AŋƐfisɔs 2:10 - Ȧŋlemrȧnɛ Ȧfu

¹⁰ kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

AŋƐfisɔs 2:10 Iomraidhean Croise

Mathiu 5:16

Yɔ nu kȧmȧ ȧŋmothȧ a nu aŋ gbɛntha rodi ka aŋfǝm, kȧmȧ aŋ nənk mȧyɔs ma nu mǝfinɔ, ɔwa aŋ yikis ɔKas ka nu ɔwe yi ro riyana.

Yɔn 3:21

Kɛrɛ ɔwe mə yɔ tȧteŋ ɔ der ka ȧŋmothȧ, kȧmȧ mȧyɔs mɔŋ mə tɔrinɛ kəpa, ɔ yɔ ma ka aŋfɔsɔ ŋa Kuru.

Mȧyɔs ma aŋsom 9:31

Ka aŋchɔch ro Yudia, ro Kalili yi ro Samaria aŋ ba məthɔfəl, ɔwa aŋ sɔthɔ kəbaksər. Ɔwa maŋ kɔth ka ranes ra ɔMarki yi ka kȧbɛfəth ka ɔYina məsəm-e, aŋ bȧrnɛ.

Mȧyɔs ma aŋsom 9:36

Ukarande ulɔm ɔ yirȧ ro Yɔpa, ȧŋes ŋɔŋ ŋə yi Tabitha, aŋa a tepa kəpa Dɔkas; ɔya ɔwe ɔ la məyɔs məfinɔ yi kəboya kəbana.

AŋRomans 8:1

Tiyȧŋ mətheri mə gbəli hɛ sɔ yi ta ȧtȧ ŋaŋ aŋa yi rokor ka Yisɔs Kraystȧŋ, aŋa mə te kɔth ka mafela ma madɛr, kɛrɛ ka ɔYina məsəm.

AŋRomans 8:29

kotȧy-e ŋaŋ aŋa Kuru ɔ po thith thəpaŋ, ɔ ba mabotəs mati kȧmȧ aŋ taŋanɛ ka mȧbȧlȧnɛ ma ɔWan kɔŋ, kȧmȧ ɔWan kɔŋ ɔ yi ɔbaki kətɔŋ ka awɔnt agbȧthi.

1 AŋKɔrenth 3:9

kotȧy-e, saŋ sə yi ayɔ məpanth rɔkin yi Kuru. Naŋ nə yi akɔr ka Kuru, nə yi ȧŋseth ŋa Kuru.

2 AŋKɔrenth 5:17

Ȧtesoma-e bepi wuni o wuni ɔ yi rokor ka Kraist-e, ɔ yi wuni fu. Mȧtȧy məkur mə po thas; kəla mȧtȧy bɛ mə po səkɛ məfu.

2 AŋKɔrenth 5:5

Ɔwa ɔwe bɛmpa su ta ȧtȧy ȧte gbeŋ, Kuru kɔnɔŋ, ɔwe po sɔŋ su sɔ masɛkɛ ma ɔYina.

2 AŋKɔrenth 9:8

Ɔwa Kurɔŋ ɔ gbəli yɔ kȧmȧ aboŋa bɛ aŋ fui do rɔnu, kȧmȧ naŋ nə ba ɔbeki lɔkɔ o lɔkɔ ka tȧy o tȧy, kȧmȧ nə bȧrnɛ rə məyɔs məfinɔ bɛ.

AŋKȧletia 6:15

kotȧy-e kȧbirons thalɔm kəte birons kə yi hɛ koko rokor ka Krayst Yisɔs, thambe məbɛmpa məfu gbo.

AŋƐfisɔs 1:1

Pɔl, usom ka Yisɔs Krayst kətaŋ ka mȧselɔ ma Kuru, ka aŋsəm aŋa yi ro Ɛfisɔs, yi ka aŋlanɛ rokor ka Krayst Yisɔs.

AŋƐfisɔs 1:4

Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

AŋƐfisɔs 2:13

Kɛrɛ ka-ake ka Yisɔs Kraystȧŋ ŋaŋ aŋa la yi abɔlanɛ-e, a yɔ nu nə fatər gbɛpti asabu ŋa mȧtir ma Kraystȧŋ.

