12 Ma ɔ nənk kɔ-e, pɔ sɔkanɛ kɔ, ka rənes rə wop kɔ.
Maŋ wɔŋ ka kaboma-e, aŋ nənk ulaŋgba ɔ yirȧ ka ȧŋgbȧp ȧdiyɔ, ɔ wɔŋ ruma rəfera rəbɔli, kaŋ nesa.
Ma ɔwath ubɛra ɔ nənk kɔ-e, tafɔf tɔŋ tə sɔmpa kɔ, kɔ tȧmtȧmnɛ to aŋkori aŋe aŋ yi-e.
Ɔwa kɔnɔŋ, ma ɔ kəli kɔ təŋ-e, ɔ nesa ɔ pa, Pa, ko rəka-e? kɔ pa ro ŋɔŋ, Taramnɛ ta mu yi ɛboya ɛ mu ɛ po bek ka Kuru ta ananɛ ta ȧtȧ mu.
Ma i nənk kɔ-e, i fumpɔ ka tatək tɔŋ mɔ i po fi. Kɔ reŋ kȧta kɔŋ kədiɔ ka rȧbomp ra mi, ɔ pa, Te nesa, minɛ yi ɔTɔtɔkɔ yi ɔLəpsɔ.
