4 Aŋesəm aŋ yi ro ŋɔŋ: ɔwa aŋesəm aŋ yi ȧŋmothȧ ŋa afəm.
Aŋfǝm aŋa yirȧ ka ȧŋsum Aŋ nənk kǝwalɛ kǝbana; Ɔwa kǝwalɛ kǝ put ro ŋaŋ Aŋa yirȧ ka ɔdɛr yi ka ȧŋmumpǝl ŋa rǝfi.
Amotha tə kəmotha tȧbona təlɔm Yi aŋyiki ŋa aŋfəm a mu Isrɛl.
Yisɔsȧŋ ɔ pa ro ŋɔŋ, Minɛ yi kȧyokanɛ, yi aŋesəm: kɔn ɔwe mə lanɛ mi, hali ɔ po fi, ɔ tə kȧl kəli:
Yisɔsȧŋ ɔ pa ro ŋaŋ, Alɔkɔ agbut gbo thɔŋ ta ȧŋmothȧ kəyi ro nu. Kɔth nu ka ȧŋlɔkɔ nə ba ȧŋmothȧ, kȧmȧ ȧŋsum aŋ te nu wop: kotȧy-e ɔwe mə kɔth ka ȧŋsum-e, ɔ tɛ hɛ ro mɔ kɔ-e.
I der mɔ amotha ka ȧdȧru, kȧmȧ wuni o wuni ɔwe mə lanɛ mi-e, ɔ ba hɛ tə kətia ka ȧŋsum.
Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.
Ɔwa matheri mi ame, kəpa amotha aŋ der ka ȧdȧru, kɛrɛ afəm aŋ bɔthər asum pəthasi amotha, ȧtesoma-e mȧyɔs maŋ mə yi mələs.
Mɔ mə ɔKas ɔ yokas aŋfi, dɛ ɔ kəlis ŋa-e, yaŋ sɔ ɔWan ɔ kəlis ɔwe ɔ yema.
kotȧy-e mɔ mə ɔKas ɔ ba aŋesəm ka kɔn kɔnɔnɛ, yaŋ sɔ ɔ po sɔŋ ɔWan kȧmȧ kɔnɔ sɔ ɔ ba aŋesəm ka kɔn kɔnɔnɛ;
Ɔwa Yisɔsȧŋ ɔ kȧl fɔfȧnɛ aŋfəm, ɔ pa, Minɛ yi ȧŋmothȧ ŋa ȧdȧru; wuni ɔwe mə tȧŋ mi-e ɔ ba hɛ kəkɔth ka ȧŋsum, kɛrɛ ɔ tə ba ȧŋmothȧ ŋa aŋesəm.
Ma i yi nɔru, minɛ yi ȧŋmothȧ ŋa ȧdȧru.
kəpa Kraystȧŋ ɔ ba kənȧkȧsi, ɔwa kəpa kɔnɔ ɔ yi ɔtɔtɔkɔ tə kətaməs kawalɛ ka aŋfəm yi ka tȧbona təlɔm kətȧŋȧnɛ ka kȧyokanɛ ka aŋfi.
Tiyȧŋ a gbal ti kəpa, Ɔwuni utɔtɔkɔ Adȧmȧŋ a səki kɔ wuni ba ŋesəm; kɛrɛ ɔAdȧm uləpsɔ kɔnɔ yi ɔYina ɔwe sɔŋ aŋesəm.
Tiyȧŋ ɔ pa, Thəmɛ munɔ ɔwe dirȧ-e, yokanɛ ka rafi, ɔwa Kraystȧŋ ɔ tə sɔŋ mu ȧŋmothȧ.
Ma Krayst ɔwe yi aŋesəm a su ɔ tɔrinɛ, ka ȧŋlɔkɔ ŋati naŋ sɔ nə tə tɔrinɛ dɛ yi kɔn ka ayiki.
Ara yi kȧbi ka ɔtəpɛr, ara sə po təl, ara sə po nəŋka rəfɔr, ara sə po gbɛnthas ɔwa mȧta ma su mə po wop, ta ȧrim ra aŋesəm;
a tɔri aŋesəm, ɔwa saŋ sə po nəŋka ŋi rəfɔr, ɔwa sə seri ta ŋi, ka sə tɔri nu aŋesəm thəbana aŋa yi ka ɔKas, yi aŋa a po tɔri su;
Maseri meme, kəpa Kuru ɔ po sɔŋ su aŋesəm thəbana, ɔwa aŋesəm aŋe aŋ yi ka ɔWan kɔŋ.
Kɔ tɔri mi kȧbȧŋ ka ȧmȧnt ma aŋesəm, mətempi yereŋ, mə wur ka kawaŋ ka rȧbȧy ra Kuru yi ka kaLɔmɛ kəfɛth;
Minɛ Yisɔs, i po som ɔmaleka kȧmi tə kəlɔma mu mȧtȧy ame salata ɛchɔch. Minɛ yi aŋThəŋk dɛ yi ɔWan ka Debid, dɛ yi ɔKɔs kəgbɛntha kelkel ka rabəth.