AŋƐfisɔs 2:15

ma ɔ po nɔy ka ȧŋdɛr ŋɔŋ magbɛŋanɛ, pə yi mɔ-e ȧŋthɔ ŋa ɛyamari ɛyɛ a po gbal, kȧmȧ pə re yi rokor ka aŋyɛthɛ ŋɔŋ-e, afəm ŋarəŋ aŋe aŋ səkɛ wuni kin ufu, ɔwa yaŋ ɔ bɛmpa məthɔfəl.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋƐfisɔs 2:6

kɔ yokas su dɛ yi kɔn, kɔ yɔ su sə yirȧ dɛ yi kɔn ka riyana rokor ka Krayst Yisɔs;

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋƐfisɔs 4:24

Wɔŋ nu aruma ra rawuni fu, ɔwe a təpi rə mȧbȧlȧnɛ ma Kuru rə məlompi yi məsəm ma tȧteŋ.

AŋFilipai 1:6

Ka i lanɛ ti ɔbaksər kəpa, kɔnɔ ɔwe po təp məpanth məfinɔ rokor ka nu-e, ɔ tə pons ma haŋ ka ȧŋrey ŋa Yisɔs Krayst.

AŋFilipai 2:13

kotȧy-e Kuru kɔnɔ mə yɔ məpanth rokor ka nu kȧmȧ nə yema-e, ɔwa nə kȧl lasər mȧselɔ mɔŋ məfinɔ.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 3:10

ɔwa nə po wɔŋ ɔwuni fu, ɔwe a səki ufu rə kətara tȧy kətȧŋȧnɛ ka mȧbȧlȧnɛ ma ɔTəpi;

2 AŋThɛsȧlonika 2:17

kaŋka ɔ bɛfəth ɛmerȧ ɛ nu tə kəbaksər nu rə rim o rim dɛ yi məpanth o məpanth məfinɔ.

1 Timɔthi 2:10

kɛrɛ ta aŋ yesinɛ yi məyɔs məfinɔ ama mar afəm abom aŋa nesa Kuru Məsaba.

1 Timɔthi 5:10

ɔwe ba ŋes afinɔ ta mȧyɔs mɔŋ məfinɔ, bepi ɔ po rusəm awuth-e, bepi ɔ po fantha atik-e, bepi ɔ po yak ȧtȧtək ta aŋfəm ŋa Kuru-e, bepi ɔ po mar ȧŋmɔnɛ-e, bepi ɔ po pantnɛ rȧ məpanth o məpanth ama yi məfinɔ.

1 Timɔthi 5:25

Ya pə yi sɔ-e, mȧyɔs məfinɔ ma afəm alɔm mə wur gbafəth ka-ake; ɔwa mȧtȧy məlɔm ama te ŋaibinɛ ka-ake mə gbəli hɛ tiyȧ ro maŋknɛ haŋ thȧnkȧŋ.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

2 Timɔthi 2:21

Tiyȧŋ bepi wuni ɔ wasərnɛ məyay-e, a tə kianɛ kɔ ta məpanth məkolo, rəka rəsəm, rəbeki ka mapanth ma ɔMarki, rəbɛnɛnɛ ta tȧy o tȧy təfinɔ.

2 Timɔthi 3:17

kȧmȧ ɔwuni ka Kuru ɔ gbəli yi ulompi dɛ yi ubeki ta məpanth o məpanth.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

Taytɔs 2:7

Rə tȧy o tȧy tɔri amɔl ŋa məyɔs məfinɔ; thəksa rə ȧmerȧ ȧferȧ yi rim rəsɔbɛ, dɛ yi tȧteŋ,

Taytɔs 3:1

Yɔ kȧmȧ aŋfəm aŋ sanɛ ka aŋbȧy dɛ yi aŋgbəka rokɔm ka ŋaŋ, dɛ yi kȧmȧ aŋ yi abɛnɛnɛ ta məpanth o məpanth məfinɔ.

Taytɔs 3:14

Ɔwa yɔ kȧmȧ aŋfəm a su aŋ thəkəs tə kəyɔ məpanth məfinɔ ta ɛgbɛthɛŋ yaŋ kȧmȧ aŋ te yi akoŋfereŋ.

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

AŋHibru 10:24

Maŋ gbonkthasnɛ nu ukin dɛ yi ulɔm kəkɔ ka mȧbɔthər yi mȧyɔs məfinɔ.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 2:6

Kɔn ɔwe mə pa ɔ yi ro ŋɔŋ, ɔ yi sɔ tə kəkɔth mɔ kɔnɔ ɔ kɔth.