AŋƐfisɔs 3:16 - Ȧŋlemrȧnɛ Ȧfu

¹⁶ kȧmȧ ɔ yɔ nu kətȧŋȧnɛ ka ɔlasər wa aŋyiki ŋɔŋ, kȧmȧ nə bȧksər rə aŋfɔsɔ ŋa ɔYina ŋɔŋ ka rafəm ra nu;

AŋƐfisɔs 3:16 Iomraidhean Croise

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

AŋRomans 2:29

kɛrɛ ɔ yi uYuda tɛntɛnɛ ɔwe yi uYuda rə ȧmerȧ, yi kəbirons tɛntɛnɛ kə yi ka ȧŋmerȧ dɛ yi ka aŋyina, pə yi hɛ gbo ka mȧgbal son. Kakolo ka wuni wunɔ kə yi hɛ ka afəm, kɛrɛ kə wur ka Kuru.

AŋRomans 7:22

kotȧy-e ɔ bɔnɛ mi ro ȧmerȧ salata ȧŋthɔ ŋa Kuru.

AŋRomans 9:23

kȧmȧ ɔ tɔri rayola ra aŋyiki ŋɔŋ ka aŋfəm ŋa ȧŋney ŋɔŋ aŋa ɔ bɛmpa thəpaŋ ta ayiki,

1 AŋKɔrenth 16:13

Bumnɛ nu, təmȧ nu kəŋkəŋ ka kȧlanɛ. Yɔ nu mɔ afəm aruni, bȧk nu mədɛr.

2 AŋKɔrenth 12:9

Kɛrɛ ɔ pa ro rɔmi, ȧŋboŋa a mi aŋ yi abeki mu, kotȧy-e aŋfɔsɔ a mi aŋ yi agbenthis ka mȧrȧnt. Tiyȧŋ pə bɔnɛ mi tə kəkolonɛ ka mȧrȧnt ma mi, kȧmȧ aŋfɔsɔ ŋa Kraystȧŋ aŋ rensa mi.

2 AŋKɔrenth 4:16

Tiyȧŋ sə thamrɔ hɛ, hali ma madɛr ma su ma rokaŋ mə dinɛ, halisa a kȧl fus ɛmerȧ ɛ su ɛyɛ yi rokor ȧrey o rei.

AŋƐfisɔs 1:18

Tə kəyi a sɔkəth ɛfɔr ya ɛmerȧ ɛ nu kȧmȧ nə tȧrȧ ko kəgbak ȧmerȧ nə ba ka kamuti kɔŋ, dɛ yi ko yi rayola ra aŋyiki ŋa akɛŋ kɔŋ ka aŋsəm,

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

AŋƐfisɔs 2:7

kama-e, ka ɛlɔkɔ ɛyɛ ba kəder-e, ɔ gbəli tɔri rayola ra ȧŋboŋa ŋɔŋ abana kətȧŋȧnɛ ka mathɔth mɔŋ ta ȧtȧ su rokor ka Yisɔs Kraystȧŋ.

AŋƐfisɔs 3:15

ɔwa kəwur do rɔŋɔŋ ŋa sɛŋk ro riyana yi ka ȧdȧru aŋ sɔthɔ ŋes,

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

AŋƐfisɔs 6:10

Ka kaləpsɔ, aŋwɔnt a mi, yi nu abȧki mədɛr ka ɔMarki, dɛ yi ka aŋfɔsɔ ŋa kagbəli tȧy kɔŋ.

AŋFilipai 4:13

I gbəli yɔ tȧy o tȧy bɛ asabu ŋa Krayst ɔwe mə sɔŋ mi afɔsɔ.

AŋFilipai 4:19

Kɛrɛ ɔKuru kȧmi ɔ tə yer nu ara nə yema bɛ, mɔlɔ ma rayola ra aŋyiki ŋɔŋ rə yi ka Yisɔs Krayst.

AŋKɔlɔsi 1:11

Kaŋka a bȧksər nu rə afɔsɔ bɛ kətȧŋȧnɛ ka ɔninis wa aŋfɔsɔ ŋa aŋyiki ŋɔŋ, kəkɔ ka kȧmuyu kəlele rə məbɔnɛ.

AŋKɔlɔsi 1:27

Pə bɔnɛs Kuru sɔ tə kətɔri ŋa rayola ra aŋyiki ŋa aŋgbundu aŋe kətɔŋ ka tȧbona təlɔm; aŋa mə yi Krayst rokor ka nu, kagbak ȧmerȧ ka ayiki.

AŋKɔlɔsi 2:2

Kama ɛmerȧ yaŋ ɛ gbəli ba kəbɛfəth, maŋ yi asekəranɛ yi məbɔthər, tə kətara rayola ra kasɔthnɛ aŋgbundu ŋa Kuru, hali Kraystȧŋ,

2 Timɔthi 4:17

Kɛrɛ ɔMarki ɔ təmȧ mi rayɛr, kɔ bȧksər mi, kȧmȧ pə yi ȧŋsabu a mi, tȧbona təlɔm bɛ aŋ tə təl ȧkɛra kəfinɔ ka Kuru; kɔ kathi mi ka kȧsəŋ ka ȧŋsoyila.

AŋHibru 11:34

aŋ dimsi ɔbaŋ wa nȧnt, aŋ fisə kəwur ka rəfi ra agbathɔ, aŋ səkɛ abȧki mədɛr kəwur ka rəyai, aŋ yi abȧki təbuth tə kətim, aŋ bȧl asəfȧ ta aŋfəm ȧthȧnthonɛ.

1 Pitar 3:4

Kɛrɛ ta pə yi aŋesəm afu rokor ka nu, aŋa te ba tə kələsə thȧnkȧŋ, dɛ yi ɛyesinɛ ya ȧmerȧ athɔfəl ɛyɛ yi rəka rəkɛŋ rodi ka Kuru.