AŋƐfisɔs 3:9 - Ȧŋlemrȧnɛ Ȧfu

⁹ dɛ yi kȧmȧ i yɔ afəm bɛ aŋ nənk ko yi mabotəs ma aŋgbundu aŋa a po maŋk ka ȧŋmerȧ ŋa Kuru kȧbi ka ɔtəpɛr wa ȧdȧru, ɔwe po bɛmpa ɛyɛt bɛ ka Yisɔs Kraystȧŋ.

AŋƐfisɔs 3:9 Iomraidhean Croise

Mathiu 10:27

Ȧtȧ i kanɛ nu ka ɔbi-e, pa ti nu ka ɔwaŋ. Ɔwa ȧte nǝ tǝl ro lǝns-e, tam ti nu ka ɛseth rokɔm.

Mathiu 13:35

kȧmȧ ȧrim ra ɔnȧbi rǝ lasǝr ara pa, I ti fɔf rǝ ɛlomɔ, I ti thǝksa mȧtȧy ama a maŋk rǝ agbundu kǝbi ka ɔtɔpɛr wa ȧdȧru.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Luk 24:47

kȧmȧ a taməs kathupi yi katerɔ ka ɛhakɛ ka ȧŋes ŋɔŋ ka tȧbona bɛ, kətəp ro Yerusalɛm.

Yɔn 10:30

Minɛŋ yi ɔKas sə yi ukin.

Yɔn 5:17

Kɛrɛ Yisɔsȧŋ ɔ pa ro ŋaŋ, ƆKas kȧmi ɔ yɔ məpanth haŋ ka-ake, ɔwa minɛ sɔ i yɔ məpanth.

Yɔn 5:19

Yisɔsȧŋ ɔ pa ro ŋaŋ, Tɛntɛnɛ i kanɛ nu, ɔWan ɔ gbəli hɛ yɔ tȧy o tȧy ka aŋfɔsɔ ŋɔŋ, ɔ gbəli gbo yɔ ȧte ɔ nənk ɔKas ɔ yɔ: kotȧy-e mȧtȧy ama ɔ yɔ-e, ma ɔWan mɔ yɔ sɔ,

Mȧyɔs ma aŋsom 15:18

ƆMariki ɔwe mə tɔri mȧtȧy ame bɛ kȧbi ka thəpaŋ, kɔnɔ pa.

AŋRomans 11:25

Aŋwɔnt mi, ta thani nə yi aŋatanɛ rə amera-e, i yema kȧmȧ nə tȧrȧ amurare aŋe kəpa kəgbolŋanɛ kə po derər alɔm ŋa aŋIsrɛl haŋ kalasər ka tȧbona təlɔm kə bek.

1 AŋKɔrenth 2:7

Kɛrɛ sə fɔf gbo kȧtemp ka aŋgbundu ŋa Kuru, pə yi mɔ kȧtemp kəmȧnknɛ ȧke Kuru ɔ botəs thəpaŋ yeŋka ȧdȧru rə təpɛ, ta salata aŋyiki a su.

AŋƐfisɔs 1:4

Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

AŋƐfisɔs 3:2

bepi nə po təl ta mapanth ma kəkɔtha ȧŋboŋa ŋa Kuru ama a maŋkər mi ta ȧtȧ nu-e;

AŋƐfisɔs 6:19

Dɛ yi ta ȧtȧ mi sɔ, kȧmȧ a sɔŋ mi sim dɛ yi kəmintha kȧmȧ i gbəli tɔri aŋgbundu ŋa ȧkɛra kəfinɔ ka Kuru Məsaba kəte ba rənes.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:26

hali aŋgbundu aŋa a la maŋk kəwur ka ɛyamana ya təkomra bɛ ȧtȧ po thas, kɛrɛ ka-ake a ŋaibi ŋi gbafəth ka afəm ŋɔŋ asəm.

AŋKɔlɔsi 3:3

kotȧy-e naŋ nə po thɔŋ fi, ka ɛŋesəm ɛ nu ɛ po maŋknɛ rokor ka Krayst ka Kurɔŋ.

AŋKɔlɔsi 4:3

Ramnɛ nu sɔ ta ȧtȧ su, kȧmȧ Kuru ɔ kanthɛ su roŋ ta ȧrim, kȧmȧ sə gbəli taməs aŋgbundu ŋa Kraystȧŋ, ta aŋa minɛ i yi ka tɔrɛntha.

2 AŋThɛsȧlonika 2:13

Kɛrɛ saŋ sə yi kəsɔŋ mɔmɔ lɔkɔ o lɔkɔ ka Kuru ta ȧtȧ nu, awɔnt abɔthər ŋa ɔMarki, pəkasifɛ Kuru ɔ po thith nu kȧbi ɔtəpɛr tə kəsɔthɔ kəkisi rə kəsəməs kɔ Yina məsəm dɛ yi kȧlanɛ ka tȧteŋ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

2 Timɔthi 4:17

Kɛrɛ ɔMarki ɔ təmȧ mi rayɛr, kɔ bȧksər mi, kȧmȧ pə yi ȧŋsabu a mi, tȧbona təlɔm bɛ aŋ tə təl ȧkɛra kəfinɔ ka Kuru; kɔ kathi mi ka kȧsəŋ ka ȧŋsoyila.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 14:6

Ka i nənk umȧleka ulɔm ɔ fal ka kȧriyana, kɔ ba ȧkɛra kəfinɔ ka Kuru kəthəbana tə kətaməs ka ŋaŋ aŋa yi ka ȧdȧru, dɛ yi ka tȧbona təlɔm bɛ-e, ka ɛbɔnsɔŋ bɛ, ka tənt bɛ, dɛ yi ka afəm bɛ;

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.

Kȧŋȧibinɛ 4:11

Munɔ ɔMarki Kuru mə yi ubeki tə kəsɔthɔ ayiki, yi kəthɔkəs, dɛ yi afɔsɔ; kotȧy-e munɔ mə po bɛmpa ɛyɛt bɛ, ɔwa salata mabɔnɛ ma mu ɛyɛt bɛ ɛ yi, tȧsom a la bɛmpa yi.