AŋƐfisɔs 4:16 - Ȧŋlemrȧnɛ Ȧfu

¹⁶ Ɔwa kəwur do rɔŋɔŋ ȧŋdɛr bɛ aŋ gbɛptanɛ ka matɔsanɛ ma akotir o kotir kati mɔlɔ ma mapanth məmari mati mə yi-e, kaŋ bȧk dɛ yi aŋ bȧrnɛ ka mȧbɔthər.

AŋƐfisɔs 4:16 Iomraidhean Croise

Yɔn 15:5

Minɛ yi ralek, naŋ nə yi mara: wuni ɔwe mə tiyȧ ro mi, ɔwa minɛ sɔ ro ŋɔŋ-e, ɔwe ɔ tə wur məkomi məgbathi: Ȧtesoma-e nə gbəli hɛ yɔ koko bepi nə tiyȧ hɛ ro mi.

AŋRomans 12:4

kotȧy-e ma sə ba məlaŋktha məlai ka ȧŋdɛr ŋin, yi məlaŋktha bɛ mə te ba məpanth min;

1 AŋKɔrenth 10:17

Ɔwa mɔ mȧ kabo kə yi kin-e, saŋ sɔ hali ma sə yi sa agbȧthi-e, sə yi adɛr ŋin. Kotȧy-e saŋ bɛ sə po yeranɛ ka kabo kin kati.

1 AŋKɔrenth 13:13

Ɔwa kȧlanɛ-o, kȧgbak amera-o, dɛ yi mȧbɔthər-o, mȧtȧy məsas ame maa yi; kɛrɛ mȧbɔthər miȧ tha bondȧ.

1 AŋKɔrenth 8:1

Ɔwa ta salata ɛyɛt ɛdi ɛyɛ a fȧkȧ ɛrɔŋ-e, sə tȧrȧ kəpa pə sɔk su bɛ ta ti. Ɔwa kətara tȧy kə tə ŋata ȧmerȧ, kɛrɛ mȧbɔthər mə tə sɔŋ kətemp.

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋƐfisɔs 1:4

Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

AŋƐfisɔs 3:7

A səki mi ȧbɔy ŋa ȧkɛra kati kətȧŋȧnɛ ka ȧŋboya ŋa ȧŋboŋa ŋa Kuru-e, aŋa a sɔŋ mi kətaŋ ka kagbəli ka aŋfɔsɔ ŋɔŋ.

AŋƐfisɔs 4:12

salata kagbenthis ka aŋsəm, ta mapanth ma kəbatho dɛ yi tə kəbaksər ȧŋdɛr ŋa Krayst.

AŋƐfisɔs 4:15

Kɛrɛ sə yi tə kəfɔf tȧteŋ ka məbɔthər, kȧmȧ sə tɛŋa do rɔŋɔŋ ka mȧtȧy bɛ, ɔwe yi rȧbomp ra su, Krayst kɔn kɔnɔnɛ.

AŋFilipai 1:9

Ta ȧte sɔ-e i ramnɛ kȧmȧ mabɔthər ma nu mə gbəli bȧrnɛ haŋ ka kətara dɛ yi kətemp bɛ.

AŋKɔlɔsi 2:19

Wuni wunɔŋ ɔ wop hɛ gbaŋ ka Kraystȧŋ rȧbomp, ro pə yi ȧŋdɛr alolok bɛ aŋ sɔthɔ aŋfɔsɔ ŋati, kȧmȧ pə re yi ɔ ɔkɔtir o kɔtir dɛ yi nəbəntha o bəntha ɛ sekəranɛ dɛr ɔkin, tə kətɛŋa yi katɛŋa ka Kuru Məsaba.

AŋKɔlɔsi 2:2

Kama ɛmerȧ yaŋ ɛ gbəli ba kəbɛfəth, maŋ yi asekəranɛ yi məbɔthər, tə kətara rayola ra kasɔthnɛ aŋgbundu ŋa Kuru, hali Kraystȧŋ,

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

1 AŋThɛsȧlonika 3:12

Kaŋka ɔMarki ɔ yɔ mabɔthər ma nu mə bȧrnɛ dɛ yi mə thɛrmɛ ɔkin ka ulɔm, kəkɔ ka afəm bɛ, hali mɔ mə saŋ sə bɔthər nu.

2 AŋThɛsȧlonika 1:3

Sə yi tə kəmɔmɔ Kuru lɔkɔ o lɔkɔ ta ȧtȧ nu awɔnt, pəkasifɛ kȧlanɛ ka nu kə bȧrnɛ gbo ɔthasər, ɔwa mabɔthər ama nə ba ɔkin ta ulɔm bɛ mə yi məbana;

1 Timɔthi 1:5

kotȧy-e ɔgbanthir wa aŋgbɛthɛŋ a su ɔ yi məbɔthər kəwur rə ȧmerȧ ȧferȧ, yi rə asɔŋ agbəraŋ, yi rə kəlanɛ rə tȧteŋ.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Yɔn 4:16

Saŋ sə po tȧrȧ, ka sə lanɛ mabɔthər ama Kuru ɔ ba ta ȧtȧ su. Kuru ɔ yi məbɔthər; kɔnɔ ɔwe mə tiyȧ ka mabɔthər ɔ tiyȧ ka Kuru, ɔwa Kuru ɔ tiyȧ ro ŋɔŋ.