AŋƐfisɔs 3:10 - Ȧŋlemrȧnɛ Ȧfu

¹⁰ Kama aŋchɔch ka-ake aŋ gbəli yɔ aŋkərbomp dɛ yi ɛfɔsɔ ya ȧkȧriyana aŋ tȧrȧ kȧtemp kəgbaskɛ gbaskɛ ka Kuru.

AŋƐfisɔs 3:10 Iomraidhean Croise

AŋRomans 11:33

Ko rayola ra kȧtemp yi kȧtȧrȧ ka Kuru rə yi rəbɔlɔŋ ba! Mȧgbəkȧ mɔŋ mə tuy gbɛlɛŋ, ɔwa ȧsoŋ tɔŋ tə yi tətui tȧrȧ!

AŋRomans 8:38

kotȧy-e i lanɛ kəpa rəfi-o, aŋesəm-o, amaleka-o, agbəka-o, ɛfɔsɔ-o, mȧtȧy ma ka-ake-o, mȧtȧy ma ninaŋ-o,

1 AŋKɔrenth 1:24

Kɛrɛ ka ŋaŋ aŋa po malanɛ kamuti kɔŋ-e, pə yi aYuda-o, thalɔm aKrik-o, ɔKrayst ɔ yi aŋfɔsɔ ŋa Kuru yi kȧtemp ka Kuru.

1 AŋKɔrenth 2:7

Kɛrɛ sə fɔf gbo kȧtemp ka aŋgbundu ŋa Kuru, pə yi mɔ kȧtemp kəmȧnknɛ ȧke Kuru ɔ botəs thəpaŋ yeŋka ȧdȧru rə təpɛ, ta salata aŋyiki a su.

AŋƐfisɔs 1:21

ɔbɔli rəkɔm ka rəgbəka bɛ, afɔsɔ bɛ, amarki bɛ, yi tȧbȧy bɛ dɛ yi ka ŋes o ŋes aŋa a bont, pə yi hɛ ka ȧdȧru are gbo gbɛt, kɛrɛ ka ȧdȧru ara ba kəder sɔ.

AŋƐfisɔs 1:23

aŋa yi ȧŋdɛr ŋɔŋ, ɔlasər wa kɔn ɔwe mə lasər dɛr o dɛr yi tȧy o tȧy.

AŋƐfisɔs 1:3

Sə ruba Kuru Məsaba ɔKas ka ɔMarki kȧsu Yisɔs Krayst ɔwe po ruba su rɛ yi ɛruba ɛyɛ ro Yina bɛ ka ɔyira wa riyana rokor ka Krayst.

AŋƐfisɔs 1:8

aŋa ɔ yer su ɔgbȧthi ɔlay rə kətemp dɛ yi kətara tȧy bɛ,

AŋƐfisɔs 6:12

kotȧy-e katim kȧsu kə yi hɛ kəŋamnɛ mədɛr yi mətir, kɛrɛ kəŋamnɛ ŋatəbomp-e, təbay-e, aŋgbəka ŋa ȧŋsum ŋa ȧdȧru are-e, dɛ yi kəŋamnɛ ɛyina ɛləs ya aŋfena.

AŋKɔlɔsi 1:16

kotȧy-e, ka aŋyɛthɛ ŋɔŋ ɔ təpi ɛyɛt bɛ, ɛyɛt ya ro riyana, yi nɔru, ɛyɛ mȧ sə nəŋka rəfɔr dɛ yi ɛyɛ mȧ sə te nənk, pə yi təbȧy-o, təthɔf-o, ɛbomp-o, thalɔm agbəka-o; a təpi ɛyɛt bɛ do rɔŋɔŋ dɛ yi kətȧŋȧnɛ kɔŋ.

AŋKɔlɔsi 2:10

Ɔwa naŋ nə yi agbenthis do rɔŋɔŋ, ɔwe yi ɔgbəka ka agbəka dɛ yi ɔbȧy ka abȧy bɛ.

AŋKɔlɔsi 2:15

kɔ ləsər aŋfɔsɔ ŋa agbəka dɛ yi abȧy bɛ, ɔwa ɔ tɔri gbafəth kəpa ɔ po tham ŋa ka akənt kɔŋ kəpəŋkinɛ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.