AŋƐfisɔs 5:2 - Ȧŋlemrȧnɛ Ȧfu

² Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

AŋƐfisɔs 5:2 Iomraidhean Croise

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Yɔn 13:34

Ayamari afu i sɔŋ nu, kȧmȧ nə bɔthərȧnɛ; mɔ mə minɛŋ i po bɔthər nu, ya nia sɔ nə yi tə kəbɔthəranɛ.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

AŋRomans 4:25

Ɔwe a sɔnd salata ɛhakɛ ɛ su, ɔwa a yokas kɔ kətɔŋ ka aŋfi kȧmȧ sə gbəli sɔthɔ məmari.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

AŋRomans 8:37

Ɔwa ka mȧtȧy ame bɛ sə ba kətham kəthasər asabu ŋa kɔn ɔwe bɔthər su.

1 AŋKɔrenth 16:14

Mȧtȧy bɛ mə nə yɔ, yɔ ma nu rə məbɔthər.

1 AŋKɔrenth 5:7

Wurɔ nu ɛgbith ɛkur-e, kȧmȧ nə yi kəboth kəfu, kotȧy-e tə tɛntɛnɛ nə yi hɛ tə kəba ɛgbith. Kotȧy-e, Kraystȧŋ, kalɔmɛ kəfɛth ka ɔpainɛ-e, a po yɔ kɔ asathka ta ȧtȧ su.

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

2 AŋKɔrenth 2:15

Ȧtesoma-e, sə yi ȧŋbɔnt afɔlfɔl ŋa Krayst ka Kurɔŋ salata ŋaŋ aŋa po kisi, dɛ yi ŋaŋ sɔ aŋa mə dinɛ.

2 AŋKɔrenth 8:9

kotȧy-e nə tȧrȧ ȧŋboŋa ŋa ɔMarki kȧsu Yisɔs Kraystȧŋ, kəpa hali ma ɔ yi uyola-e, salata nu ɔ səkɛ umɔnɛ, kȧmȧ naŋ kətaŋ ka amɔnɛ mɔŋ-e, nə gbəli səkɛ ayola.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋƐfisɔs 1:4

Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

AŋƐfisɔs 3:19

kətara mabɔthər ma Krayst ama mə thasi kətara tȧy bɛ, kȧmȧ a namsir nu yi ɔlasər wa Kuru bɛ.

AŋƐfisɔs 4:15

Kɛrɛ sə yi tə kəfɔf tȧteŋ ka məbɔthər, kȧmȧ sə tɛŋa do rɔŋɔŋ ka mȧtȧy bɛ, ɔwe yi rȧbomp ra su, Krayst kɔn kɔnɔnɛ.

AŋƐfisɔs 4:2

rə ɛmerȧ ɛthoranɛ dɛ yi məthɔfəl bɛ, yi kəmuyu tȧy, ɔwa sɔ-e, muyusanɛ nu rə məbɔthər.

AŋƐfisɔs 5:15

Tiyȧŋ gbɛŋgbɛnɛ nu kəthɛgbɛ to mȧ nə kɔth-e, kȧmȧ pə te yi mɔ afəm apənk, kɛrɛ ta pə yi mɔ atempi.

AŋƐfisɔs 5:25

Naŋ awos, bɔthər nu arani a nu, mɔ mə Krayst ɔ bɔthər aŋchɔch, kɔ kȧl sɔndnɛ ta atɔŋ,

AŋFilipai 4:18

Kɛrɛ i ba koko bɛ thɔŋ, rəgbathi gbo, ma i po sɔthɔ ka kȧta ka Ɛpafroditɔs aboya afinɔ aŋa nə po somra mi mɔ abɔnt afɔlfɔl, sathka təbɔthi malanɛ ȧtȧ mə bɔnɛs Kuru Məsaba.

AŋKɔlɔsi 3:14

Ɔwa rokɔm ka mȧtȧy ame bɛ, wɔŋ məbɔthər ama yi mɔlɔ ma rasekəranɛ ra ȧmerȧ agbenthis.

1 AŋThɛsȧlonika 4:9

Kɛrɛ ka ȧŋpa ŋa məbɔthər ma rəwɔnt, i ba hɛ tə kəgbalər nu, kotȧy-e Kuru kɔnɔ po thəksa nu tə kəbɔthəranɛ.

1 Timɔthi 2:6

ɔwe sɔndnɛ tə kəbani afəm bɛ, ka a seri ti ma ȧŋlɔkɔ ŋati aŋ bek.

1 Timɔthi 4:12

Te yɔ kȧmȧ afəm aŋ farki rafɛth ra mu; kɛrɛ yi amɔl ta aŋlanɛ salata kȧfɔf, yi mȧyɔs, yi mȧbɔthər, yi kȧlanɛ, yi kȧba ȧmerȧ ȧferȧ.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 8:3

kotȧy-e a thith ufode o fode ubana tə kəsɔŋ ɛboya dɛ yi sathka; tiyȧŋ ɔfode ubana ɔwe, thambe kɔnɔ sɔ ɔ ba ara ɔ gbəli sɔŋ.

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

AŋHibru 9:23

Tiyȧŋ pə yi ɔlompi kȧmȧ a gbərans mȧbȧlȧnɛ ma mȧtȧy ma ro riyana rɛ ɛyɛt ɛye; kɛrɛ mȧtȧy ro riyana gbeŋ mə yi tə kəba sathka təbaki mɔlɔ təthasi ȧte.

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

1 Pitar 4:8

Ɔwa pəthas koko bɛ bɔthərȧnɛ nu kiriŋkiriŋ, kotȧy-e məbɔthər mə tə gbəpsər ɛhakɛ ɛlai.

1 Yɔn 3:16

Ka ȧte sə tȧrȧ mabɔthər, kəpa kɔnɔ ɔ sɔnd aŋesəm ŋɔŋ ta ȧtȧ su: ɔwa saŋ sə yi tə kəsɔndnɛ ta aŋwɔnt.

1 Yɔn 3:23

Aŋyamari ŋɔŋ ŋi aŋe, kȧmȧ sə lanɛ ka ȧŋes ŋa ɔWan kɔŋ Yisɔs Krayst, yi kȧmȧ sə bɔthərȧnɛ mɔ mɔ yamari su.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.