AŋƐfisɔs 6:12 - Ȧŋlemrȧnɛ Ȧfu

¹² kotȧy-e katim kȧsu kə yi hɛ kəŋamnɛ mədɛr yi mətir, kɛrɛ kəŋamnɛ ŋatəbomp-e, təbay-e, aŋgbəka ŋa ȧŋsum ŋa ȧdȧru are-e, dɛ yi kəŋamnɛ ɛyina ɛləs ya aŋfena.

AŋƐfisɔs 6:12 Iomraidhean Croise

Mathiu 16:17

Ka Yisɔs ɔ pa ro ŋɔŋ, Munɔ mǝ ba aruba Saymɔn ɔwan ka Yona, pǝkasifɛ wuni kǝpet ɔ tɔri hɛ ti ro mu, kɛrɛ ɔKas kȧmi ɔwe yi ro riyana.

Mark 4:19

kɛrɛ ɛsoli ya ȧdȧru, yi matɔns ma rəyola, ɔwa mafela ma mȧtȧy məlɔm mə der-e, mə thiŋkanɛ ȧrim, ɔwa rə ba hɛ məkomi.

Luk 13:24

kɔ pa ro ŋaŋ, Timnɛ nu tə kəwɔŋ ka kadare kəthiŋkanɛ, ȧtesoma-e i kanɛ nu, agbȧthi aŋ tə thɛns aroŋ tə kəwɔŋ ri, kɛrɛ aŋ gbəli hɛ.

Luk 22:53

Ma i yi ro rɔnu ȧrey o rei ka ȧŋseth ŋa Kuru-e, nə thanthi hɛ mȧta ma nu tə kəwop mi. Kɛrɛ ȧŋlɔkɔ a nu ŋi aŋe yi aŋfɔsɔ ŋa ȧŋsum.

Yɔn 12:31

Ka-ake ka pə yi kathoŋkas ka ȧdȧru are; ka-ake a tə wurɔ ɔwe yi rȧbomp ka ȧdȧru are.

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 16:11

ta kəthoŋkas ɛpa, pəkasifɛ a po thonkas ɔwe yi rȧbomp ra ȧdȧru are.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

AŋRomans 8:38

kotȧy-e i lanɛ kəpa rəfi-o, aŋesəm-o, amaleka-o, agbəka-o, ɛfɔsɔ-o, mȧtȧy ma ka-ake-o, mȧtȧy ma ninaŋ-o,

1 AŋKɔrenth 15:50

Ɔwa awɔnt, i kanɛ nu ȧte kəpa mədɛr yi mətir ɛ gbəli hɛ sɔthɔ rȧbȧy ra Kuru; ta a pa ras ara ba kəthey rə te gbəli sɔthɔ ara mə te thei thȧnkȧŋ.

2 AŋKɔrenth 11:14

Ɔwa tȧy təkabanɛ thahɔ, kotȧy-e Sethani gbeŋ ɔ gbəli səkɛnɛ mɔ wurɔ ka kawalɛ.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋKȧletia 1:16

tə kəŋaibi ɔWan kɔŋ do rɔmi kȧmȧ i kawandi kɔ kətɔŋ ka təbona təlɔm-e, ka ɔlɛmp wati i kɔ hɛ tə kəfɔf ka wuni kəpet,

AŋƐfisɔs 1:21

ɔbɔli rəkɔm ka rəgbəka bɛ, afɔsɔ bɛ, amarki bɛ, yi tȧbȧy bɛ dɛ yi ka ŋes o ŋes aŋa a bont, pə yi hɛ ka ȧdȧru are gbo gbɛt, kɛrɛ ka ȧdȧru ara ba kəder sɔ.

AŋƐfisɔs 1:3

Sə ruba Kuru Məsaba ɔKas ka ɔMarki kȧsu Yisɔs Krayst ɔwe po ruba su rɛ yi ɛruba ɛyɛ ro Yina bɛ ka ɔyira wa riyana rokor ka Krayst.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋƐfisɔs 3:10

Kama aŋchɔch ka-ake aŋ gbəli yɔ aŋkərbomp dɛ yi ɛfɔsɔ ya ȧkȧriyana aŋ tȧrȧ kȧtemp kəgbaskɛ gbaskɛ ka Kuru.

AŋKɔlɔsi 1:13

ɔwe po wurɔ su ka aŋfɔsɔ ŋa asum, kɔ po wɔŋȧ su ka rȧbȧy ra ɔWan ka mabɔthər mɔŋ.

AŋKɔlɔsi 2:15

kɔ ləsər aŋfɔsɔ ŋa agbəka dɛ yi abȧy bɛ, ɔwa ɔ tɔri gbafəth kəpa ɔ po tham ŋa ka akənt kɔŋ kəpəŋkinɛ.

2 Timɔthi 2:5

Ɔwa bepi wuni o wuni ɔ gbakanɛ kȧsɔnka-e, ɔ sɔthɔ hɛ ȧrȧm, thambe ɔ wop ȧŋthɔ ŋa aŋgbakanɛ.

AŋHibru 12:1

Tiyȧŋ ma ayama abana ŋa məseri aŋ kampər su yaŋ-e, maŋ gbapɛ nu koko ara mə bɛnt su, dɛ yi aŋhakɛ aŋa mə thiŋkər su katkat, ɔwa maŋ gbukɛ nu rə kəmuyu kȧgbȧkȧnɛ ȧke mə a bot rodi kȧsu.

AŋHibru 12:4

Nə tha tim hɛ ras haŋ a loŋ mətir, tə kəŋamnɛ ahakɛ.

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.