AŋƐfisɔs 2:2 - Ȧŋlemrȧnɛ Ȧfu

² ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋƐfisɔs 2:2 Iomraidhean Croise

Mathiu 11:19

ƆWan ka wuni ɔ der rǝ kǝdi dɛ yi rǝ kǝmun, ɔwa aŋ pa, Kǝli ulaŋgba uwɔnthi rɛ umun ubana-e, uyathki ka aŋthoŋkla ɛfȧk yi aŋfǝm ŋa ɛhakɛ. Kɛrɛ kǝtemp kǝ tǝ sɔthɔ mǝmari ka mȧyɔs mati.

Mathiu 13:22

Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Mathiu 13:38

Ɔwa akɔr-e, kǝ yi ȧdȧru. Mater mǝfinɔ mǝ yi aŋwuth ŋa rȧbȧy, kɛrɛ kapika kǝ yi aŋwuth ŋa ɔwuni lǝs.

Mark 4:19

kɛrɛ ɛsoli ya ȧdȧru, yi matɔns ma rəyola, ɔwa mafela ma mȧtȧy məlɔm mə der-e, mə thiŋkanɛ ȧrim, ɔwa rə ba hɛ məkomi.

Luk 16:8

Ka ɔmarki kɔŋ ɔ korikori ȧŋbɔy ŋɔŋ ukənə pəkasifɛ ɔ yɔ kətemp; kotȧy-e aŋwuth ŋa ȧdȧru aŋ yi atempi kətɔŋ ka ŋaŋ pəthasi aŋwuth ŋa ȧŋmothȧ.

Luk 22:31

Saymɔn, Saymɔn, Sethani ɔ yema ba mu kȧmȧ ɔ fɛk mu mɔ pəla,

Yɔn 12:31

Ka-ake ka pə yi kathoŋkas ka ȧdȧru are; ka-ake a tə wurɔ ɔwe yi rȧbomp ka ȧdȧru are.

Yɔn 13:2

Maŋ yi ka kədi, Sethanɛŋ ɔ po thɔ bot ti ka ȧŋmerȧ ŋa Yudas Iskariyɔt, ɔwan ka Saymɔn, tə kəsɔnd kɔ.

Yɔn 13:27

Kədarəŋ ka ma ɔ sɔthɔ ȧŋbɛm-e, Sethani ɔ wɔŋ kɔ, ka Yisɔsȧŋ ɔ pa ro ŋɔŋ, Ȧtȧ mȧ mə yɔ-e, yɔ ti lɛmp lɛmp.

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 15:19

Bepi nə yi aŋa ȧdȧru, ȧdȧru rə tə bɔthər aŋɔŋ: kɛrɛ ma nə te yi aŋa ȧdȧru, kɛrɛ i po thith nu kəwur ka ȧdȧru-e tiyȧŋ ȧdȧru rə gbɛŋa nu.

Yɔn 16:11

ta kəthoŋkas ɛpa, pəkasifɛ a po thonkas ɔwe yi rȧbomp ra ȧdȧru are.

Yɔn 7:7

Raru rə gbəli hɛ gbɛŋa nu; kɛrɛ rə gbɛŋa mi, pəkasifɛ i gbaki ta ti kəpa mȧyɔs mati mə yi mələs.

Yɔn 8:23

Ɔ pa ro ŋaŋ, Nia nə wur roratha, minɛŋ i wur rokɔm: nia nə yi ka ȧdȧru are; minɛŋ i yi hɛ ka ȧdȧru are.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

Mȧyɔs ma aŋsom 19:35

Ma ɔgbal ka kȧpet ɔ po thɔfələs ȧruniya-e ɔ pa, Naŋ alaŋgba ŋa ro Ɛfisɔs, ko wuni wɔŋ ɔwe te tȧrȧ kəpa kȧpet ka aŋƐfisɔs kə yi ɔbumər ka ȧŋseth ŋa Dayana ubana, yi mȧbȧlȧnɛ ama fumpɔ kəwur ka Yupita-e?

Mȧyɔs ma aŋsom 5:3

Kɛrɛ Pitaŋ ɔ pa, Ananayas, to som Sethani ɔ lasər ȧŋmerȧ a mu kȧmȧ mə yemsa ɔYina məsəm, kəpa mə bɛnɛ ȧgbȧp ŋin ka amɔlɔ ma aŋkai-e?

