AŋƐfisɔs 2:8 - Ȧŋlemrȧnɛ Ȧfu

⁸ kotȧy-e rȧ aboŋa a kisis nu asabu ŋa kəlanɛ; pə yi hɛ ka aŋfɔsɔ a nu, pə yi ȧŋboya ŋa Kuru Məsaba.

AŋƐfisɔs 2:8 Iomraidhean Croise

Mathiu 16:17

Ka Yisɔs ɔ pa ro ŋɔŋ, Munɔ mǝ ba aruba Saymɔn ɔwan ka Yona, pǝkasifɛ wuni kǝpet ɔ tɔri hɛ ti ro mu, kɛrɛ ɔKas kȧmi ɔwe yi ro riyana.

Mathiu 20:9

Ka ŋaŋ aŋa lǝpsɔ wɔŋ ka mapanth aŋ der, aŋ sɔthɔ ukin o kin asiliŋ.

Mark 16:16

Kɔnɔ ɔwe mə lanɛ, ɔwa a baftays kɔ-e, ɔ tə kisi, kɛrɛ kɔnɔ ɔwe mə te lanɛ-e, ɔ ba mətheri.

Luk 7:50

Ɔwa ɔ pa ka ɔya, Kɔnɛ yi məthɔfəl; kȧlanɛ ka mu kə po mu kisis.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 4:10

Yisɔsȧŋ ɔ pa ro ŋɔŋ, Bepi mə tȧrȧ ȧŋboya ŋa Kuru, yi ɔwe pa ro mu, Yer mi i mun, mə tə yif kɔ naŋ, ɔwa ɔ tə sɔŋ mu ȧmȧnt ma aŋesəm.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 6:35

Yisɔsȧŋ ɔ pa ro ŋaŋ, Minɛ yi kabo ka aŋesəm: ɔwe mə der ro mi dor rə ba hɛ kəwop kɔ thəbana: ɔwa ɔwe mə lanɛ mi rəmun rə bȧk hɛ kɔ sɔ.

Yɔn 6:37

Ŋaŋ bɛ aŋa ɔKas ɔ sɔŋ mi aŋ tə der ro mi; ɔwa kɔnɔ ɔwe mə der ro mi i bȧl hɛ kɔ rokaŋ hali.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 6:44

Wuni o wuni ɔ gbəli hɛ der ro mi, thambe ɔKas ɔwe som mi ɔ liŋ kɔ; ɔwa minɛŋ i ti yokas kɔ ka ȧŋrey aləpsɔ.

Yɔn 6:65

kɔ pa, Ta ȧte i po kanɛ nu, wuni o wuni ɔ gbəli hɛ der ro mi, thambe ɔKas ɔ lemnɛ ti.

Mȧyɔs ma aŋsom 13:39

ɔwa ka kȧta kɔŋ wuni o wuni ɔwe lanɛ ɔ sɔthɔ məmari ka mȧtȧy bɛ-e, ka ama nə te gbəli sɔthɔ məmari ka ȧŋthɔ ŋa Mosis.

Mȧyɔs ma aŋsom 14:27

Ɔwa maŋ bek-e, aŋ thoŋkla aŋchɔch dɛr rɔkin, aŋ lɔma ŋa mȧtȧy bɛ ama Kuru ɔ yɔ ka mȧta maŋ, yi to ɔ po kanthi karare ka kȧlanɛ ka tȧbona təlɔm.

Mȧyɔs ma aŋsom 15:11

Kɛrɛ sə lanɛ kəpa saŋ sə ba kəkisi salata ȧŋboŋa ŋa ɔMarki Yisɔs Krayst mɔ ŋaŋ sɔ.

Mȧyɔs ma aŋsom 16:14

Ka ubɛra ulɔm, ȧŋes ŋɔŋ ŋȧ yi Lidya, uthila totha təyim-e, ɔ yi ka kȧpet ȧke a bont Thiatira, ɔwe bȧtho Kurɔŋ; kɔnɔ təlȧ su. Ɔwa ɔMarki ɔ kanthi ȧŋmerȧ ŋɔŋ kȧmȧ ɔ botər ȧmerȧ ta mȧtȧy ama Pɔlȧŋ ɔ fɔf.

