AŋƐfisɔs 4:9 - Ȧŋlemrȧnɛ Ȧfu

⁹ (Kɛrɛ kəpa, Ɔ ŋat rokɔm, ko kə yi thambe kəpa ɔ la thor sɔ ka ȧŋthɔf ratha-e?

AŋƐfisɔs 4:9 Iomraidhean Croise

Mathiu 12:40

kotȧy-e mɔ mǝ Yonaȧŋ ɔ ba mǝrei mǝsas pali gbɛs ka akor ka kalop kǝbana-e, ya ɔWan ka wuni mǝ ɔ yi rokor ka ȧŋthɔf mǝrei mǝsas pali gbɛsȧŋ.

Yɔn 20:17

Yisɔsȧŋ ɔ pa ro ŋɔŋ, Te gboŋ mi; ȧtesoma-e, i tha ŋat hɛ ka ɔKas: kɔnɛ gbo ka aŋwɔnt a mi, mə pa ro ŋaŋ, I ŋat ka ɔKas kȧmi yi ɔKas ka nu; yi ka ɔKuru kȧmi, yi ɔKuru ka nu.

Yɔn 3:13

Wuni o wuni ɔ tha ŋat hɛ ro riyana, thambe kɔn ɔwe thor kəwur ro riyana, kɔnɔ yi ɔWan ka wuni ɔwe yi ro riyana.

Yɔn 6:33

Ȧtesoma-e kabo ka Kuru kə yi kɔn ɔwe wur ro riyana, ɔwa kə sɔŋ aŋesəm ka ȧdȧru.

Yɔn 6:38

Ȧtesoma-e i po thor kəwur ro riyana, pə yi hɛ tə kəyɔ mȧselɔ ma mi gbeŋ, kɛrɛ tə kəyɔ mȧselɔ ma ɔwe som mi.

Yɔn 6:41

Ka aŋYuda aŋ fɔfəthanɛ ta atɔŋ, pəkasifɛ ɔ pa, Minɛ yi kabo ȧke wur ro riyana.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

Yɔn 6:58

Kabo ȧke wur ro riyana ki ake: kə yi hɛ mɔ ȧke aŋkas a nu aŋ di, ɔwa aŋ fi: ɔwe mə di kabo ake ɔ tə ŋesəm thəbana.

Yɔn 6:62

To mə pə yi bepi nə nənk ɔWan ka wuni ɔ ŋat ka ɔdɛr ro ɔ la yi thəpaŋ-e?

Yɔn 8:14

Yisɔs ɔ wosa ɔ pa, Hali i gbakiɛnɛ, aŋgbaki a mi aŋ yi tȧteŋ: ȧtesoma-e, i tȧrȧ ro i wur, ɔwa i tȧrȧ ro mə i kɔ-e; kɛrɛ naŋ nə tɛ hɛ ro i wur, thalɔm ro mə i kɔ-e.

AŋHibru 2:7

Munɔ mə po bɛmpa kɔ-e roratha ka aŋmȧleka ta alɔkɔ agbut, Mə po pɔlɔ kɔ yi ayiki dɛ yi alambe, Ɔwa mə təmər kɔ rokɔm ka mapanth ma mȧta ma mu bɛ.

AŋHibru 2:9

Kɛrɛ sə nənk kɔn ɔwe a bɛmpa roratha ka aŋmȧleka ta alɔkɔ agbut, hali Yisɔs, ɔwa a pɔlɔ kɔ ka-ake rə ayiki abana asabu ŋa anakasi ŋa rəfi, kȧmȧ pə re yi ka ȧŋboŋa ŋa Kuru-e, ɔ gbəli tham rəfi ta wuni o wuni.