AŋƐfisɔs 3:4 - Ȧŋlemrȧnɛ Ȧfu

⁴ kȧmȧ pə yi ma nə karaŋ nə tə tȧrȧ kȧsɔthnɛ kȧmi ka aŋgbundu ŋa Kraystȧŋ.

AŋƐfisɔs 3:4 Iomraidhean Croise

Mathiu 13:11

kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki.

Luk 8:10

kɔ pa, Ro rɔnu a sɔŋ ti tə kətara aŋgbundu ŋa rȧbȧy ra Kuru, kɛrɛ alɔm-e, a thəksa ŋa rə ɛlomɔ, kȧmȧ hali aŋ kəli aŋ nənk hɛ; hali aŋ təl-e, pə sɔk hɛ ŋa.

AŋRomans 11:25

Aŋwɔnt mi, ta thani nə yi aŋatanɛ rə amera-e, i yema kȧmȧ nə tȧrȧ amurare aŋe kəpa kəgbolŋanɛ kə po derər alɔm ŋa aŋIsrɛl haŋ kalasər ka tȧbona təlɔm kə bek.

AŋRomans 16:25

Ka-ake kɔn ɔwe gbəli bȧksər nu kətȧŋȧnɛ ka mapa məfinɔ ma Kuru ama a maŋkər mi, dɛ yi aŋkanɛ salata Yisɔs Kraystȧŋ, mɔlɔ ma kaŋaybi ka aŋgbundu aŋa a maŋk kȧbi ka ɔtəpɛ,

1 AŋKɔrenth 13:2

Hali i ba aŋfɔsɔ tə kənȧbi-e, ɔwa i sɔthnɛ ɛgbundu dɛ yi kətara tȧy bɛ; ɔwa hali i ba kəlanɛ bɛ haŋ thɔŋ i gbəli tɔŋa təteŋ, bepi i ba hɛ məbɔthər-e, i yi hɛ koko.

1 AŋKɔrenth 4:1

Nə yi tə kəkəli su mɔlɔ ma ɛbɔy ya Krayst aŋa mə kɔtha ɛgbundu ya Kuru.

2 AŋKɔrenth 11:6

Hali ma i yi uyay ka kəfɔf-e, i yi hɛ uyay ka kətara tȧy; sə poŋ ti tɔri gbafəth kətɔŋ ka nu bɛ rə roŋ o roŋ.

AŋƐfisɔs 1:9

ma ɔ poŋ tɔri su aŋgbundu ŋa mȧselɔ mɔŋ, mɔ mə mȧselɔ mɔŋ məfinɔ mə yi ama ɔ ba ka aŋyɛthɛ ŋɔŋ.

AŋƐfisɔs 3:3

tə kəyi a ŋaybi ti do rɔmi kȧmȧ i sɔthnɛ aŋgbundu, mɔ mə i po thɔŋ gbal rə sim təthan,

AŋƐfisɔs 3:9

dɛ yi kȧmȧ i yɔ afəm bɛ aŋ nənk ko yi mabotəs ma aŋgbundu aŋa a po maŋk ka ȧŋmerȧ ŋa Kuru kȧbi ka ɔtəpɛr wa ȧdȧru, ɔwe po bɛmpa ɛyɛt bɛ ka Yisɔs Kraystȧŋ.

AŋƐfisɔs 5:32

Aŋgbundu aŋe aŋ yi abana; ɔwa i fɔf ta Krayst dɛ yi aŋchɔch.

AŋƐfisɔs 6:19

Dɛ yi ta ȧtȧ mi sɔ, kȧmȧ a sɔŋ mi sim dɛ yi kəmintha kȧmȧ i gbəli tɔri aŋgbundu ŋa ȧkɛra kəfinɔ ka Kuru Məsaba kəte ba rənes.

AŋKɔlɔsi 1:26

hali aŋgbundu aŋa a la maŋk kəwur ka ɛyamana ya təkomra bɛ ȧtȧ po thas, kɛrɛ ka-ake a ŋaibi ŋi gbafəth ka afəm ŋɔŋ asəm.

AŋKɔlɔsi 2:2

Kama ɛmerȧ yaŋ ɛ gbəli ba kəbɛfəth, maŋ yi asekəranɛ yi məbɔthər, tə kətara rayola ra kasɔthnɛ aŋgbundu ŋa Kuru, hali Kraystȧŋ,

AŋKɔlɔsi 4:3

Ramnɛ nu sɔ ta ȧtȧ su, kȧmȧ Kuru ɔ kanthɛ su roŋ ta ȧrim, kȧmȧ sə gbəli taməs aŋgbundu ŋa Kraystȧŋ, ta aŋa minɛ i yi ka tɔrɛntha.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Timɔthi 3:9

kaŋ yi tə kəwop aŋgbundu ŋa kȧlanɛ rə ȧmerȧ ȧferȧ.