AŋƐfisɔs 6:10 - Ȧŋlemrȧnɛ Ȧfu

¹⁰ Ka kaləpsɔ, aŋwɔnt a mi, yi nu abȧki mədɛr ka ɔMarki, dɛ yi ka aŋfɔsɔ ŋa kagbəli tȧy kɔŋ.

AŋƐfisɔs 6:10 Iomraidhean Croise

1 AŋKɔrenth 16:13

Bumnɛ nu, təmȧ nu kəŋkəŋ ka kȧlanɛ. Yɔ nu mɔ afəm aruni, bȧk nu mədɛr.

2 AŋKɔrenth 13:11

Ka kaləpsɔ, awɔnt, maŋ dirȧ nu yɔ. Yi nu apons, yi nu abɛfəth, ba nu ȧmerȧ ŋin, yirȧ ka məthɔfəl; ɔwa ɔKuru ka məbɔthər dɛ yi məthɔfəl ɔ tə yi yi naŋ.

AŋƐfisɔs 1:19

dɛ yi ko aŋfɔsɔ ŋɔŋ ŋə yi abana ɔthasər-e do rɔsu aŋa lanɛ, mɔ mə kagbəli kɔŋ kəninis kə yi,

AŋƐfisɔs 3:16

kȧmȧ ɔ yɔ nu kətȧŋȧnɛ ka ɔlasər wa aŋyiki ŋɔŋ, kȧmȧ nə bȧksər rə aŋfɔsɔ ŋa ɔYina ŋɔŋ ka rafəm ra nu;

AŋFilipai 3:1

Ɔwa aŋwɔnt a mi, ba nu məbɔnɛ ka ɔMarki. Pə bȧk hɛ mi mədɛr tə kəgbalər nu mȧtȧy ame, ɔwa pə yi sɔ ɔfinɔ ta ȧtȧ nu.

AŋFilipai 4:13

I gbəli yɔ tȧy o tȧy bɛ asabu ŋa Krayst ɔwe mə sɔŋ mi afɔsɔ.

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

AŋKɔlɔsi 1:11

Kaŋka a bȧksər nu rə afɔsɔ bɛ kətȧŋȧnɛ ka ɔninis wa aŋfɔsɔ ŋa aŋyiki ŋɔŋ, kəkɔ ka kȧmuyu kəlele rə məbɔnɛ.

2 Timɔthi 2:1

Tiyȧŋ, munɔ ɔwan kȧmi, yi ubaki mədɛr ka ȧŋboŋa aŋa yi ka Krayst Yisɔs.

2 Timɔthi 4:17

Kɛrɛ ɔMarki ɔ təmȧ mi rayɛr, kɔ bȧksər mi, kȧmȧ pə yi ȧŋsabu a mi, tȧbona təlɔm bɛ aŋ tə təl ȧkɛra kəfinɔ ka Kuru; kɔ kathi mi ka kȧsəŋ ka ȧŋsoyila.

1 Pitar 3:8

Tiyȧŋ ba nu ȧmerȧ ŋin, ba nu ȧney, bɔthərȧnɛ nu mɔ awɔnt, tɔri ȧmerȧ athoranɛ.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 2:14

I po gbalər nu, naŋ akas, pəkasifɛ nə po tȧrȧ kɔ ɔwe yi kȧbi ka ɔtəpɛr. I po gbalər nu, naŋ alaŋgba, pəkasifɛ nə yi abȧki mədɛr, ɔwa ȧrim ra Kuru rə tiyȧ ro nu, ɔwa nə po tham Sethani.