Mȧyɔs ma aŋsom 16:31

kaŋ pa, Lanɛ ka ɔMarki Yisɔs Krayst, ɔwa mə tə kisi, munɔŋ yi kabɔr ka mu bɛ.

AŋRomans 10:14

Kɛrɛ to mə aŋ gbəli ramnɛ ka ɔwe mə aŋ te tha lanɛ-e? Ɔwa to mə aŋ gbəli lanɛ ka ɔwe mə aŋ te tha təla-e? Ɔwa to mə aŋ gbəli təl kəte ba ukawandi-e?

AŋRomans 10:17

Tiyȧŋ kəlanɛ kə wur rə kətəl, yi kətəl rə ȧrim ra Krayst.

AŋRomans 4:16

Tiyȧŋ aŋlahiri aŋ təmȧ ka kȧlanɛ kaŋka aŋ gbəli yi salata aboŋa; kȧmȧ aŋlahiri aŋ bȧkər ka aŋwuth bɛ, pə yi hɛ gbo ka ŋaŋ aŋa təmȧ ka ȧŋthɔ, kɛrɛ ka ŋaŋ sɔ aŋa yi ka kȧlanɛ ka Ebraham, kotȧy-e kɔnɔ yi ɔkas kȧsu bɛ,

AŋRomans 4:5

Ɔwa kɔn ɔwe te yɔ məpanth, kɛrɛ ɔ lanɛ gbo kɔn ɔwe gbəli sɔŋ məmari ka ŋaŋ aŋa te yi alompi, a lɔm kȧlanɛ kɔŋ mɔ məlompi.

AŋRomans 9:16

Tiyȧŋ pə yi hɛ ka mȧselɔ ma wuni kəpet, thalɔm ka mȧyɔs mɔŋ, kɛrɛ pə yi ka ȧŋney ŋa Kuru Məsaba.

AŋKȧletia 3:14

kȧmȧ aŋruba ŋa Ebraham aŋ gbəli der ka tȧbona təlɔm kətȧŋȧnɛ ka Yisɔs Kraystȧŋ; kȧmȧ sə sɔthɔ aŋlahiri ŋa ɔYina məsəm asabu ŋa kȧlanɛ.

AŋKȧletia 3:22

Kɛrɛ mȧgbal məsəm mə tɔri kəpa afəm bɛ aŋ yi ka aŋfɔsɔ ŋa ahakɛ, kȧmȧ ŋaŋ aŋa lanɛ aŋ gbəli sɔthɔ aŋlahiri kətȧŋȧnɛ ka kȧlanɛ ka Yisɔs Krayst.

AŋƐfisɔs 1:19

dɛ yi ko aŋfɔsɔ ŋɔŋ ŋə yi abana ɔthasər-e do rɔsu aŋa lanɛ, mɔ mə kagbəli kɔŋ kəninis kə yi,

AŋƐfisɔs 2:10

kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

AŋƐfisɔs 2:5

hali ma sə yi saŋ afi ka ɛhakɛ-e, ɔ kȧl sɔŋ su aŋesəm dɛ yi Kraystȧŋ, (a kisis nu ka aboŋa);

AŋFilipai 1:29

A po sɔŋ nu afɔsɔ, pə yi hɛ gbo tə kəlanɛ Kraystȧŋ, kɛrɛ tə kənakasi ta sala tɔŋ.

AŋKɔlɔsi 2:12

Ka a po maŋk nu yi kɔn ka ȧŋbaftisəm, ro pə yi ka-ake a yokas nu sɔ yi kɔn kətȧŋȧnɛ ka kȧlanɛ ka mapanth ma Kuru ɔwe po yokas kɔ ka rafi.

2 AŋThɛsȧlonika 1:9

Ɔwa aŋ tə sɔthɔ kəthalər, hali kədinɛ kəwur ka kȧbəprȧnɛ ka Kuru, dɛ yi ka aŋyiki ŋa aŋfɔsɔ ŋɔŋ.

AŋHibru 6:4

kotȧy-e bepi sə fɔf ta ŋaŋ aŋa po sɔthɔ ȧŋmothȧ, aŋa po tham ɔbɔthi wa ȧŋboya ŋa ro riana-e, aŋa po sɔthɔ ani ka ɔYina məsəm,

1 Pitar 1:5

aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.