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

1 AŋKɔrenth 5:10

Kɛrɛ i lei hɛ aŋfəm arəpi ŋa ȧdȧru are, ta a pa ras ŋaŋ aŋa ba ɛfɔr ɛyamari, thalɔm aŋkey aluk-e, thalɔm ŋaŋ aŋa mə ramnɛ ɛyɛt ɛbumərnɛ; bepi pə yi yaŋ-e, thambe nə wur ka ȧdȧru.

1 AŋKɔrenth 6:11

Ɔwa yaŋ alɔm kətɔŋ ka nu nə la yi thəpaŋ, kɛrɛ a po fethər nu, a po səməs nu, ɔwa a po sɔŋ nu məmari ka ȧŋes ŋa ɔMarki Yisɔs Kraystȧŋ dɛ yi ka ɔYina ka ɔKuru kȧsu.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋƐfisɔs 1:21

ɔbɔli rəkɔm ka rəgbəka bɛ, afɔsɔ bɛ, amarki bɛ, yi tȧbȧy bɛ dɛ yi ka ŋes o ŋes aŋa a bont, pə yi hɛ ka ȧdȧru are gbo gbɛt, kɛrɛ ka ȧdȧru ara ba kəder sɔ.

AŋƐfisɔs 2:11

Tiyȧŋ kala nu ȧmerȧ kəpa naŋ nə la yi təbona təlɔm ka rawuni kəpet-e, aŋa ȧŋbirons aŋ tela ante birons kabirons ȧke ma yɔ rɛ məta maŋ ley.

AŋƐfisɔs 2:13

Kɛrɛ ka-ake ka Yisɔs Kraystȧŋ ŋaŋ aŋa la yi abɔlanɛ-e, a yɔ nu nə fatər gbɛpti asabu ŋa mȧtir ma Kraystȧŋ.

AŋƐfisɔs 2:3

Saŋ sɔ sə la yirȧ kətɔŋ ka ŋaŋ ka maləs ma madɛr ma su, rə kətaŋ gbo mafela ma madɛr dɛ yi ɛnanɛ yati; pəkasifɛ kətȧŋȧnɛ ka kakom kȧsu sə yi saŋ aŋwuth ŋa rəbaŋ, mɔ afəm alɔm bɛ.

AŋƐfisɔs 4:17

Ȧtesoma-e i maŋ nu, ɔwa i nɛmthɛnɛ nu ka ȧŋes ŋa ɔMarki kȧmȧ nə te sɔ kɔth mɔ tȧbona təlɔm mə aŋ kɔth, ka ɛmerȧ yaŋ ɛfoth.

AŋƐfisɔs 4:22

Kama nə bus aruma ra rawuni kur yi matanɛ ma nu thəpaŋ ara mə bȧr gbo ləsərnɛ ka ɛmilɛ ɛyaŋfa.

AŋƐfisɔs 5:6

Te nu selɔ wuni o wuni ɔ tɔns nu rə sim təfoth; kotȧy-e salata mȧtȧy ame rabaŋ da Kuru rə derər aŋwuth ȧthȧnthonɛ.

AŋƐfisɔs 5:8

kotȧy-e nə yi thəpaŋ ka asum, kɛrɛ ka-ake nə yi ɔwaŋ ka ɔMarki. Kɔth nu mɔ awuth ŋa ɔwaŋ;

AŋƐfisɔs 6:12

kotȧy-e katim kȧsu kə yi hɛ kəŋamnɛ mədɛr yi mətir, kɛrɛ kəŋamnɛ ŋatəbomp-e, təbay-e, aŋgbəka ŋa ȧŋsum ŋa ȧdȧru are-e, dɛ yi kəŋamnɛ ɛyina ɛləs ya aŋfena.

AŋKɔlɔsi 1:21

Ɔwa naŋ, ma nə la ba ɛmerȧ ɛbɔlanɛ dɛ yi ɛgbɛŋanɛ salata mȧyɔs ma nu mələs-e,

2 Timɔthi 4:10

kotȧy-e Dimas ɔ po tey mi ma ɔ bɔthər ȧdȧru are, ɔ poŋ thɔŋ kɔnɛ ro Thɛsalonika, Krɛsɛns ro Kaletia, Taytɔs ro Dalmetiya.

