧŋȧibinɛ 20:11

Rodarəŋ kati i nənk kəwaŋ ka rȧbȧy kəbana kəfera pər dɛ yi kɔn ɔwe yirȧ ri; ɔwa ȧdȧru dɛ yi kȧriyana ɛ gbukɛ kəwur ka kȧbəprȧnɛ kɔŋ. Ɔwa dɛr rə yi hɛ sɔ ta yi.