AŋƐfisɔs 1:4 - Ȧŋlemrȧnɛ Ȧfu

⁴ Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

AŋƐfisɔs 1:4 Iomraidhean Croise

Mathiu 24:22

Ɔwa thambe a gbǝŋki mȧrey mati-e, wuni o wuni ɔ ba hɛ kǝkisi; kɛrɛ salata aŋthith ŋa Kuru a tǝ gbǝŋki mȧrey mati.

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Mathiu 24:31

Ɔ tǝ som aŋmȧleka ŋɔŋ yi rim rǝbana rǝ kǝthɛma, ɔwa aŋ tǝ thoŋkla aŋthith ŋɔŋ dɛr rɔkin kǝwur ka ɛkoŋ yanlɛ ya ȧdȧru, kǝwur ka ɔthalnɛ wa aŋfena haŋ kǝkɔ ka ɔthalnɛ ɔlɔm.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Yɔn 10:16

Ɔwa i ba təlɔmɛ təlɔm, aŋa te yi ka kawɔrɛ ake: ŋaŋ sɔ i ba kəkara, ɔwa aŋ tə təl ȧrim ra mi: ɔwa aŋ tə yi kuthi kin, aŋ tə ba ɔtɔl kin.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Mȧyɔs ma aŋsom 13:48

Ɔwa ma tȧbona təlɔm aŋ təl ȧte-e, pə bɔnɛ ŋa, kaŋ yikis ȧrim ra Kuru; ɔwa ŋaŋ aŋa a bot tə kəsɔthɔ aŋesəm thəbana, aŋ lanɛ.

Mȧyɔs ma aŋsom 15:18

ƆMariki ɔwe mə tɔri mȧtȧy ame bɛ kȧbi ka thəpaŋ, kɔnɔ pa.

Mȧyɔs ma aŋsom 18:10

I yi yi munɔŋ, ɔwa wuni o wuni ɔ gbəli hɛ yɔ mu ɔbaŋ, ȧtesoma-e i ba afəm agbȧthi ka kȧpet ake.

AŋRomans 8:33

Kanɛ mə gbanthir aŋfəm ŋa Kuru ta tȧy o tay-e? Pə yi Kuru ɔwe mə sɔŋ məmari.

1 AŋKɔrenth 1:8

ɔwe yi tə kəbaksər nu sɔ haŋ ka ɔthalnɛ. Kama nə te ba məthɛkɛ ka ȧŋrey ŋa ɔMarki kȧsu Yisɔs Krayst.

AŋKȧletia 5:13

Ȧtesoma-e, awɔnt, a po tela nu rə rəwaŋkom, kɛrɛ te gbo kianɛ rȧwankom ra nu mɔ afɛrɛ tə kəlasər mafela ma madɛr, kɛrɛ kətȧŋȧnɛ ka məbɔthər-e, yɔnanɛ ukin dɛ yi ulɔm.

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋƐfisɔs 2:10

kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

AŋƐfisɔs 4:2

rə ɛmerȧ ɛthoranɛ dɛ yi məthɔfəl bɛ, yi kəmuyu tȧy, ɔwa sɔ-e, muyusanɛ nu rə məbɔthər.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

AŋƐfisɔs 5:27

kȧmȧ ɔ gbəli sɔŋ aŋchɔch do rɔŋɔŋ mɔ agbanɛ ŋa aŋlanɛ agbenthis, aŋa te ba apora, thalɔm akompthanɛ, thalɔm tȧy o tȧy təwunɔŋ; kȧmȧ aŋchɔch aŋ gbəli yi asəm kəte ba məthɛkɛ bɛ.

AŋFilipai 2:15

kȧmȧ nə gbəli yi apaŋi tȧy, kəte ba məthɛkɛ, mɔ aŋwuth ŋa Kuru aŋa te ba apora kətɔŋ ka rəkomra rəgbərəfanɛ dɛ yi rəkənɛ-e, ɔwa nə yi tə kəgbɛntha kətɔŋ ka ŋaŋ mɔ ɛmothȧ nɔru.

AŋKɔlɔsi 1:22

halisa ka-ake ka ȧŋdɛr ŋɔŋ ŋa rawuni kəpet, ɔ po yɔ kȧmȧ nə kȧl manɛ kətȧŋȧnɛ ka rafi rɔŋ, kȧmȧ ɔ təmər nu asəm dɛ yi agbəraŋ kəte ba məthɛkɛ rodi kɔŋ.

AŋKɔlɔsi 2:2

Kama ɛmerȧ yaŋ ɛ gbəli ba kəbɛfəth, maŋ yi asekəranɛ yi məbɔthər, tə kətara rayola ra kasɔthnɛ aŋgbundu ŋa Kuru, hali Kraystȧŋ,

AŋKɔlɔsi 3:12

Te ba ti, mɔ anthith ŋa Kuru, asəm dɛ yi abɔthər-e, wɔŋ nu ȧŋmerȧ ŋa ȧney, məthɔth, ȧmerȧ athoranɛ, athɔfəl, dɛ yi kəmuyu kəwoni.

1 AŋThɛsȧlonika 3:12

Kaŋka ɔMarki ɔ yɔ mabɔthər ma nu mə bȧrnɛ dɛ yi mə thɛrmɛ ɔkin ka ulɔm, kəkɔ ka afəm bɛ, hali mɔ mə saŋ sə bɔthər nu.

1 AŋThɛsȧlonika 4:7

kotȧy-e Kuru ɔ tela hɛ su salata mənɔkɔ, kɛrɛ ta rəsəm.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

2 Timɔthi 2:10

Tiyȧŋ i muyu tȧy o tȧy salata aŋfəm ŋa Kuru kȧmȧ ŋa sɔ aŋ gbəli sɔthɔ kakisi ȧke yi ka Krayst yi ayiki thəbana.

2 Timɔthi 2:19

Halisa ɔtəmər wa Kuru ɔ təmȧ kəŋkəŋ, ɔwa ȧŋmȧthlɛ ŋati ŋi aŋe, kəpa, ƆMariki ɔ tȧrȧ aŋfəm ŋɔŋ gbeŋ. Ɔwa sɔ-e, Ta wuni o wuni ɔwe bont ȧŋes ŋa Kraystȧŋ ɔ gbapɛ mȧkənə.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 1:2

aŋa pə yi Kuru ɔKas ɔ thith tə kəsəməs kətȧŋȧnɛ ka ɔYina kȧmȧ aŋ sanɛ ka Yisɔs Krayst dɛ yi a wɔnsir ŋa ka mȧtir mɔŋ. Ta aboŋa yi məthɔfəl ɛ bȧrnɛ ro rɔnu.

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.

1 Yɔn 4:16

Saŋ sə po tȧrȧ, ka sə lanɛ mabɔthər ama Kuru ɔ ba ta ȧtȧ su. Kuru ɔ yi məbɔthər; kɔnɔ ɔwe mə tiyȧ ka mabɔthər ɔ tiyȧ ka Kuru, ɔwa Kuru ɔ tiyȧ ro ŋɔŋ.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.