Yeməs 1:27

Kakɔth ka aroŋ da Kuru kətəteŋ ȧke te ba apora ro der kəri ka ɔKuru dɛ yi ɔKas kȧsu ki ake, tə kənanɛ ante ba kas yi ȧŋbora ka ȧŋsɔmpanɛ a ŋaŋ, yi tə kəbɛnɛ ȧŋmerȧ ŋɔŋ kəte ba apora ka ȧdȧru.

Yeməs 1:7

Ta ɔwuni wunɔŋ ɔ te bot ȧmerȧ kəpa ye ɔ tə sɔthɔ koko kəwur ka ɔMarki.

Yeməs 4:4

Na afəm arəpi nə tȧrȧ hɛ kəpa mamanɛ ma ȧdȧru mə yi kəgbɛŋȧ Kuru-i? Tiyȧŋ wuni o wuni ɔwe yema yi uyathki ka ȧdȧru ɔ səkɛ utheranɛ ka Kuru.

1 Pitar 1:14

Mɔ awuth arusəma, te nu taŋanɛ mafela ma nu məbaŋ ama nə la taŋanɛ ka ȧŋlɔkɔ ŋa kate tȧrȧ ka nu thəpaŋ.

1 Pitar 4:3

Pəkasifɛ sə poŋ thɔŋ ləsər alɔkɔ abeki ka kəyɔ ȧtȧ tȧbona təlɔm aŋ bɔthər, ma sə la kɔth ka kərəp, məfela mələs, kəmun, ɛmet ɛgbaskɛ gbaskɛ, dɛ yi kəbatho ɛyɛt ɛbumərnɛ.

2 Pitar 2:14

Ɛfɔr yaŋ gbeŋ ɛ la kərəp, ɛyɛ te gbəli tey kəyɔ ɔləs, kaŋ pəŋis ŋaŋ aŋa ba ɛmerȧ ɛlȧfthɛ lȧfthɛ; a rusəm ɛmerȧ yaŋ ta salata ɛmilɛ. Ŋa awuth ŋa ȧranka ŋaŋ.

1 Yɔn 3:10

Ka ȧte sə gbəli tȧrȧ awuth ŋa Kuru, yi awuth ŋa Sethani: wuni o wuni ɔwe te yɔ ɔlompi ɔ yi hɛ ka Kuru, thalɔm ɔwe te bɔthər ɔwɔnt kɔŋ.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

1 Yɔn 4:4

Naŋ nə yi ka Kuru, awuth a mi alɔl, ɔwa nə po tham ŋa: pəkasifɛ kɔn ɔwe yi ro nu ɔ yi ubana pəthasi kɔn ɔwe yi ka ȧdȧru.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

1 Yɔn 5:4

kotȧy-e wuni o wuni ɔwe a po kom ka Kuru ɔ tham ȧdȧru: ɔwa katham ȧke mə tham ȧdȧru ki ake, kə yi kȧlanɛ kȧsu.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 13:14

kɔ pəŋis aŋfəm ka ȧdȧru kətȧŋȧnɛ ka mȧtȧy məkabanɛ ama ɔ ba afɔsɔ tə kəyɔ ka kȧbəprȧnɛ ka ɔsɛm; kɔ kanɛ aŋfəm ka ȧdȧru tə kəbɛmpa arɔŋ ka mȧbȧlȧnɛ ma ɔsɛm utuy tȧy ɔwe a la yɔ ɔbaŋ rɛ aŋgbathɔ, kɛrɛ ɔ yi ukəli halisa.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 16:17

Ka ɔmaleka ɔwe bekȧ tȧmthədɛrəŋ ɔ kus ȧŋbɔl ŋɔŋ ka aŋfena; ɔwa rim rəbana rə wur ka kawaŋ ka rȧbȧy ka ȧŋseth ŋa Kuru, rə pa ye, Koko bɛ rə poŋ thɔŋ.

Kȧŋȧibinɛ 20:2

Ɔwa ɔ wop ȧŋninkinanka, ȧŋbok ubaki kati, ɔwe yi ɔkərəfi dɛ yi Sethani, kɔ tand kɔ ta təren awul ŋin.